الموضوع: عيوب اوبترا 2014

المشاركة الأصلية كتبت بواسطة zeko1915

لو سمحت كنت عايز اعرف ايه عيوب الاوبترا 2014 الشكل القديم
وبالنسبه للتوكيل ايه نظاموه
وبالنسبه لقطع الغيار بردوه موجوده ولا لأ وا اسعرها ايه
وهل العربيه ديه تستحمل السفر كتير والموتور بتعها كويس ولا لأ


وشكرااا لكم جميعااا

يا بيه معلش فى الكلمة

دة النوبيرا 2 الى الاوبترا تبقي نوبيرا 3
النوبيرا شغاله تاكسي العاصمة فى طنطا والقاهرة تاكسي العاصمة

ومحركها نفس محرك الاوبترا باختلاف الفيبر الى مغطيه المحرك من فوق وفتيسها مختلف طبعا


عيوب الاوبترا 2014 الشكل القديم
وبالنسبه للتوكيل ايه نظاموه
وبالنسبه لقطع الغيار بردوه موجوده ولا لأ وا اسعرها ايه
وهل العربيه ديه تستحمل السفر كتير والموتور بتعها كويس ولا لأ


من الواضح ان معاليك كان معاك سبرانزا وعاوز تغير للاوبترا

عيوب الاوبترا 2014 الشكل القديم
عيبها ان محركها و فتيسها عاوز عناية من راكبها ليس اكثر وكفاية المقابض الي نازله بيها بخلاف النوبيرا 2009 و صاجها الحدادي
كنزه شوية عن النوبيرا لان النوبيرا 99 الى 2009 واسعه اوى بشنطتها زي قاعدة المتاركس ووسعان الكوري بتاع اليومين دوول

وبالنسبه للتوكيل ايه نظاموه
ماجربتوش الحقيقة بس كنت بجازف و بشتري قطع الغيار الاصلية بالاسعار النار والسلام عليكم علي كدة واركب برة عند الميكانكي بتاعى

وبالنسبه لقطع الغيار بردوه موجوده ولا لأ وا اسعرها ايه

موجودة زي الرز والجديد منها موجود عن بتوع قطع الغيار بس برضو محركها اخت محرك النوبيرا 2009 الي 1999 والاسعار فى الحنين ماتخافش يا باشا

فلتر هواء اصلي 60ج
فلتر بنزيينgm
40ج
فلتر زيت ب25 اصلي جي ام
واتخن قطع غيار ليها لا تتعدى ال2000ج وكدة خد بالك رخيصة اوى مقارنه باليابانى والسيارات الاوروبي عامة

لان القطعة الى فى الكوري ب2000ج جديدة اصلي من التوكيل او خارج

باليابانى بتتكلم فى 3500 او ب3900ج

وهل العربيه ديه تستحمل السفر كتير والموتور بتعها كويس ولا لأ

قلت لمعاليك انها شغاله تاكسي فى طنطا و هى واحدة بس
وشغاله تاكسي العاصمة فى القاهرة كتير اوى

اتوكل علي الله

اخوك هشام :d

المشاركة الأصلية كتبت بواسطة zeko1915

هشام بيه الله يخليك على المساعده بس ليه حسك هتتخنق معايا :))))))

انا فعلا معايا اسبرانزا 113 وجبتلى عقده وبفكر اغير إن شاء الله ربنا يكرم فمحتار بين 4 حجات :)
اوبترا و نيسان صنى الشكل القديم بس بيقولوا بتكل بنزين و نيو اكسنت ارب وسوزكى سويفت
فبحاول اسأل كويس عشان مش عايز البس فى عربيه زباله تانى إن شاء الله :s:s:s:s


وشكراا يا باشا على مسعدتك والله :)

يا زيكو بيه احنا خدامينك

بس سوري فى الكلمة

شراء اى عربية زي علي اد لحافك مد رجليك
زي شراء الشووز بالظبط

هتقدر علي ارتفاع قطع الغيار بتاع العربية استيراد او جديد ومش فارق معاك السعر النار

عليك وعلي العربيات الاوروبية وانت مغمض

ولو معاليك زي حالاتي

يبقي عليك و علي الكوري

قطع غيار منتشرة فى الجمهورية كلها يعنى فى مصر كلها
والاصلي و الاستيراد فيها فى متناول الجميع والاصلي فيها كيلو مترات اكبر واكتر

وعلي اد اليد و الجيب

عليك وعلي الكوري و اتوكل علي الله

هات الاوبترا علي الاقل مكنتها هادية و ناعمه بخلاف اختها الى قبلها

نوبيرا 2
من99 الي 2009
الاوتوماتيك و المانويل فى الاوبترا فوق الممتاز

ولن يعيبها شئ
من فانوس امامي وخلفي صناعة تايوان
depo
بشكل الاستيراد و بسعر فى الحنين خالص و الاصلي فى الكوري الاوبترا
رخيص زيها زي اسعار الاسبرانزا الصيني

اتوكل علي الله يا بيه و هات الاوبترا علي الاقل تجميع بلادها في كوريا
الصني القديم حلو ياباني التجميع بس قطع الغيار فيها لو سألت فى قطعة الرد هيبقي كدة

لا والله مفيش منها ولو فيه يبقي بالباكوو .. و عليه ايه هي بتطير فى الهوا يعنى؟
الصني محترم و ملوش حل و مش بياكل بنزين ولا حاجة الصيانة الصح و مش هتاكل بنزين تانى بس حاجتها عزيزة و غالية غلو السكودا ,, و علي ايه؟

النيو اكسنت
rb
ممتازة ومرسيدس الكوري وتابلوه و عداد ديجيتال و حكاية بس
استقبل قطع غيارها من مقبض باب لفانوس خلفي او امامى

عليك وعلي الاوبترا يا برنسسسسسسسسسسسسسسسسسسسسس
ماتعملش بوست بقي الا لما تخلص فيها وتشتري

بالحق نسيت اقولك نصيحة من اخوك عشان ما تتعقدش من العربيات زيي

هات سروجي او سمكري يكشف لك علي العربية من جوه و يكشف و يفك و يركب
وتشوف لو كان معمولها شغل من جوه ولا لاء

لان العادى ان يكون عربية ماعلهاش قلم بوهيه
من برة
بس متروقة فى الدواخل و لحام و رش دواخل و دة العادى بتاع اليومين دوول وفاصل وانت بتشتري

الاوبترا عربية حكاية باشا الكوري
وثابته علي الطريق بس اعلي من سرعة 70 لا تاخذها علي ملف جامد بالحونين
;)

الاكسنت ار بي مرسيدس الكورى !!