اللي عمل الليزك يدخل
عملت ليزك من ٣ ايام و عيني اليمين الزغللة راحت و الرؤية تمام لكن الشمال لسة في حبة زغللة و الرؤية اقل من اليمين ،،، هل دة طبيعي؟؟
عرض للطباعة
اللي عمل الليزك يدخل
عملت ليزك من ٣ ايام و عيني اليمين الزغللة راحت و الرؤية تمام لكن الشمال لسة في حبة زغللة و الرؤية اقل من اليمين ،،، هل دة طبيعي؟؟
عملتها فين ومعلش بكام لأني بدولا على مكان أعملها فيه
هل فيه ألم أثناء أو بعد العملية؟
مراتي عملتها من 3 ايام برضه وحالتها زي حضرتك بالضبط بتاخد وقت عشان يحصل complete healing
العملية اتكلفت 2600 جنيه
مفيش اي الم هو بس تهيج في العين وحرقان بعد اول يوم وخلاص
الحل في مرطبات العين بتتحط كل ساعة او حسب اللزوم
اعتقد في خلال اسبوع الموضوع حيكون افضل
ما تقلقش كل دة طبيعى ودا نفس الى حصلى
انا عملتها من سنة ونص
ومن بعد العملية ب 4 ايام عشت حياتى طبيعية عادى جدا
امشى انت بس على القطرات ومش تقلق
طبيعى يا باشا متقلقش
التحسن تدريجى هتلاقى يوم عن يوم بيفرق
عادي يا باشا الموضوع
وبتاخد فتره علشان تتحسن وتقدر تحكم عليها بعد 6 شهور
انا لما عملتها في اول ابريل كانت العين الشمال ضعيفه شويه
بس قريت انه عادي وسالت الدكتور قالي عادي
وبكل امانه قالي احيانا بتتحسن واحيانا بتفضل زي ماهي
ولما تعمقت قالولي ان فيه حاجه اسمها ليزر تاتش عباره عن عمليه بتتعمل علي السريع كده تظبط العين دي
بس بعد 6 شهور
معلش الاسعار دي غريبة شوية 2600 و 2900
ممكن عنوان المراكز دي وتليفوناتها
أنا كل ما أسأل يقولو لي 6000 و5500 وكدة
Royal Eye شارع السباق مصر الجديدة
بتروح في اي وقت من 10-2 يوم الاثنين والخميس
الكشف والفحوصات في نفس اليوم
لو مينفعش بتدفع 300 جنيه فحوصات وتمشي
لو ينفع بتدفع 2600 شاملة الفحوصات والعملية وبتدخل في 10 دقايق تعملها
موضوع الليزك بسيط جداا ..
و الرؤية بترجع في نفس يوم العملية باليل
كل الفكرة ان الليزك بيعمل حساسية في العين و في عيون بتكون حساسة زيادة شوية
فتدي شعور زغللة خفيفة او حرقان
لكن ده موضوع مؤقت و بيزول بسرعة مع العلاجات ..
خلى معاك قطرة poly fresh دي مناسبة جدا لحالات الجفاف بعد الليزك ..
و اي استفسار انا تحت امركم
دكتور محمد هاني
عملتها من سنتين عند دكتور اسلام فى مركز العاصمه للعيون ادام النادى الاهلى مدينه نصر
دكتور محترف وعضو البورد الامريكى وما شاء الله عليه عرف حالتى لان الليزك انواع كتير للعيون مش نوع واحد
كانت عينى محتاجه حاجه اسمها obligation service من عمليات الليزك وخلصهالى فى عشر دقايق العنين وكل عين كانت درجه تركيز من الجهاز مختلفه عين اخدت 35 ثانينه وعين 70 ثانيه كامله
انا كل شى كان طبيعى معايا فى ظرف 10 ايام او اسبوعين بالكثير
بس حاليا ما اكدبش عليك علشان شغلى واغلب وقتى كمبيوتر وممكن اقعد 12 ساعة يوميا قدامه
عينى الشمال بدات تحرقنى تانى اهم حاجة زى ما قلتلك تمشى على القطرات وهما 3 انواع على ما افتكر
ومش ترهق عينيك اول اسبوع قدام كمبيوتر او تلفزيون او اضاءة جامدة اول اسبوع
والله انا محطيتهاش في دماغي والدكتور قالي برضه متحطهاش في دماغك
في كل الحالات المخ بيعاير النظر من العينين مع بعض ولو فيه واحده فيها خلل بيعوضه في الرؤيه
انما انك عمال تغمض عين وتفتح عين فده مش كويس علشان المخ يتبرمج
وبيني وبينك نسيت الموضوع ده فتره
بس من كان يوم غمضت اليمين وببص بالشمال حسيتها احسنت كتير عن الاول
النهاردة اول مرة اسوق باليل بعد العملية
مستوي و جودة النظر بالليل بعد العملية زي الزفت.....
يارب يكون في تحسن مع الوقت.
انا عاملها و الحمد لله و الفضل لة من 10 سنين
و قعدت مزغلل باليل برضوا 6 شهور و تقريبا اتعدلت تماما بعد سنة
بس خدوا بالكم بتفرق انت كنت سالب كام قبل العملية و الاستيجماتيزم كان كام
كل م الارقام كبيرة فترة الزغلغلة بتزيد.
انا كنت سالب 5 و نص في الاتنين.
Sent from my SM-C115 using Forum Runner
طب ياريت نعرف ايه افضل مكان ممكن الواحد يروح يعمل فيه العمليه
ممكن استفسار يا جماعة
انا سمعت ان النظر بيرجع يضعف تاني بعد فترة وتحتاج تعمل العملية تاني
الكلام دا صح ولا غلط؟
وهل العملية فيها خطورة ؟
بص يا باشا وركز معايا
فيه ناس نظره بيفضل يقل طول عمرهم
وفيه ناس نظرهم بيقل ويرجع يثبت عند سن 21 ميقلش اكتر من كده ودول انا منهم نظري قل مره وخلاص علي كده
نيجي للناس التانيين بقي الي نظرهم في ضعف مستمر
تحيل ان واحد فيهم نظره وصل في 30 سنه ل-12 او اكتر وعمال بيقل
طبعا حياته بقت ضباب من غير النضاره
في الحاله دي بيعمل العمليه وبيبقي نظره سليم وبيعيش مرتاح نفسيا
ولما بعد 20 ولا 30 سنه تانيين نظره يوصل -12 يبقي يحلها ربنا
ويعمل العمليه تاني
طيب هل علاج الزغللة بعد العملية يكون بلبس نظارة مثلا لفترة مؤقتة ولا لا والواحد يمشي كدة مزغلل ؟
٦ شهور زغللة ..... كتير اووووي
ربنا يصبرنا
روحت لدكتور تاني النهاردة
طمني و قلقني في نفس الوقت
طمني انة قال عينك مفيهاش حاجة و كلة تمام و العملية تمام....
قلقني لما سالتة هل الشمال هتتحسن... رد و قال وحتي لو متحسنتش مفيش مشكلة!!!!!
درجة الابصار بتتقاس عالاتنين مش كل واحدة فرداني
Sent from my SM-C115 using Forum Runner
يا جماعة الرؤية الليلة اتحسنت معاكوا بعد اد اية ؟؟
انا قعدت حوالي 8 شهور الي سنة
برضوا ذي ما قلت قبل كدة تعتمد علي انك كنت سالب كام
كل ما زاد الرقم طالت المدة
Sent from my SM-C115 using Forum Runner
بس كان في تحسن تدريجي كل يوم بتظبط عن اللي قبلة
Sent from my SM-C115 using Forum Runner
انا عامل ليزك من حوالى 10 ايام وكنت -1.5 وكان فى استجماتزم بعد العملية فى عندى تشويش فى الشمال واليمين الروية كلير مش عارف كلمت الدكتور قالى بتاخد شهر مش عارف خايف تفضل كدة :(
بس لو فى عين مزغلله و اضعف شوية بتضايق جدا و بتعمل صداع
ربنا يصبرنا
ان شاء الله خير
اصبر احسنلك و متتسرعش
علشان كدة بقولة اصبر
فين باقي الناس اللي عملوا ليزك يطمنونا؟؟