السلام عليكم
لو سمحت كان عندى استفسار بخصوص السيلاريو هل لسه بتنزل و هل فيه منها اوتوماتيك و لا لأ ؟؟ و سعرها كام لو سمحتم ؟ وياترى تقييمكم للعربيه ايه ؟
شكراً
عرض للطباعة
السلام عليكم
لو سمحت كان عندى استفسار بخصوص السيلاريو هل لسه بتنزل و هل فيه منها اوتوماتيك و لا لأ ؟؟ و سعرها كام لو سمحتم ؟ وياترى تقييمكم للعربيه ايه ؟
شكراً
مانيول فقط و لم ينزل منها زيرو هذه السنة .
متشكر جدا لرد حضرتك
مش هاينزل منها السنة دي ويمكن السنة الجاية كمان .. لأن نزل منها موديل جديد السنة دي برة وأكيد الوكيل هايستنى شوية على ما يفكر يجيبه
والفتيس الأتوماتيك بتاعها اللى نازلة بيه برة عبارة عن تحفة فنية
هو فتيس مانيوال تماما باسطوانة وديسك وبلية وتروس عادية تماما زي أي فتيس مانيوال .. ولكنه بينقل لوحدة من غير دبرياج
هو كان نزل في شوية عربيات من كام سنة بس ما أعرفش ليه مانتشرش
توكيل فاااااشل حرق هذه السيارة في التسعير و التسويق
العربيه اللى زى دى تهرب منها على طووول
ليه يا باشا يهرب منها؟
مش فتيس تحفة و استهلاك بنزين موفر و سوزوكى؟
ايه وجهة نظر حضرتك؟
انا معاك بس ما الالفا روميو كمثال و غيرها كتير مانجحتش فى السوق بس دا مش مقياس للعربية اذا كانت حلوة ولا وحشة
المشكلة فى المصريين اللى مش بيفكروا غير فى المنتشر حتى لو كانت عربية زبالة
و التوكيلات كلها فى مصر زبالة بما تحمله الكلمة من معنى ( عدا اتنين تلاتة)
يبقى اجيب عربية حلوة و مش منتشرة و توكيل زبالة
ولا عربية زبالة و توكيل زبالة بس منتشرة
فا السؤال:هل العربية كويسة ولا فيها عيب او عربية سيئة؟
وجهات نظر
على فكرة السيلاريو عربية إلى حد ما منتشرة شوية وأنا بشوفها في الشوارع كتير .. وكمان قطع غيارها موجودة سواء برة التوكيل في التوفيقية أو فوق نفق أحمد حلمي أو الحرفيين أو في التوكيل نفسه
هل الاوتومانك كمان 3 سلندر؟
بس فعلا العربية لما تكون منتشرة بتفرق فى اسعار صيانتها زى قطع الغيار و كده و فى سعر إعادة البيع...المشكلة اساسا ان اسعار العربية حاجة تجيب الضغط تقريبا لسه فاكرين ان العربية رفاهية و ان اللى عايز يركب عربية لازم يدفع دم قلبه لانه بيتدلع و مش عايز يتبهدل فى المواصلات و لا يتزل لبتوع التاكسيات و لا يدفع فى المواصلات