لو زوجتك اخطأت فى حق والدتك اكتر من مرة تعمل اية؟
وانت متأكد من الكلام ده
عرض للطباعة
لو زوجتك اخطأت فى حق والدتك اكتر من مرة تعمل اية؟
وانت متأكد من الكلام ده
- لو معاها الحق يحايل امه متخليهاش تمسك عليها غلطة وده عشان خاطره لو بتحبه وعايزة ابنها يبقي سعيد.
- لو غلطت ومعهاش حق يرجعها بيت ابوها ويقولهم بنتكو عايزة رباية وانا امي ( اللي غلطت فيها ) معلماني ممدش ايدي علي ستات. فلما تربوها تبقو ترجعوها تعتذر للي غلطت فيها الاول.
هأكد عليها كويس جدا ان الغلطه الجايه ف حق أمي هي أخر غلطه عشان ساعتها مش هتلاقي حد تغلط فيه غير امها
اعتقد الرساله وصلت
مينفعش وغير مسموح اصلا كله الا دى
انت شايف ان والدتك غلطانه و لا لأ
لو شايف ان والدتك غلطانه و شغل حموات مع مراتك حايل مراتك و سبتها
انما لو مراتك هي الغلطانه بوس ايديها و اعتذرلها و امسح بكرامه مراتك الارض
الا الأم يا جدعان و لو ملكش خير في اهلك ملكش خير في حد
و عايزك تتخيل الحاجه الوالده ممكن تكون حاسه بي ايه و شايفه ان مرات ابنها إلي هي طفحت الدم عشان تخليه راجل و هي بتغلط فيها او بتزعلها
نصيحه ليك ربنا امرنا بعمل كل شئ عشان ناخد رضي الوالدين
امك ثم امك ثم امك ثم امك ثم امك ثم امك
و مش معني كلامي انك تكون عديم الشخصيه مع الحاجه انا بس بفكرك بحق الام عليك
و ربنا يهدي النفس الامارة بالسوء
اول حاجة بما انك اتأكدت وتشوف مين الغلطان لازم تصالحهم ببعض بس تقعد مع مراتك الأول تقهم منها وتقنعها انها تبداء بالصلح حتى لو كانت مش غلطانه وتقعد مع مامتك وتفهمها ان مراتك عقلها ع قدها ودي عيله زي بنتك و متزعليس منها بس وتخلي مراتك تجبلها هديه او انتطتجبها وتديها لمراتك وتصالحهم ببعض . .
بس لو الحكاية دي بأستمرار لازم تأدب مراتك بانك توديها بيت اهلها
لان امك عمرك ما هتعوضها لان مراتك هتعوضها براحتك
ومينفعش تجيب واحده لأمك تهينها والمفروض مراتك تكون زي بنتها و تكرم امك .
اول 3 ردود جابو الخلاصة .
اوجزتم فأنجزتم يا شباب.
لو غلطة مرة وعدتهلها بسهوله هتكرررررر كتير
والغلط هيكون في اي حد بعد كدة
mr. 201
حاول تشوف الموضوع من كذا زاوية اخذا في الاعتبار ان فيه تفاصيل بين الستات لايفهمها الرجال
ثانيا اسمع من الطرفين
ثالثا شوف يمكن خطأ زوجتك كان رد فعل لخطأ عن والدتك وكلنا بشر
يعني مثلا ممكن حد امه بتغيير عليه جدا وبتحبه جدا ولهذا السبب مش بتحب مراته فلما تكون هي وهي مع بعض تقعد تسمعها كلام زي السم ولما يبقي قدامه تقعد تشكر فيها وفي ادبها...ياتري صاحبي لما يشوف تصرف سيء من زوجته في حق والدته هيكون رد فعله ايه
اللي عايز اقوله اسم من الطرفين دون تحيز وممكن تاخد راي حد معروف عنه انه حيادي ويكون قريب ويديك وجهة نظر
وللعلم افضل حل للخلافات اللي بيكون سببها غيره هو المحايله، تحايل دي شوية ودي شوية
طبعا كل ده بعيدا عن الخطأ العمد الصريح الواضح قدام الناس دون ابدءا اي عذر او توضيح او لبس من قبل زوجتك
وايضا لو تعدي لتجاوز الادب
لكن لو لم يكن كذلك فالافضل هو انك تسمع الطرفين وتزيل سوء التفاهم
اختلاف الثقافات وطريقة التريبة بتعمل اختلافات كتيره
والدتى عمرها ما غلطت فى زوجتى لانها من اطيب خلق الله ولله الحمد بشهادة زوجتى اللى قالت حماتى اطيب من امى بكتير
للاسف انا فى البحر الاحمر ووالدى ووالدتى فى الغربية وبنزل اجازة كل سنة مرتين مرة فى رمضان لمدة 3 اسابيع وفى اجازة نصف العام لمدة اسبوع
يعنى بكون مع اهلى شهر فى السنة
و 11 شهر فى البحر الاحمر ( اللى هى بلاد زوجتى )
يعنى زوجتى قاعدة جنب اهلها بسبب ظروف شغلى
ووالدتى قاعده لوحدها بعد زواج اخوتى البنات
وللاسف زوجتى مخطأة تماما وانا متأكد بنسبة 100%
ابعت هات امك تسكن وتعيش معاك
يا عم دة انا مسافر بره مصر وابيع عمرى بس امى تيجى تعيش معايا
أكتر من مره ..
أنته كده أتأخرت أوي ,,
...
بص يا ريس ..
في ازواج مقتنعه ان مفتاح قلب الرجل بطنه .. او انها تلبسله كده و مش عارف إيه ..
أنته سستم في دماغ مراتك .. "بالتصرفات مش بالكلام" .. ان مفتاح قلب حسن تعاملها مع امك ..
و عمرك ما تفوت ابداُ .. تصرف يسيئ لامك منها او غيرها من غير عقاب ..
ابتدائاً من التعنيف بالكلام إنتهائا بالهجر في الفراش .. و ابتعد عن الضرب ,,
و خليك فاكر .. "من أمن العقوبه أساء الأدب" ,,
يا جماعة انا شاكر نصاءحكم الغالية
لو الزوجه اخطات فى حق الوالده ,,,, نضرب بالجزمة و عذرا لهذا اللفظ
الام هى واحده و متقدرش تعوضها و لو بمال الدنيا كلها
بص يا باشا.....يقال الوقايه خيرمن العلاج
بعد خبره سنين جواز احب اقولك ان اسلم حل هى الوقايه .....باستخدام شيل دا من دا يرتاح دا عن دا
الزوجه مهما كانت كويسه لازم جواها غيره من حماتها
والام ومهما كانت كويسه لازم بيكون جواها حب زياده لابنها
طبعا من حين لاخر ومع العقل الفسفس.....ممكن الوالده تقول كلمه تقصد بيها حاجه والزوجه تفهامها حاجه تانيه
والعكس صحيح ممكن الزوجه تقول كلمه والوالده تفهاها حاجه تانيه
طبعا اللى بيجى يشتكى مبيقولش الكلام اللى اتقال بالظبط بيقول اللى فهمه او اللى وصله
وهنا بقى مربط الفرس ......مش حتقدر تحدد مين اللى غلطان وتروح لزوجتك تكلمها تقولك انا كان قصدى وتروح لوالدتك تفهمها تقولك ما هى قالت......دوامه كبيره مبنطلعش منها غير بوجع الدماغ
نهاية القول
انا عن نفسى وجدت الحل الانسب اللى مريحنى كتير حاليا ......وهو انى زوجتى و والدتى لا يلتقيان الا وانا موجود علشان اكون شايف وسامع كل حاجه بنفسى .....بالاضافه ان وجودى يخلى اللى عايز يقول كلمه ياما يخليها فى نفسه او يقولهالى بينى وبينه.
وريح دماغك من وجع القلب
طرقع لها
بو بو بوكو بو