زيرو باور ديجيتال بايونير dsp كاروزيرا 15 باند + صدى صوت للبيع

عندي زيرو باور 15 باند ديجيتال سيجنال بروسيسور بايونير كاروزيرا للبيع
الجهاز فيه 3 مستويات صدى صوت
تحكم منفصل لضبط الاكولايزر لكل من الجهة الامامية والخلفية
غير ان فيه ذاكرة تخزين 4 أوضاع للظبط
بالإضافة لاربع أوضاع تانيين ستاندارد
تحكم لضبط الصوت لكل راكب في السيارة على حدة (6 أوضاع)
ده طبعا بخلاف تحكم توجيه الصوت للامام والخلف واليمين والشمال
وفيه كمان +6 Boost للأكولايزر بيضاعف قوة ضبط الأكولايزر حتى 6 مرات أعلى
معاه الفيشة الأصلية والحالة جيدة جدا (خدوش طفيفة من الاستخدام العادي)
مطلوب 800 جنيه
المقابلة في المهندسين ورقم التليفون على الخاص فقط للجادين

ملحوظة: الجهاز بحجم كاسيت عادي - يعني اللي هايشتريه لازم يكون عنده مكان درج اضافي تحت الكاسيت عشان يركبه فيه (زي الأفيو أو اللانوس مثلا)

معلومات الموديل عشان لو مش واضحة في الصورة
Pioneer
Carrozzeria
DSP Audio Processor
DEQ-44

ودي صورة حقيقية للجهاز المعروض

http://nileup.com/up/uploads/nilemotors_14087830881.jpg


عندي كمان 4 سماعات كينوود للبيع مش فاكر 400 ولا 450 واط
2 دبل بيز 7×10 الموديل القديم اللي مابقاش بينزل و2 نفس الواط بس 6×9 عاديين مش دبل بيز برضه موديل قديم
الاربعة راكبين على بوردة خشب كانت على مقاس عربيتي الأفيو
البيع للاربع سماعات مع بعض والبوردة عليهم هدية
البوردة بتاعة الأفيو حجمها كبير ولذلك سهل جدا ان يتم تصغيرها عشان تناسب أي موديل عربية تانية
الحالة جيدة جدا برضه باستثناء خدوش على الشبكة الخارجية للسماعات لكن صوتها جميل جدا
الاربع سماعات بالبوردة سعرهم 450 جنيه

موفق فى البيع إن شاء الله
بس ياريت صور للسماعات لبيان الحاله
وبالتوفيق

يا ريت صور السماعات

وكلهم كويسين ولا في حاجة فيهم بتخروش

زيرو باور ممتاز يااسلام ...بالتوفيق

السماعات حالتها مابتبانش بالصور يا جماعة !!
اللي جاد وناوي يشتري بيسمع صوتهم قبل ما يشتري..
الحمد لله صوتهم نقي وجميل مافيهومش اي مشاكل خالص.

تم بيع الاربع سماعات وفاضل الزيرو باور

وعندي كمان جي ام بايونيير 760 واط 4 شانيل
حالته ممتازة جدا مطلوب فيه 500 جنيه
GM-6500F - 4-Channel Bridgeable Amplifier with 760 Watts Max. Power | Pioneer Electronics USA

ال Digital scan processor

بيفرق جاامد جدا في الصوت !! وفعلا موضوع ال EQ booster ده بيضاعف قوة البيز بطريقة وهمية

والكلام ده عن تجربة فعلا مش اي كلام

من فترة كان معروض قدامي Pioneer DEQ-7600

http://www2.crutchfield.com.edgesuit...30DEQ7600.jpeg

وكان سعره هيعدي ال 1500 جنيه مرتاح (كان في حدود 200 دولار مستعمل) والمزاد رسي في الاخر على 240 دولار طبعا ده غير مصاريف الشحن والجمارك والذي منه

ويمكن اللى خلاني رجعت في كلامي اني اكتشفت ان فيه بعض موديلات ال Head unit في البايونير (Premier

بتنزل فيها
Built in DSP
Built in Graphic EQ-16Band
Built in Cross over network 3/4 ways L/R independent
Built in zero power Hi-preamp output 5v

وشوية تحكمات كدة مالهاش اول من اخر (بإختصار الموديلات دي معمولة خصيصا عشان عدد الصوت)

فقلت اخلص في كاسيت من دول احسنلي وهيوفر معايا في الفلوس جامد خصوصا ان ال DSP اللى كان قدامي كان هيدخل في رقم محترم

ربنا يوفقك في البيع وفعلا الجهاز محترم ويستاهل كل قرش يدفع فيه

تسلموا على الردود الجميلة والمعلومات القيمة..

تم بيع السماعات والأمبليفاير..
باقي عندي الديجيتال سيجنال بروسيسور فقط :)

الزيرو باور موجود ؟؟
( جاد فى الشراء )

موجود يا صديقي
أرسلتلك الرقم على الخاص :)

ممكن موديل الكاسيت واخر السعر لانى جاد فى الشراء

ده مش كاسيت يا صديقي
ده اسمه زيرو باور
وهو عبارة عن أكولايزر لتظبيط ترددات الصوت ولكن بدون تكبير
يعني مخصص انه لازم يركب على أمبليفاير

باختصار الجهاز بحد ذاته مابيشغلش حاجة
انما هو بياخد صوت من الكاسيت ويظبط تردداته ويطلعه للأمبليفاير

هل يمكن البدل ب
http://www.nilemotors.net/Nile/44069...vh-3950-a.html
ودفع الفرق

لو كان يو اس بي كنت بدلت معاك لكن للأسف مبحبش الاسطوانات :)

حضرتك لو موجود الجهاز
ممكن رقم التليفون واشترية من حضرتك

موجود.. أرسلتلك رقم الموبايل على الخاص :)