عيوب موبيل سامسنوج galaxy 4 الصينى ( تجاربكم )

الساده اعضاء المنتدى اهلا بكم

وجدت بالاسواق موبيل سامسنوج galaxy 4 الصينى و يباع بسعر زهيد من 300 - 500 جنية على حسب المحل

فياريت تفيدونا ,, حد منكم جرب هذا السامسونج الصينى ,, ما عيوبه ؟؟
و سؤال اخر
انا سمعت ان الجهاز بيسخن جدا اثناء الاستعمال او تشغيل احد التطبيقات به
اى تصل درجه حرارته الى 70 درجة , فهل هذا يحدث فعلا به ؟؟


ياريت تفيدونا لتعم الفائده للجميع

كمان فيه نوت 3 فرست كوبي و هاي كوبي ب 1500 و نفس المواصفات اللي 5000 ............

حاجة تحير فعلا .... الموبيلات دي كويسة ولا ضرب ولا حكايتها ايه ؟

يا جماعة انا بستفسر عن السامسونج الصينى جلاكسى 4

ما عيوبة ؟؟؟؟؟؟؟؟

ياريت يا جماعه لا تبخلو علينا بتجاربكم

مافيش حاجه اسمها galaxy s4 صيني، اسمه موبايل تقليد صيني ومالوش أي علاقه بالs4 و جواه مكونات رخيصه جدًا جدًا ولا تقارن بالاصليه ابدًا وبيبوظ زي آي موبايل صيني بعد شهر ولا 2.

اقتباس:

---

المشاركة الأصلية كتبت بواسطة legendjo

مافيش حاجه اسمها galaxy s4 صيني، اسمه موبايل تقليد صيني ومالوش أي علاقه بالs4 و جواه مكونات رخيصه جدًا جدًا ولا تقارن بالاصليه ابدًا وبيبوظ زي آي موبايل صيني بعد شهر ولا 2.

---

بس فيه انواع صيني كويسة جدا

واحد صاحبى جاب لأبنه موبايل صينى شابه ال s3 والموبايل عايش معاه زى الفل لغاية دلوقتى
صاحبى فرح جدا - راح علشان يشترى واحد تانى - بالظبط قعد معاه اسبوعين وماااااااااااااات - اشترى واحد تانى مش عارف كوبى بتاع ال s4 مشاكل الدنيا والاخره

من الاخر تشترى صينى يبقى سعادتك بتلعب قمار - 1% انت الكسبان --- 99% انت الخسران

بص ياباشا لو هتجيب صيني هات الصيني الاصلي زي xtouch مثلا كان لسه واحد صاحبي كنت معاه امبارح وكان معاه المموبايل وقالي تحفة سريع جدا ومبيهنجش وممتاز جدا

على فكره في الصين مبيشتروش موبايلات صيني
افهم انت

بلاش الكوبي , كده انت بترمي فلوسك في الارض

فيه حاجات صيني بس اصلية زي ال Alcatel - Lenovo - Xtouch - Archos - Acer وسعرها ارخص من السامسونج بكتير

وتستحمل و بتعيش , لكن الكوبي ده ضياع

اقتباس:

---

المشاركة الأصلية كتبت بواسطة A_H_M_A_D

بلاش الكوبي , كده انت بترمي فلوسك في الارض

فيه حاجات صيني بس اصلية زي ال Alcatel - Lenovo - Xtouch - Archos - Acer وسعرها ارخص من السامسونج بكتير

وتستحمل و بتعيش , لكن الكوبي ده ضياع

---

+1

شكرا ليكو يا جماعة

و لكن لاحظت ان كثيرين جدا جدا اشترو نوع (السامسونج جلاكسى 4 التقليد او الصينى )

ولى سؤال اتمنى اجد الاجابة علي

هل فيكم ممن عنده السامسونج جلاكسى 4 و بيسخن ( الموبيل يزيد درجه حرارته الى 60 و 70 درجه ) عند تشغيل التطبيقات ؟؟؟؟

ياريت اجابتكم

ابعد عن الصيني وغنيله

سؤال لمن جرب السامسونج جلاكسى الصينى

هل فيكم ممن عنده السامسونج جلاكسى 4 و بيسخن ( الموبيل يزيد درجه حرارته الى 60 و 70 درجه ) عند تشغيل التطبيقات ؟؟؟؟

ياريت اجابتكم

اقتباس:

---

المشاركة الأصلية كتبت بواسطة mohammadrashee

على فكره في الصين مبيشتروش موبايلات صيني
افهم انت

---

هو كده فعلا

ولو اشتريت سامسونج الاصلي برده هتلاقي مشاكل .. انا اشتريت سامسونج الاصلي جراند 2 وبعد شهرين ظهرت به عيوب صناعة كثير جدا وداخل في مشاكل مع سامسونج مصر علشان مش راضيين يغيروه لحد دلوقتي وفي نفس الوقت الموبايل دخل الصيانة اربع مرات بنفس العيب وبرده مش عاوزين يغيره .. بثمن التليفون دا كان ممكن اشتري عشر تليفونات صيني على الاقل دمي مكنش هيتحرق زي ما هو حاصل حاليا ما Brand name

اقتباس:

---

المشاركة الأصلية كتبت بواسطة mohamed a s

ولو اشتريت سامسونج الاصلي برده هتلاقي مشاكل .. انا اشتريت سامسونج الاصلي جراند 2 وبعد شهرين ظهرت به عيوب صناعة كثير جدا وداخل في مشاكل مع سامسونج مصر علشان مش راضيين يغيروه لحد دلوقتي وفي نفس الوقت الموبايل دخل الصيانة اربع مرات بنفس العيب وبرده مش عاوزين يغيره .. بثمن التليفون دا كان ممكن اشتري عشر تليفونات صيني على الاقل دمي مكنش هيتحرق زي ما هو حاصل حاليا ما brand name

---

اخى الفاضل انا سمعت ان النوع الاصلى من سامسونج سواء ان جراند 2 او جلاكسى 4 هو صناعه صينية

يبقى ليييييه نشترى الاصلى الغالى الثمن طيب ما فى الصينى بتاعه و بسعر لا يتجاوز المئات

سؤال لمن جرب السامسونج جلاكسى الصينى

هل فيكم ممن عنده السامسونج جلاكسى 4 و بيسخن ( الموبيل يزيد درجه حرارته الى 60 و 70 درجه ) عند تشغيل التطبيقات ؟؟؟؟

ياريت اجابتكم

اقتباس:

---

المشاركة الأصلية كتبت بواسطة tarek12

اخى الفاضل انا سمعت ان النوع الاصلى من سامسونج سواء ان جراند 2 او جلاكسى 4 هو صناعه صينية

يبقى ليييييه نشترى الاصلى الغالى الثمن طيب ما فى الصينى بتاعه و بسعر لا يتجاوز المئات

---

للأسف الشديد تليفون السامسونج الأصلي يا إما تجميع صيني أو فيتنامي لكن بيتجمع تحت اشراف سامسونج كوريا، والمفروض أن تكون مكوناته كلها كوريه الصنع بس بيتم تجميعها في الصين أو فيتنام لكن بيبقى فيهم عيوب صناعة لا حصر لها. وللأسف الشديد بشوف كمية تليفونات سامسونج الاصلية فيها عيوب لا حصر لها كل ما اروح مركز الصيانة بتاع سامسونج اللي في شارع الحجاز. وندمت أشد الندم اني ضيعت فلوسي في موبايل ميستاهلش لكن محدش بيتعلم ببلاش وقدر الله وما شاء فعل.
وأيا كانت المشاكل اللي هتقابلك لما تشتري تليفون صيني مش هتزعل لانك عارف انه صيني وثمنه لا يتجاوز 300 او 400 جنيه. لكن انك تشتري تليفون brand name ثمنه 3000 أو 4000 جنيه ويظهر فيه مشاكل هو دا اللي يحرق الدم فعلاً.
بمناسبة الصيني أنا معايه G-Tide الصيني جبته من اكثر من 3 سنين محصلوش اي مشكلة ولا ظهر فيه اي عيب ولسه شغال معايه لحد دلوقتي.

اقتباس:

---

المشاركة الأصلية كتبت بواسطة mohamed a s

للأسف الشديد تليفون السامسونج الأصلي يا إما تجميع صيني أو فيتنامي لكن بيتجمع تحت اشراف سامسونج كوريا، والمفروض أن تكون مكوناته كلها كوريه الصنع بس بيتم تجميعها في الصين أو فيتنام لكن بيبقى فيهم عيوب صناعة لا حصر لها. وللأسف الشديد بشوف كمية تليفونات سامسونج الاصلية فيها عيوب لا حصر لها كل ما اروح مركز الصيانة بتاع سامسونج اللي في شارع الحجاز. وندمت أشد الندم اني ضيعت فلوسي في موبايل ميستاهلش لكن محدش بيتعلم ببلاش وقدر الله وما شاء فعل.
وأيا كانت المشاكل اللي هتقابلك لما تشتري تليفون صيني مش هتزعل لانك عارف انه صيني وثمنه لا يتجاوز 300 او 400 جنيه. لكن انك تشتري تليفون brand name ثمنه 3000 أو 4000 جنيه ويظهر فيه مشاكل هو دا اللي يحرق الدم فعلاً.
بمناسبة الصيني أنا معايه g-tide الصيني جبته من اكثر من 3 سنين محصلوش اي مشكلة ولا ظهر فيه اي عيب ولسه شغال معايه لحد دلوقتي.

---

شكرا لك اخى الفاضل على الافاده