باركولى - عملت أول حادثة

**lilDeMoN** · 22-10-2008 05:04 PM

Sry ya basha But (nebareklak) ......! hwa enta mosh medaye2 ? 3la el 3mom ya rab tkon a7'er mara ;) .
w MABROUK :P

**aratux** · 22-10-2008 05:09 PM

المشاركة الأصلية كتبت بواسطة lilDeMoN

Sry ya basha But (nebareklak) ......! hwa enta mosh medaye2 ? 3la el 3mom ya rab tkon a7'er mara ;) .
w MABROUK :P

متضايق بس أعمل ايه؟؟ لازم اقلبها فرفشة علشان مش ناقصة حرقة أعصاب فى الشغل و فى الشارع

يا رب تكون آخر واحدة يا رب

**Amrrr** · 22-10-2008 05:11 PM

حمدا لله على سلامتك وجت بسيطة على أد كدة كان زمانك واقف تفكر اقف اشيلهم واتحمل المسؤولية ولا أجري واتطمن عليهم من بعيد والحيرة بتاعة الموضوع دا
وانا بقالي سنة وتلات شهور - والحمد لله وربنا يستر - من غير مشاكل باستثناء طوبة في الكبوت والبرابريز القداماني والقايم اللي ورا ( أحداث شغب كورة السنة اللي فاتت يوم الأهلي وانبي 3-0 للأهلي)

انا اللي حرق دمي بجد وصفك لنظرة سواق الموتوسيكل وربنا يصبرك وتنسى الموقف دا عشان دا لو كان بصلي البصة دي بعد ماعملت حادثة بسببه لأ وعشان أفاديه يعني مش اي سبب والله ماكنت سيبته ان شاء الله اجري ورا على رجلي وأعمل . . مش عارف هعمل ايه ساعتها بس الموقف هيحكم أكيد

**aratux** · 22-10-2008 05:25 PM

المشاركة الأصلية كتبت بواسطة Amrrr

حمدا لله على سلامتك وجت بسيطة على أد كدة كان زمانك واقف تفكر اقف اشيلهم واتحمل المسؤولية ولا أجري واتطمن عليهم من بعيد والحيرة بتاعة الموضوع دا
وانا بقالي سنة وتلات شهور - والحمد لله وربنا يستر - من غير مشاكل باستثناء طوبة في الكبوت والبرابريز القداماني والقايم اللي ورا ( أحداث شغب كورة السنة اللي فاتت يوم الأهلي وانبي 3-0 للأهلي)

انا اللي حرق دمي بجد وصفك لنظرة سواق الموتوسيكل وربنا يصبرك وتنسى الموقف دا عشان دا لو كان بصلي البصة دي بعد ماعملت حادثة بسببه لأ وعشان أفاديه يعني مش اي سبب والله ماكنت سيبته ان شاء الله اجري ورا على رجلي وأعمل . . مش عارف هعمل ايه ساعتها بس الموقف هيحكم أكيد

أجرى فين يا باشا, الدنيا زحمة و عسكرى المرور واقف ورا قفايا

**Amrrr** · 23-10-2008 02:16 PM

المشاركة الأصلية كتبت بواسطة aratux

أجرى فين يا باشا, الدنيا زحمة و عسكرى المرور واقف ورا قفايا

الحمد لله جت على أد كدة
انا بس بهون عليك ان كان ممكن المشكلة تبقى أكبر وربنا ستر معاك - ربنا يسترها معانا جميعاً- وواضح انك واخد الموضوع بروح مرحة أصلا ومبروك وان شاء الله تكون آخر حادثة تعملها

**noor88** · 23-10-2008 03:43 PM

اعزائى احترسوا من شرط جديد للتامين التكميلى في معظم الشركات و هو دفع 10% من مصاريف الاصلاح عند الوكيل او مراكز الخدمة المعتمدة وده للعربيا ت الجديدة موديلات حديثة اقل من خمس سنوات ويمكن حذف هذا الشرط مقابل دفع 25% من قيمة قسط التأمين

**aratux** · 23-10-2008 04:18 PM

مش فاهم
ممكن توضح أكتر (بغض النظر إن مالهاش علاقة بموضوعنا, زائد إنى مش مأمن)

**helmy537** · 23-10-2008 05:41 PM

مره واحد راكب موتسيكل وجاى ورايا تلكسات تلكسات لما جننى وعاوز يعدى وطريق واحد رايح جاى فقعنى بصيت لقيت عربيه جايه مقبلانى من بعيد شويه روحت مهدى وهو جى جرى علشان يعدى روحت خليته قصادى وقزودت وهو يجرى عاوز يعدى وانا مزود قصاده لحد مابوظت اعصابه هو والى راكب معاه قمت مهدى فى اخر لحظه علشان يعدى قلتله ابقى ادى تلكسات تانى هههههههه
بس رعبته

**Dr Zezo** · 23-10-2008 09:27 PM

قدر الله وماشاء فعل
الموتوسيكلات بقي ليها معايا قصص جامدة من خبطات عالواقف والعربية مركونة تحت البيت او وانا ماشي والنتيجة
العربية كلها متشلفطة
بس نقول الحمدلله

**mrghost** · 24-10-2008 08:06 AM

ماشاء الله بقالك سنتين ونصف ماعملتش حادثه وفين فى مصر اللهم لا حسد ده انا عربيتى بتتخبط وانا راكنها وببقى قاعد جواها كمان !!!!! والحمد لله انها جت على قد كده بس غير الفانوس حتى لو بواحد مش اصلى علشان المنظر العام للسياره وعلشان المرور لانه بيعتبروه امن ومتانه