الموضوع: جواز من اجنبيه في مصر

المشاركة الأصلية كتبت بواسطة ibrahim sallam

اللهم امين
كنت بكلم واحده من البرازيل

عن طريق الاسكاي المهم كنت بدخن سيجاره

وكنا خلاص متفقين على الجواز

المهم سالتني انت بتشرب الخمر

فلتلها لاء حرام طبعا

قالت: الحرام لا يتجزأ فالسيجاره حرام

قلت: صحيح الحرام لايتجزأ لكن فيه شيء محرم اكبر من شيء يعني لاوجه للمقارنه بين تدخين السجاير وبين الخمره .

عندها ابنها هي فقالتي لاء حرام والولد السجاير هتضره

قلتلها هحاول ابطلها

المهم الموضوع فشل بسبب السيجاره

الغريب بقا في الموضوع انها بتكلمني وشعرها باين :copy of new:

فهو ده اللي عاوز ااقول لحضرتك عليه فيه حاجات عندهم محتاجه تتظبط فعلا..

انا جربت الزواج هو مشروع فاشل بنسبة 90% لكن شيء لابد منه

برازيلية..وسكايب ... وسجاير ؟

كانت فكرتى عنك غير كده خالص يا ابراهيم بك

انا اقولك حاجه وانت براحتك
عايز المصريه هاتلاقى اللى انت عايزة كله - بس المصريات متدلعين وقليل اللى تلاقيها تشيل مسئوليه بيت واولاد لوحدها وتسيبك تشوف حالك فى شعل وتطور نفسك

الاجنبيه لو اخترتها صح صح يعنى هاتعملك نظام تحفه فى البيت وهاتنظملك حيانك بجد
وانت اصلال هاتتغير 360 درجه فى حياتك العمليه مش بعيد تاخد دكتوراة بسبب تشجيعها ليك

نيجى بقى ان انت لو عايز حوار جنسيه وتخلع من مصر - ولا عايز جواز بجد وفعلا

لو حوار خلهان وخروج من مصر بس يبقى نصيحتى انك تروح كندا - اتجوز كنديه وسافر دورلك على واحده كبيرة فى السن شويه وعندها ولادها ومش عايزة عيال وعيش ال 5 سنين براحتك معاها - بس لو كويسه معاك اوعى ترميها بعد لما تاخد الجنسيه خليها على ذمتك واتجوز فى مصر من غير لما تعرف وعيش حياتك هناك لو مكنش يبقى طلقها وافع نص ثروتك

النوع التانى - لو انت عايز جواز بجد وهاتعيش فى مصر
احسن واحده ليك الالمانيه - هاتنظملك حياتك صح ( بس شخصيتهم قويه وراس براس )
لكن لوعايز ممكن لاتيفيا او روسيا بس تاخد فلاحين منهم مش بتوع المدن الكبيرة - الفلاحين او ناس القرى هناك عاداتهم كويسه ومحترمين

لو عايز محترمين اوى عليك وعلى الشيشان او كازاخستان بس لازم تسافر هناك بنفسك وتاخد من قبائل مش من مدن برضه وهناك تروح لامام مسجد كبير وهو هايجيبلك طلبك

اما لو عايز عربيه بس مش عايز مصرى - السوريه مالهاش حل وخصوصا بتوع حلب ستات بيوت جامدين جدا بس مشكله السوريه لازم تتفسح وتخرج يوميا حتى لو بدون تكاليف بس لازم تخرج يوميا

وعندك المغاربه ستات بيو فعلا وكويسين جدا بس برضه بتوع القرى المدن لأ - واحسن المغاربه بتوع فاس اكثرهم متدينين بس لازم تسافرلهم ولو من عيله ليها اسمها هاتدفع مهر وشبكه عاليه اوى لو ناس عاديه يعنى هاتتكلف شويه بس تمام

ومن الاخر دى تجربتى منقوله من اصدقاء مصريين كتير اتجوزوا من اجانب

ونصيحتى خليك فى المغرب او سوريا اريحلك بجد

لان حتى لو هاتزور اهلها مرة فى السنه شوف هاتتكلف انت قد ايه وبالذا ت لما يبقى عندكم عيال هاتسفرها هيا وعيالها شوف بقى 3 تذاكر رايح جاى ومصاريفها يعنى هاتصرفلم بتا ع 20 ل 25 الف كل سنه زيارة لاهلها

عامة فكر كويس واتكل على الله واتجوز بقى


ولكن صراحه
اظفر بذات الدين تربت يداك - هيا اللى هاتشيلك فى حياتك وبعد مماتك تشيل عيالك كمان وتربيهم احسن تربيه
وعندك مصريات متدينين مالهمش حل ادب واخلاق وتعليم وجمال وكل حاجه

ولو مصمم اوى على اجنبيه وعايزها متدينه كمان بس تكون انت متدين فهلا - روح مدينه البعوث الاسلاميه وقابل حد هناك قوله عايز اتجوز اجنبيه ومسلمه وذات دين هتلاقى كتير من ماليزيا ومن اندونيسيا ومتدينين بس لازم انت تبقى متدين عشان تجاريها فى التعامل لانها هاتعامل باقران والسنه واى مشكله هاتحصل هاتتعالج بالسنه يعنى مش هتلاقى مخرج ولا هاتعرف تتعامل بالفهلوة



وشكراً