الموضوع: بعض من طريقه تعامل الزوجه النكديه ... هتموتوا من الضحك

قبل يدها ثم نظر إلى عينيها بحب قائلا
- كل سنة وإنت طيبة يا حياتى
- شكرا يا حبيبى على المفاجأة الحلوة دى
- دى أقل حاجة ممكن أعملها علشانك
نظرت إلى الخاتم , وبوكيه الورد والشيكولاتة الموزعة فى وسطه , بفرحة ثم عقدت حاجبيها مفكرة
- يعنى بجد بتحبنى ؟
- طبعا
- يعنى دى مشاعرك ولا بتعمل كدة علشان حاجة تانية ؟
نظر إليها ضاحكا بإستغراب
- حاجة تانية إزاى ؟ طمعان فيكى مثلا
الحمدلله ربنا منّ علينا وإتجوزنا ومعانا عيال تشرح القلب وربنا ميسرها عليا بسبب وشك الحلو ده
- يعنى إنت بتحبنى علشان وشى حلو عليك ؟ يعنى لو وشى وحش ماكنتش هاتبقى معايا كدة ؟
- لأ طبعا يا حبيبتى , دا أنا لو عايش معاكى فى عشة هافضل أحبك برضه , كفاية إن كل يوم باشوفك فيه باحس كأنك لسة عروسة
- كأنى ؟
قصدك إنى بقيت وحشة والزمن غير ملامحى ؟
- مين إللى يقدر يقول كدة بس ... طب دا إنتى حتى يوم بيعدى عليكى بتبقى أحلى من الأول لدرجة إنى باغير عليكى من النقاب إللى بتلبسيه
- يعنى إنت بتحبنى بس علشان جميلة ؟ يعنى لو وحشة مش هاتحبنى ؟
- حتى لو وحشة برضه هاحبك يا قلبى وكفاية إنك أم أولادى إللى ماليين علينا حياتنا
- يعنى إيه أم أولادك ؟ دى حاجة بتاعة ربنا ومعنى كلامك إنه لولا الأولاد ماكنتش هاتحبنى وتفضل معايا
أمسك رأسه بشدة متمتما
" أستغفر الله العظيم يارب ... يادى النيلة "
ثم إستجمع أعصابه وإبتسم لها
- يا قلبى أنا كدة كدة هاحبك غصب عنى حتى لو وحشة وكفاية إن الرسول صلى الله عليه وسلم قال
" لا يفرك مؤمن مؤمنة. إن كره منها خلقا رضي منها آخر "
فأنا كدة كدة هاحبك سواء حلوة أو وحشة
- أهاااا يعنى إنت واخد الموضوع ثواب عند ربنا بقى وجاى على نفسك ومستحملنى علشان تدخل الجنة وأمر الرسول وكدة
- لأ أنا باحبك علشان باحبك
- يعنى مش علشان الرسول قال كدة ؟
- كلام الرسول طبعا لازم يتسمع علشان حياة الواحد تبقى جميلة
- يعنى أفعالك هى تطبيق لوصايا الرسول ؟
- طبعا يا جميل
دمعت عيناها ودفعته بعيدا
- قول كدة بقى , يعنى إنت مش بتحبنى وبتمثل عليا علشان تاخد ثواب
- يالا بت الكلب يلعن أبو الشيطان و وهاتى أم الخاتم ده
ثم قذفه من الشباك
- حلال على إللى يلاقيه
-
وأجرى إتصال بصديقه
- ولاااا إنت على القهوة إنت والشلة ؟ ... طيب أنا جايلكم وجايب التورتة ... مش إنتم كان نفسكم تاكلوا منها أنا جايبهالكم كلها دلوقتى ... إنت مال أمك بقى ... وإطلبلى شيشة ... أنا بقيت أشرب من دلوقتى ... أقولك حاجة كمان أنا هاحلق دقنى يالا بقى ... يالا غور
قالت له وهو متجه بالتورتة إلى الباب
- طيب إستنى بس
- بلا إستنى بلا بتاع بقى
- هاقلك حاجة طيب
- يالا يا مجنونة
- طيب هات حتة جاتو طيب
- إبقى كلى جاتوا عند أمك بقى
ثم أغلق الباب خلفة بشدة
- دا أنا راجل إبن جزمة علشان عبرتك يا شيخة
‫#‏نيلة_زوجية‬

كان ممكن وهو متجة للباب يقولها
( دا انا راجل وسخ ان جيت هنا اساس ) على رأى اللمبى
ههههههههههههههههههههههههه هههههههههههههههه