-
تجربة قيادة الفيرنا
:arrow: يا جماعة انا جربت الفيرنا اول امبارح لمدة يوم كامل واليكم التقييم :arrow:
* فيرنا 1600 موديل 2007 عاملة 8000 كم كاملة مانوال
* سقتها لمسافة حوالى 650كم من الاسكندرية للقاهرة واللف داخل القاهرة والعودة
* نظرة خارجية للسيارة شكلها معقول الصاج كويس وان كنت بحس ان شكلها بيبتهدل بعد فترة من الإستخدام
* ابعاد العربية ممتازة وسهل التعود عليها بسرعة وميزة ان حدودها بتبان من الداخل
* إرتفاع ممتاز عن الارض محكتش فى ولا مطب
* من الداخل فى رأى ان التقفيل ممتاز مفيش حاجة غلط ولا حاجة مش راكبة كويس
* الخامات المستخدمة معقولة مش فخمة ومش تعبانة
* بالنسبة للإتساع قدام كويس وقعدة الكرسى مريحة جدآ بحس انها بتدعم الظهر
من الخلف ضيقة شوية
* التكييف فعلا رهيب انا كنت مشغلة على السرعة الأولى ومخفف التبريد جدآ عشان نستحمله
معظم الوقت وبيزيد ادائه بالليل بعيد عن الشمس ومع السرعات
* العزل ممتاز وصوت الموتور فى راى انه هادى بيزيد شوية مع زيادة ال rpm
* الباور مش خفيف اوى الماتريكس تتفوق عليه فى نقطة الباور
* نيجى لاداء الموتور
- التكييف بياثر على السحب ودى حاجة استغربتلها جدا ومالحظتهاش فى الفيرنا ال 1500
- وانا رايح كنت خايف من الردار وكنت ماشى على سرعة متوسطة من 100 الى 130
- فى العودة مقدرتش اقاوم وصلت لسرعة قصوى 195 كم / س ودى كانت مفاجأة فعلا وكنت خلاص هقفل العداد بس الطريق مكانش مساعد ( العداد آخره 200 )
- السرعة فى العودة كانت من 140 الى 180 فى المتوسط وطبعآ الرخصة أتسحبت
- بالنسبة للثبات كويس يعنى مش خفيفة زى مابيتقال عليها
- الزوايا كان فيها حدفة بسيطة لليمين بس مش مؤثرة اوى فى رأى
- إستهلاك البنزين عالى شوية حوالى 10 ل / 100 كم مع تشغيل التكييف طول الوقت
ده اللى انا فاكره دلوقتى وعموما هى عربية ممتازة وسواقتها ناعمة وشكلها الخاجى لاينم عن أدائها وإمكانياتها العالية واى سؤال انا فى الخدمة
-
اتفق معاك تماما انا معايا العربية 1600 موديل 2007 و كل اللى قلته صح :D
-
اسعى الان لشراء سيارة و لا اخفى حيرتى بين شراء فيرنا جديدة اتوماتيك او سيارة محيثة مستعملة و قد سمعت الكثير من الكلام عن الفيرنا بين المديح و الذم.
و ان كنت ساشترى فيرنا فذلك لانشغالى عن التردد على الميكانيكى او الصيانة واخشى ان اشترى فيرنا فاجدنى ايضا مضطرا للذهاب للصيانة
افيدونى رجاء
-
نا معايا فيرنا 1600 كاملة مانيوال 2007 و بجد مريحانى اوى و انصح اى حد بيها انا كان عندى لانوس قبلها و شايف انها افضل بكتير امكانيات و شكل و قطع غيار متوفرة اوى و كمان مش شكاية يعنى بتستحمل و ان شاء الله مش حتحتاج اكتر من انك تعمل صيانة دورية للحفاظ فقط و ان شاء الله ربنا يوفأك و اى حاجة انا فى الخدمة
-
شكرا علي مجهودك.انا شايف ان سعرها مناسب جدا لامكانياتها. :wink:
http://www5.0zz0.com/2007/07/28/17/86792079.jpg
__________________
محمد عبدالله
Content Relevant URLs by
vBSEO 3.6.0 PL2