خليك فى التانى
هيا الجنينه هاتروح فين يعنى
عرض للطباعة
خليك فى التانى
هيا الجنينه هاتروح فين يعنى
انا لو منك ح اخد اللى بالجنينه انا مش كل يوم ح الاقى شقة بجنينه و ممكن تتقفل كويس و كل المشاكل دى تتحل
يغور الأرضى وقرفه حتى لو معاه جنة مش جنينة
ابعد عن الارضى الناس اليومين دول بتقول اهلا بالمشاكل
سيدى الفاضل تعالى نتكلم بهدوء
ايه مميزات انك تاخد دور عالى مش أرضى ----- بمنتهى البساطه انك تتلافى مشاكل الدور الارضى
اللى هيه
1- ان الدور الارضى يكون منخفض عن منسوب الشارع (يبقى اول حاجه تبص عليها هل الجنينه بتاعتك اوطى من الشارع ولا لأ - هل بتطلع لشقتك بسلمتين أو 3 سلمات ولا لأ)
2- مشاكل تجميعات الصرف الصحى والمياه ومواتير المياه (هل البلاعات بتاعت العماره هاتبقى عندك ولا فى مكان تانى) هل فيه صيانات هاتستدعى دخول عمال علشان خاطر العماره عندك ولا لأ
3- الضوضاء الناتجه عن الدور الارضى (انا واحد من الناس النقطه ديه بالنسبه ليه مصيبه - انك تقريبا فى الشارع - تحتك او جنبك جراج - مواتير المياه الخاصه بالعماره) وطبعا لو حضرتك على طريق رئيسى يبقى انتحااااااار
4-الجنينه زى البلكونه بتبقى مجروح فيها لكن بتكلفه بسيطه جدا هاتلاقى عندك مكان رائع للأطفال علشان يلعبوا فيه - الشباب الصغير بياخدوا لنفسهم ركن ويقعدوا يسهروا مع اصحابهم ويستنوا سعادتك علشان تنام علشان يعملوا اى مصيبه (بس برضو تحت عينك) - انت هايبقى ليك مكانك اللى تقعد فيه اخر النهار او بالليل وانت زهقان وده صدقنى احساس راااااااااااااااائع - تقدر تعمل اى ايفينت وتستقبل فيه لغاية 20 شخص بمنتهى السهوله لو عندك جنينه فى حدود 70 - 100 متر فقط
5- مقلب الزباله - بما اننا شعب متحضر جدا - وراقى بطبعه - اعرف انك لو سافرت لفتره تزيد عن شهر او اكثر هاترجع تلاقيها مقلب زباله - اللى هايشرب كان او عصير هايتبرعلك بالفارغ بتاعها - لو الجنينه ملهاش باب كبير وعالى هاتلاقى واحد من جيرانك وهو بيوضب شقته بيرمى مخلفاته عندك وبيعتذرلك وبيأكدلك انه بكره الصبح الدنيا هاتبقى زى الفل وفعلا فى خلال 3 او 4 شهور بيوفى بوعده - الحشرات هاتكمل السيمفونيه مع حضرتك ولا مانع من استضافة بعض القوارض
6- تكلفه اضافه سنويه - الجنينه علشان تقدر تقعد فيها هاتكلفك فى الاول فى حدود 8000 جنيه وهاتحتاج صيانه سنويه فى حدود 2500 جنيه
7- وديه مهمه جدا تأمين الدور الارضى فعلا صعبه - انت فريسه سهله لأى حرامى وخصوصا لو الشكل العام بتاعك انك من الاغنياء - يعنى عندك عربيه 128 ولا حاجه - حد من اولادك قررت انك تدخله مدارس - اعرف كده انك دخلت فى دائرة اهتمام ناس كتيييييييييييير وكلهم نفسهم يروأوق
وبعد كل العك الكروى ده - انصحك بدور أرضى وجنينه
لو فى كمبوند هادى و الشارع مش زحمه وتقدر تقفل الجنينة بحيث انها تبقى تبع الشقة و تحط فيها كلب حراسة حتكون كويسة جدا . و تحط فيها مظلة و مرجيحة مثلا الاولاد يقدروا يجيبوا اصحابهم و يقدو يوم عندك
تقدر مثلا انك تعزم اصحابك او قرايبك على الغداء و تشوى فى الجنينة .