عندي مشكله في تاكيف الفانتازيا

**dj_bex** · 24-08-2014 04:37 AM

السلام عليكم ، من يومين كده وانا سايق حسيت التاكيف مش بيبرد مع العلم اني دايما بعمل المروحه على اتنين و لما ببرد بعمله على واحد و درجة الحراره بسيبها على ١٨ و انهرده بليل حسيت انه مش بيبرد واحد قالي ان البلف الي في الكومبريسور بايظ ومينفعش يتغير البلف لازم الكومبريسور يتغير ، عاوز رايكم في الموضوع ده ، تحياتي

**dj_bex** · 24-08-2014 05:19 AM

نسيت اقول حاجه ان لما بقفل العربيه واسيبها ساعه كده واشغلها وافتح التكيف يبرد كويس اوي

**Moratoz** · 24-08-2014 05:52 AM

اكشف عند حد تاني وشوف

**pharonicking** · 24-08-2014 09:32 AM

قيس الاول ضغط الفريون بالجهاز""

**dj_bex** · 24-08-2014 02:49 PM

متشكر لي كل الردود يا جماعه .. و هنتظر بقيت الاراء من الاخوه الاعضاء قبل ما اتخذ القرار .. تحياتي

**محمد المصرى** · 24-08-2014 04:07 PM

انا عندى نفس مشكلتك التكييف بيسقع كويس جدا وانا ماشى ولما اقف فى اشارة بيفصل خالص
وبضطر ادوس بنزين جامد وانا واقف عشان التكيف يشتغل
وكشف عند واحد بتاع تكييف قالى غير الكمبريسور بس انا مش مقتنع وقلت اصبر شوية

العربية اوكتافيا 2008 a5

**dj_bex** · 24-08-2014 05:09 PM

انا عرفت السبب .. السبب يا ساده ان ضغط الفريون بيزيد و لما بيزيد بيضغط على البلف الي موجود داخل الكومبيروسور ومش بيخليه يسمح بمرور الفريون و الضغط بيزيد بسبب زياده درجة الحرارة الجو .. طب انا عرفت علاج الموضوع ده ازاي ...
انا والدي مهندس ميكانيكا يعمل بالخارج و انهرده كلمته على الموضوع ده .. و قالي ان الموضوع ده حصل معاه في عربيته و لما قاس ضغط الفريون اكتشف انه زياده و رجع ضغط الفريون الطبيعي و اشتغل معاه التبريد كويس .. انهرده الاحد طبعا كل بتوع التاكيفات قافلين انا هروح بكره لي حد بتاع تاكيفات معرفه هخليه يقيسلي ضغط الفريون فقط و اعرف ان كان عالي و لا ضغطه طبيعي و هقلكم على النتيجه .. عشان مش معقوله عربيه موديل 2013 و ماشيه 25 الف كيلو و الكومبيريسور يبوظ مع العلم العربيه جايبها من الامارات .. تحياتي

**Hazem Hosny** · 24-09-2014 09:58 AM

انا كان عندي نفس المشكله في A5 2008 و غيرد الكمبريسور عشان الكبس كان ضعيف و دة ممكن معرفته من عند اي حد بتاع تكيفات.
بس انا لما جيت اغير الكمبريسور جبت كمبريسور الa4 عشان عمرة اصول و الضغظ اعلي و بنصف التمن و مش مجتاج تعديل ، مطلوب شراءه بالقعدة بتاعتة.