لو زوجتك اخطأت فى حق والدتك تعمل اية؟

**drcobra** · 23-08-2014 10:28 AM

المشاركة الأصلية كتبت بواسطة mr_vampire

- لو معاها الحق يحايل امه متخليهاش تمسك عليها غلطة وده عشان خاطره لو بتحبه وعايزة ابنها يبقي سعيد.
- لو غلطت ومعهاش حق يرجعها بيت ابوها ويقولهم بنتكو عايزة رباية وانا امي ( اللي غلطت فيها ) معلماني ممدش ايدي علي ستات. فلما تربوها تبقو ترجعوها تعتذر للي غلطت فيها الاول.

خلاصة الخلاصة

**drcobra** · 23-08-2014 10:28 AM

المشاركة الأصلية كتبت بواسطة طارق _عبد السلام

مينفعش وغير مسموح اصلا كله الا دى

اموت انا فى الخطوط الحمراء وبسميها (fatal mistake)

**Moustafa.yonis** · 23-08-2014 10:42 AM

حاول تشوف الموضوع من كذا زاوية اخذا في الاعتبار ان فيه تفاصيل بين الستات لايفهمها الرجال
ثانيا اسمع من الطرفين
ثالثا شوف يمكن خطأ زوجتك كان رد فعل لخطأ عن والدتك وكلنا بشر
يعني مثلا ممكن حد امه بتغيير عليه جدا وبتحبه جدا ولهذا السبب مش بتحب مراته فلما تكون هي وهي مع بعض تقعد تسمعها كلام زي السم ولما يبقي قدامه تقعد تشكر فيها وفي ادبها...ياتري صاحبي لما يشوف تصرف سيء من زوجته في حق والدته هيكون رد فعله ايه
اللي عايز اقوله اسم من الطرفين دون تحيز وممكن تاخد راي حد معروف عنه انه حيادي ويكون قريب ويديك وجهة نظر
وللعلم افضل حل للخلافات اللي بيكون سببها غيره هو المحايله، تحايل دي شوية ودي شوية
طبعا كل ده بعيدا عن الخطأ العمد الصريح الواضح قدام الناس دون ابدءا اي عذر او توضيح او لبس من قبل زوجتك
وايضا لو تعدي لتجاوز الادب

لكن لو لم يكن كذلك فالافضل هو انك تسمع الطرفين وتزيل سوء التفاهم
اختلاف الثقافات وطريقة التريبة بتعمل اختلافات كتيره

**drcobra** · 23-08-2014 10:53 AM

المشاركة الأصلية كتبت بواسطة foxhonda2008

انت شايف ان والدتك غلطانه و لا لأ
لو شايف ان والدتك غلطانه و شغل حموات مع مراتك حايل مراتك و سبتها
انما لو مراتك هي الغلطانه بوس ايديها و اعتذرلها و امسح بكرامه مراتك الارض
الا الأم يا جدعان و لو ملكش خير في اهلك ملكش خير في حد
و عايزك تتخيل الحاجه الوالده ممكن تكون حاسه بي ايه و شايفه ان مرات ابنها إلي هي طفحت الدم عشان تخليه راجل و هي بتغلط فيها او بتزعلها
نصيحه ليك ربنا امرنا بعمل كل شئ عشان ناخد رضي الوالدين
امك ثم امك ثم امك ثم امك ثم امك ثم امك
و مش معني كلامي انك تكون عديم الشخصيه مع الحاجه انا بس بفكرك بحق الام عليك
و ربنا يهدي النفس الامارة بالسوء

والدتى عمرها ما غلطت فى زوجتى لانها من اطيب خلق الله ولله الحمد بشهادة زوجتى اللى قالت حماتى اطيب من امى بكتير

للاسف انا فى البحر الاحمر ووالدى ووالدتى فى الغربية وبنزل اجازة كل سنة مرتين مرة فى رمضان لمدة 3 اسابيع وفى اجازة نصف العام لمدة اسبوع
يعنى بكون مع اهلى شهر فى السنة

و 11 شهر فى البحر الاحمر ( اللى هى بلاد زوجتى )
يعنى زوجتى قاعدة جنب اهلها بسبب ظروف شغلى
ووالدتى قاعده لوحدها بعد زواج اخوتى البنات

وللاسف زوجتى مخطأة تماما وانا متأكد بنسبة 100%

**drcobra** · 23-08-2014 11:10 AM

المشاركة الأصلية كتبت بواسطة automea

اول حاجة بما انك اتأكدت وتشوف مين الغلطان لازم تصالحهم ببعض بس تقعد مع مراتك الأول تقهم منها وتقنعها انها تبداء بالصلح حتى لو كانت مش غلطانه وتقعد مع مامتك وتفهمها ان مراتك عقلها ع قدها ودي عيله زي بنتك و متزعليس منها بس وتخلي مراتك تجبلها هديه او انتطتجبها وتديها لمراتك وتصالحهم ببعض . .
بس لو الحكاية دي بأستمرار لازم تأدب مراتك بانك توديها بيت اهلها
لان امك عمرك ما هتعوضها لان مراتك هتعوضها براحتك
ومينفعش تجيب واحده لأمك تهينها والمفروض مراتك تكون زي بنتها و تكرم امك .

كلام موزون (ومينفعش تجيب واحده لأمك تهينها)
الله ينور عليك يا باشا

**drcobra** · 23-08-2014 11:11 AM

المشاركة الأصلية كتبت بواسطة الاسد المهاجر

لو غلطة مرة وعدتهلها بسهوله هتكرررررر كتير
والغلط هيكون في اي حد بعد كدة

لازم واقفة صحيح

**drcobra** · 23-08-2014 11:35 AM

المشاركة الأصلية كتبت بواسطة moustafa.yonis

حاول تشوف الموضوع من كذا زاوية اخذا في الاعتبار ان فيه تفاصيل بين الستات لايفهمها الرجال
ثانيا اسمع من الطرفين
ثالثا شوف يمكن خطأ زوجتك كان رد فعل لخطأ عن والدتك وكلنا بشر
يعني مثلا ممكن حد امه بتغيير عليه جدا وبتحبه جدا ولهذا السبب مش بتحب مراته فلما تكون هي وهي مع بعض تقعد تسمعها كلام زي السم ولما يبقي قدامه تقعد تشكر فيها وفي ادبها...ياتري صاحبي لما يشوف تصرف سيء من زوجته في حق والدته هيكون رد فعله ايه
اللي عايز اقوله اسم من الطرفين دون تحيز وممكن تاخد راي حد معروف عنه انه حيادي ويكون قريب ويديك وجهة نظر
وللعلم افضل حل للخلافات اللي بيكون سببها غيره هو المحايله، تحايل دي شوية ودي شوية
طبعا كل ده بعيدا عن الخطأ العمد الصريح الواضح قدام الناس دون ابدءا اي عذر او توضيح او لبس من قبل زوجتك
وايضا لو تعدي لتجاوز الادب

لكن لو لم يكن كذلك فالافضل هو انك تسمع الطرفين وتزيل سوء التفاهم
اختلاف الثقافات وطريقة التريبة بتعمل اختلافات كتيره

الف شكر يا باشا للنصيحة الغالية
وانا فعلا اتأكدت ان زوجتى غلطت وانا فعلا بدات اعرفها غلطها علشان اضمن ان اللى حصل ما يتكررش

**tkamal** · 23-08-2014 03:12 PM

ابعت هات امك تسكن وتعيش معاك
يا عم دة انا مسافر بره مصر وابيع عمرى بس امى تيجى تعيش معايا

**Adnfalcon** · 23-08-2014 03:56 PM

المشاركة الأصلية كتبت بواسطة drcobra

كلام سليم
وانا اديتها عينة بسيطة ( بالادب) لو حبيت اغلط فى اهلها مش هغلب وكل السنين اللى فاتت واحترمى لاهلها كان ممكن يبقى غير كدة خالص

يبقي مفهمتش قصدي
أكد عليها انها لو غلطت تاني هتروح عند والدتها وتغلط ف والدتها براحتها
لأن والدتك رقم 1 عندك ومستحيل ترضالها الإهانه

**drcobra** · 23-08-2014 05:11 PM

المشاركة الأصلية كتبت بواسطة a_taamer

ابعت هات امك تسكن وتعيش معاك
يا عم دة انا مسافر بره مصر وابيع عمرى بس امى تيجى تعيش معايا

والله يا باشا بتحايل عليها بس طبعا هى بجوار اخواتى البنات
ثانيا هتطلع معاش كمان سنة ان شاء الله فاكيد هجيبها على الاقل 6 شهور فى السنة
وعندك حق بعد الامن مفيشششششششششششششششش