انا كاتب الموضوع ده في ثلاث اماكن وعايز حد يرد عليا

**abohazm** · 23-08-2014 08:10 AM

بعد التحية
زهقت انا معايا عربية سايبا برايد 2009 كنت شاريها زيرو و عربية على قد سعرها زى الفل و عمرها ما خذلتنى بس صغيرة و مافيش تكنولوجيا المهم قررت ابيع و عايز اشترى عربية كبيرة تكنولوجيا و ثبات و مريحه المهم انا بعد لف محتار بين 3 عربيات و هم
اوبل استرا 2006
ميجان 2 2006 او 2007
اميجراند (2013)
مع العلم ان شغلى فى السادات يعنى 240 كم فى اليوم رايح 120 و زيهم راجع و على سرعه
الفلوس التلاته فى حدود 70000 اعمل اي
المشاكل الميجان قطع الغيار و خايف اتخم و البس في عربيه طالع عينها
الاسترا نفس الكلام بتاع الميجان بخلاف انها اقل واحدة من حيث حلاوة الشكل
الاميجراند 2013 و اسمع مشكلة صدا و التوكيل غبور زباله كله بيشترى بس بيقعد رايح جاى على الضمان شويه لحد ما تظبط و الاميجراند مع واحد صاحبى و هو اللى عايز يبعها
اعمل اية حد يرد و يريحني

**M I D O** · 23-08-2014 05:07 PM

المفروض تعمل المقارنة دي في قسم المقارنات
بس انا لو مكانك هستبعد الميجان تماما وهفكر في الاسترا و الامجراند
الاوبل طبعا عربية ممتازة ولا غبار عليها بس مشكلة الالماني عموما قطع الغيار غالية لاكن بتكون معمرة ودي برضو ميزة
الامجراند 2013 دي من الدفعات الاولي و60% من العربيات فيها مشاكل لانها في اول دفعات لو الي قدامك حالة كويسة وعداد قليل وطبعا هتكشف عليها كويس يبقي اعمل استخارة والي فية الخير يقدمة ربنا

**midooo_119** · 23-08-2014 11:43 PM

نصيحه ماتجيبش مستعمل ولو معكش غير ال70 هات الامجراند زيرو وقسط الباقى .. المستعمل انت و نصيبك ولو مش هتقدر تجيب زيرو هات الاسترا بس تكون ضامنها ان مفيهاش حاجه