الموضوع: مشكلة مع بطارية ACDelco

السلام عليكم ورحمة الله وبركاته
ازيكم جميعاً
(للعلم السيارة بالسعودية )
انا عندي مشكلة فى عربيتي النترا 2013 فيها بطارية ACDelco بقالها معايا 16 شهر بالظبط وهي اللى جايه فى العربية
العربية بتشتغل كل يوم بدون مشاكل بس اتركنت يومين بس اخر مرة شغلتها الخميس بالليل وجيت اشغلها امبارح السبت بالليل ولا حياة لمن تنادي حتى حتى الانوار ضعيفه فتحت الكبوت البطارية تمام والمؤشر فى عدسة البطارية على الأخضر :D
عملت توصيلة واشتغلت الحمد لله تمام على طول قمت واخد مشوار حوالي 80 كيلو بدون انوار او تكييف او كاسيت ورجعت العربية 100-100
بطلت وشغلت كذا مرة برضوا الحمد لله 100-100
جيت النهاردة الصبح وانا رايح الشغل عملت نفس الحركة تاني !!!!!!!!!!! الكل هنا بيقولي البطارية عاوزة تتغير من غير حتى ما يكشف على البطارية او يقيس او حتى يقول هي ليه مطلعه اخضر مش اسود علشان تقول ان البطارية فاضية

ها دا فعلا البطارية باظت ؟؟؟ وفجأة كدا وبدون اى مقدمات ولا اي حاجة ؟؟؟ وهل ان المدة دي قليلة عليها ولا اية لان ليا زميل ليا جايب عربيته فى نفس التوقيت ومفيش مشكلة فى البطارية معاه !!!