يا جماعة حد جرب طريق طابا نخل اللى بيمر من وسط سينا .. هل هوا امان و فى تواجد للشرطة عليه و محطات خدمات؟؟
عرض للطباعة
يا جماعة حد جرب طريق طابا نخل اللى بيمر من وسط سينا .. هل هوا امان و فى تواجد للشرطة عليه و محطات خدمات؟؟
اى رد طيب؟
انا عندى نفس السؤال ياريت حد يفدنا
خلى بالك من اول ما تطلع من نخل وحتى النقب
واوعى تسافر بالليل على الطريق ده تحت اى ظرف والا يبقى بتضحى بنفسك
يعنى تكون معدى النفق على 8 صباحا تقريبا
يا خسارتك يا مصر
انا بحكم عملى بسافر عليه اربع مرات فى الشهر
اقول لحضرتك اطمن وسافر عادى بس فول اول ما تدخل النفق على بنزينه وطنيه لان تانى بنزينه هتقابلها فيها بنزين هيا بنزينه الوطنيه الى فى نخل وممكن تلاقى واحده تعاون فيها بنزين برضو فى نخل
فى حاجتين عايزك تاخد بالك منهم
اول حاجه الطريق امان جدا والجيش موجود عليه والكماين موجوده عليه بس تخلى بالك
افضل وقت للسفر انك تكون على النفق الساعه 4 بالليل بحيث تكون فى نخل فى بدايه طلوع الشمس كدا تريح العربيه وتوفر تشغيل التكيف
واهم شىء علشان توفر بنزين وماتصرفش كتير بنزين وتبقى مبسوط لا تتعدى سرعه ال 110 كيلو متر فى الساعه رغم انك هتلاقى الطريق مغرى جاااااااامد للسرعه وممكن تقفل عليه العداد بس دى نصيحه للبنزين ويفضل تمشى على 100 او 90 ساعتها هتوصل ببلاش ههههههههههههه
الحاجه التانيه الى ركزززززززززززز فيها اوى اوى طريق طابا النقب فيه ملف ثعبانى صعب وبسبب السيول الى حصلت فى شهر 5 الطريق دا اتبهدل اوى اوى وبقى فيه مدقات ماتعديش غير عربيه واحده فعلشان كدا لازم تكون فيه والشمس موجوده وتبقى نازل واحده واحده وفى مكانين لو حد راكب معاك هتنزله علشان تعديها بس ملخص الطريق كويس وهينجز معاك كتير ساعتين عن ملفات نويبع
اتكل على الله ولخص الى قولتهولك فى ورقه هتوفر معاك بنزين وتحافظ على العربيه
وتوصل بالسلامه
تحياتى لك
م/عاصم جاد
متخليك في طريق شرم واشتري راحة بالك
انا كمان طالع دهب وعندى نفس القلق وخاصة انى مسافر مع العائله ...وبالرغم من ان طريق نخل اقصر وهيوفر وقت وبنزين بس مقلق جدا خاصة ان نقط الجيش او الكماين بعيده عن بعضها والسنه الى فاتت كان فى ناس بتتثبت . ومش عارف هو الوضع الآمنى اختلف ولا لسه زى ماهو وكمان السيول قصرت على اد ايه من الطريق وخاصة انى راكب عربيه قريبه من الارض
الفرق حوالى 50 كيلو لو رايح دهب ... اللى هتوفره بنزين للفرق ده هتدفعه بنزين فى الملفات و فى مطلع نويبع
للوصول لدهب طريق شرم احسن كتير