مبروك يا باشمهندس
بس هي فعلا عربية مناسبة لمصر قوي (في استخدامات معينة)
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
امبارح تم شراء الماروتى بعد نصايح الاعضاء ، كلمت موردن موتورز على الرقم القصير بتاعهم، عندكم ماروتى بضاعة حاضرة، آه عندنا 4 عربيات، طب الألوان ايه، ارزق وسماوى وكحلى، كويس جدا لأن انا-او بالأصح صاحبتها اللى هتركب وانا هكع-عايزاها زرقاء ، رحت نازل رايح لهم فى الدقى، دفعت دفعة الحجز، ورحت جبت باقى الفلوس وكملت الفلوس واستملتها امبارح وروحت بيها
بس لسة الورق النهاردة او بكرة ان شاء الله
بس وانا مروح بيها امبارح كنت مبسوط اوى، كنت حاسس انى راكب عربية ملاهى، الكبوت بتعاها مش باين خالص وتحس انك لو مديت ايدك برة العربية ممكن تظبط الفانوس الامامى وانت سايق العربية، وموتورها لذيذ وناعم جدا وصوته كأنه موتور كهربا، من الأخر تحس انك راكب مكنسة كهربا وطالع تجرى بيها فى الشارع،بس من جوة تصميم الصالون لطيف ومريح ، لأنه عامل كراسى حجمها معقول على حساب ان مافيش مسافة تقريبا بين الكرسيين، وفى الخلف تاخد 2 مرتاحين، اما الشنطة فهى تشيل حاجات الأساسية فقط، يعنى شنطة اللابتوب او شنطة صغيرة، لكن لو عايز تجيب مشتروات الشهر فى العربية لازم تنيم الكنبة الورانية، وهى معمولة نصين ممكن تنيم كل واحد فيهم لوحده ،الجير 4 غيارات ،بس انا جربت امشى على الرابع لحد 100 لمدة قصيرة جدا امبارح، الموتور ناعم جدا وصوته مقبول حتى على سرعة 100
عفشتها اكثر من ممتازة، لكن صوت الجيربوكس والكاوتش وحفيف تيل الفرامل فى الطنابير مسموع علشان صغر حجم السيارة
التنك اتفول ب25 لتر، ومشيت بيها حوالى 50 كيلومتر امبارح المؤشر متحركش من مكانه
يعنى ، اقدر اقول ان تقييم اول يوم كان كالآتى:
1-المحرك : التسارع :جيد جدا، صوت: جيد ، نعومة: ممتاز
2- العفشة: ممتاز
3-المناورة:ممتاز
4-الصالون:4الاتساع ،افراد متوسطى الحجم، الخامات جيدة، الستايل قديم
5-الأدوات: عصا الفتيس متوسطة النعومة، الدواسات معقولة جدا، عجلة القيادة معقولة بالنسبة لسيارة بدون باور ستيرنج
6-التحكم فى السيارة:جيد جدا
7-الثبات على الأرض: متوسط
8-عزل الصوت:متوسط
9-متانة الصاج:جيد جدا
10-جودة التقفيل(هندى):جيد
11-الكماليات: لوقررنا اعتبار الساعة والمساحة الخلفية كماليات يبقى نقدر نقول ان فيها كماليات من نوع ما، غير كدة مافيش
هى العربية هتكون معايا لفترة التليين فقط، بعد كدة مظنش انى هقدر آجى جنبها،(غير للصيانة والاصلاح طبعا، وممكن استلفها فى المناسبات السعيدة :) )
سبعاوى
_______________________________________________
رقم العضوية : 772
تاريخ التسجيل : 24May2007
المشاركات : 2,655
النوع : ذكر
الاقامة : Alexandria
السيارة: Polo 1999 & Elantra 2012
السيارة[2]: Fiat 127
الحالة :
مبروك يا باشمهندس
بس هي فعلا عربية مناسبة لمصر قوي (في استخدامات معينة)
رقم العضوية : 17836
تاريخ التسجيل : 03Sep2008
المشاركات : 292
الحالة :
الف مبروك ياسبعاوى باشا
انا كنت اشتريت واحدة بردة لانسة فى العائلة فى رمضان قبل الماضى
ورحت المعرض وسقتها للبيت
وفعلا اتفاجأت انها عربية كويسة اوى وممتازة بالنسبة لسعرها وانها زيرو
استهلاكها للبنزين بقى تحفة التحف الصفيحة ممكن تعمل مايقرب من 380 كيلو !!!
اقتصادية جدا جدا
والى الان وبعد عام السيارة لم تحتاج الا الى نفخ كاوتش فقط!! وماشية فحت وردم كمان
عيبها الوحيد فقط (صغر حجمها ليس اكثر)
لو عرفوا يطوروها ويكبروها شوية ويركبولها موتور 1300 ويعدلو شكل التابلوة شوية فى مقابل زيادة20 الف فقط هتبقى تحفة جدا
وعربية بتجرى اوى فى السفر وتجيب 120 بسهولة وثبات كويس
وتروح اسكندرية وتمشى فيها وترجع ب صفيحة واحدة ب 35 جنية فقط !!!!!
العيوب :
1- صغر الحجم للشنطة الخلفية
2- طبعا عدم وجود تكييف
3- التابلون عامل زى الصندوق كان ممكن يتعمل بومبية او كيرف كانت تبقى تحفة
4- لا تنزل بكاسيت
المزايا :
1- اقتصادية جدا جدا جدا لاستخدام الوقود 380 كيلو للصفيحة
2- تقفيل ومتانة جيدة جدا
3- لايوجد بيها عيوب تصنيع
4- قطع غيار ببلاش (تفكرنا ب ال 128 ) ومصاريفها هايفة اوى
5- تقدر تركن وتعدى من اى حتة الصغر ليه ميزة جامدة اوى
تصلح
1- سيدة تعمل (مراتى = ماروتى )
2-شاب يعمل
3-اسرة صغيرة
4- سيارة زيرو بثمن سيارة مستعملة (فى حدود 36 الف)
بالنسبة لصوت الفرامل عشان لسا زيرو فقط والفرامل لم تتطبع
والف مبروك مرة تانية
----------------------------
اسمع كلام اللى بيعرف اكتر منـــــــــــــــــــــــ ك
اللى بيولع الاسعار ويخرب الجيـــــــــــــــــوب
هي الفشخرة والمنظرة يا حبــــــــــــــــــــــو ب
----------------------------
رقم العضوية : 143
تاريخ التسجيل : 24Apr2007
المشاركات : 17,378
النوع : ذكر
الاقامة : Nasr City
السيارة: Toyota Yaris 2007
السيارة[2]: Nissan Juke 2013
الحالة :
الف مبروك يا سبعاوى
و ربنا يبارك لك فيها
رقم العضوية : 3171
تاريخ التسجيل : 13Nov2007
المشاركات : 1,509
النوع : ذكر
الاقامة : وسط زحمه وخنقة القاهرة
السيارة: هيونداى فيرنا
السيارة[2]: سوزوكى سويفت ديزاير 2015
دراجة بخارية: المفروض لأنها هى اللى بتسلك فى البلد دى !!
الحالة :
مبروك يا استاذ سبعاوى
بس كنت عاوز أعرف انت كاتب ليه : Car: نيسان صنى-فقط فى الوقت الحالى
هو انت بتفكر تغير ؟ وليه ؟؟!
طبعاً ده مش انحشار فى خصوصياتك , ده ثقه فى شخصك و طريقة تفكيرك المعتدلة للحكم على الامور
https://www.facebook.com/groups/SWIFTCLUBINEGYPT/
رقم العضوية : 880
تاريخ التسجيل : 07Jun2007
المشاركات : 411
النوع : ذكر
الاقامة : Egypt - Cairo
السيارة: Daihatsu Sirion
السيارة[2]: Fiat Seina 1600 HLX
دراجة بخارية: -
الحالة :
ألف مبروك يا باشمهندس ..
كده بأه لينا حد نسأله ونستشيره فى مشاكل الماروتى إن شاء الله .. :)
أصل أخوك معاه ماورتى 94 كنت شاريها مستعملة من سنة ونص تقريباً ..
بس طبعا المستعمل كل فترة كده تطلع مشكلة ..
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
سبعاوى
_______________________________________________
رقم العضوية : 29
تاريخ التسجيل : 17Apr2007
المشاركات : 1,612
النوع : ذكر
الاقامة : إٍسكندريه
السيارة: أوبل - أسترا - 2000
السيارة[2]: هيوانداى - النترا - 2007
دراجة بخارية: no
الحالة :
الف مبروك يا سبعاوى وربنا يكفيكم شرها ويديكم خيرها
[gdwl]
سبحانك اللهم وبحمدك ، أشهد أن لا إله إلا أنت أستغفرك وأتوب إليك
[/gdwl]
مـحـمـد الـطـويـل - إسـكـنـدريـه
رقم العضوية : 1946
تاريخ التسجيل : 28Aug2007
المشاركات : 1,872
النوع : ذكر
الاقامة : الامارات - أبوظبي
السيارة: بيجو 207 - 2009
السيارة[2]: نيسان باثفيندر 2014
دراجة بخارية: عمرى ما سقتها
الحالة :
الف مبروكهى العربيه من غير تكييف
رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
ألف مبروك و ربنا إن شاء الله يديك خيرها و يكفيك شرها
المفضلات