الموضوع: علي جمعة ....... الاولياء يسمعون طلب من يتوسل بهم

هو لسه في حد بيسمع "العكاشيات" اللي من النوع ده..

كلام علي جمعة مش غريب ولا جديد
الغريب هو إستغرابكم لكلامه

الراجل صوفي من ساسه لراسه
ومعروف عنه إنه بيقول أي حاجه في أي حته
يعني معندوش حتة إن مش كل حاجة تتقال زي ما الصوفية بيعملوا

كلامه ده من بدع وخزعبلات الصوفية
هو مردد فقط لا غير

وبرضه عشان الناس تعرف أصل البدعة دي اللي عند الصوفية من أين أتت ؟؟؟؟؟؟؟؟؟؟؟؟

أتت من حديث مشهور إسمه حديث الأعمى
وهو حديث صحيح في أغلب الأقوال
والحديث ده بتدعي ربنا ثم تتوجه بالدعاء مخاطباً سيدنا محمد صلى الله عليه وسلم متوسلاً به إلى الله

الحديث هجبلكوا نصه في آخر كلامي

المهم

الحديث ده العلماء الصالحين قالوا إنه حاجه خاصة بالنبي عليه الصلاة والسلام
وانقسموا قسمين في جواز فعل هذا الحديث بعد وفاة الحبيب المصطفى صلى الله عليه وسلم
قسم قال يجوز وله حجته
وقسم قال لا يجوز وله حجته
والمقصود هو الحديث ده بس
وبالنبي عليه الصلاة والسلام بس

جه الصوفية ودخلوا بدعهم في الموضوع
وفتحوا الحديث ده ودخلوا فيه من الصحابة وآل البيت والأولياء كثير جداً
وده من غلوهم وبدعهم وضلالاتهم

فهو علي جمعة صوفي وبيحب يقول حاجات صوفية كل فترة للترويج للصوفية أو لإثبات إنه صوفي أو أي حاجه والله أعلم

ربنا يكفينا شرهم

الحديث :ـ
عن عثمان بن حنيف أن رجلاً ضريراً أتى النبي صلى الله عليه وسلم فقال:
ادع الله أن يعافيني.
قال: «إن شئت دعوت لك وإن شئت أخرت ذاك فهو خير»
وفي رواية:
«وإن شئت صبرت فهو خير لك»،
فقال ادعه
فأمره أن يتوضأ فيحسن وضوءه فيصلي ركعتين ويدعو بهذا الدعاء:
«اللهم إني أسألك وأتوجه إليك بنبيك محمد نبي الرحمة
يا محمد إني توجهت بك إلى ربي في حاجتي هذه فتقضى لي،
اللهم فشفعه في وشفعني فيه»
قال ففعل الرجل فبرأ

حديث صحيح


.