وها قد اصبحت ماروتاوى-تقييم الماروتى بعد اول يوم

**fahd_628** · 22-10-2008 07:11 PM

مبرووووووووووووووك يا سبعاوى باشا

**osamaos20022** · 22-10-2008 07:21 PM

حس انك راكب مكنسة كهربا وطالع تجرى بيها فى الشارع
حلوه اوي الكلمه دي
ده احساسي تماما عند رؤيه السياره
مبروك عليك

**H.ibrahim** · 22-10-2008 07:33 PM

الف مبروك يابو السباع:err::err: و عقبال ماتكبرها و تخليها مايباخ و ان كنت انا زعلت علشان بعت الريجاتا خاصة انها عربية عزيزة عليك ( طبقا لمداخلتك ) فى بداية المنتدى و ربنا يطرحلك فيها البركة باذنه تعالى انه على كل شى قدير .

**ahfares** · 22-10-2008 07:39 PM

أولا الف مبروك
أنا كنت محتار بين المارتى والالتو
بس بعد كلمك هجيب ماروتى عندى ثقه فيك
لو عندك نصيحه ليه ممكن اسمعها
لو ممكن سعر الكاش كام

**Ahmed Selim** · 22-10-2008 08:41 PM

ألف مبروك يا باشا
ربنا يديكو خيرها ويكفيكوا شرها

العربية دى كانت مع مراتى لمدة سنة و كانت مو 94 و بسم الله ما شاء الله العربية كويسة جداً وبتشم بنزين.....يعنى ممكن بدل ما تفول توقفها جنب البنزينة شوية تاخد الجرعة بتاعتها وتكمل مشاويرك :d
وهى جمالها فى أستهلاك البنزين القليل جداً وصغر حجم العربية اللى يخليك تركن فى أى مكان وكمان ظريفة فى المناورات

ربنا يباركلكم

**شريف** · 22-10-2008 09:04 PM

بس مقلتلناش جبتها بكام

**عزيز محمد** · 22-10-2008 09:17 PM

مبروك يا باشمهندس سبعاوى
ومبروك على كل مالكى الماروتى انضمامك إليهم

**sab3aawy** · 22-10-2008 09:18 PM

المشاركة الأصلية كتبت بواسطة aif

بس هانت عليك الريجاتا ...... دي ريجاتا .... ونبيتي كمان :d

المشاركة الأصلية كتبت بواسطة H.ibrahim

و ان كنت انا زعلت علشان بعت الريجاتا خاصة انها عربية عزيزة عليك .

والله ساعة لما الريجاتا مشيت من قدامى حسيت انى بعت عيل من عيالى، بس نعمل ايه بأه، المدام مش متمكنة منها لأنها كبيرة جدا بالنسبة لها ، الى جانب انها سيارة قديمة وسواقتها صعبة الى حد ما لأن الكاربراتير بتاعها مش سلس والاكسراتير بينتش كما ان طبعا القديم له مشاكله وبالتالى انا مبكونش مطمئن على المدام لما بتخرج بيها، وانا مقدرتى المادية لاتسمح بشراء سيارة اخرى والاحتفاظ بالريجاتا، لذلك كان قدامى اختيارين اما انى اضحى بالريجاتا العزيرة، او ان المدام متبقاش تحت يدها سيارة، وبحسبة بسيطة لقيت ان الريجاتا حتى لو هتاخد قلبى معاها ،لكن الدنيا فيها حاجات اهم..........عموما هى شكلها اصلا المكنسة دى هيبقى لنا معاها مغامرات كتير وذكريات لطيفة

**polo61** · 22-10-2008 09:31 PM

الف الف مبرووووووووووك
ربنا يبارك لكم فيها ويحفظكم انت والمدام

الموضوع: وها قد اصبحت ماروتاوى-تقييم الماروتى بعد اول يوم

LinkBack

أدوات الموضوع

عرض

-

-

-

-

-

المواضيع المتشابهه

تقرير تنظيف الماروتى من الداخل بالتفصيل + بعض خبايا دهاليز الماروتى :)

اصبحت عضو جديد فى كيا

اصبحت فيستاوى

اصبحت من مالكي f3

تقييم للسوران يا خبراء ( تقييم لكفاءة السيارة كسيارة فقط )

الكلمات الدلالية لهذا الموضوع

المفضلات

المفضلات

ضوابط المشاركة