طيب هو ينفع اى ميكانيكى للموضوع دة ولا لزم يكون بتاع المانى لانى معنديش حد بتاع المانى
عرض للطباعة
على فكرة انا اول واحد يحط زيت للعربية بعد ما اشتريتها من الراجل لانو مكنش حط لسة زيت جديد والعربية لحد دلوقتى من ساعت ما اشترتها ما مشيتش غير ٧٠٠ كيلو وقيست الزيت امبارح مضبوط تماما وكمان انا اللى مغير البوجيهات لانو بردو مكنش غير البوجيهات بعد ما ركب المكنة
لو عايز ميكانيكى بتاع المانى يجبلك من الاخر بس هتغرم جوان وش سلندر ومصنعيه فتح وهيديلك القرار النهائى فى ميكانيكى وانت جى من بنها مباشرة للمؤسسه هتكمل على طول دة شارع اسمه احمد حلمى عند محطه اسمها الاستديو خش يمين وقول فين عضمه بتاع الالمانى ودة مشهور جدا جدا وبالتوفيق
اخى الفاضل ربنا يعينك ومش عاوزك تزعل نفسك
هوا لما الواحد بيجيب عربيه غريبه عليه كاقطع غيار واماكن صيانه ومعرفه بالاسعار بيتعب شويه
لحد ما يفهم ويعرف بعد كده تلاقيه مبسوط منها والدنيا معاه مشيت
ممكن تنزل بيها القاهره وعندك أماكن الورش الى متجربه من الاعضاء هيحسبلك تكلفة انهاء مشكلة الماتور ده
وقتها هتحدد ميزانيتك بانك تعمر او تجيب بلوكه او ماتور وشيل وحط وانتهى
ولو سألتنى عن رأيى فهتلاقيه مخالف لناس كتير حتى فى القسم هنا - أنا برجح العمره ديماً وده من او مره ركبت فيها عربيات ليه لان أنا بجدد ماتورى عشان يقعد أفتراضياً فتره طويله وأداء الزيرو
بس الموضوع ده شاق جدا وعاوز ورشه ميكانيكا وخراط ممتازين وخبره وقطع غيار جديده اصلى وحط خطين تحتها
أذا توافر الشروط الثلاثه تتعمل العمره وأنتا الكسبان ماتوفرتش أو شفت ان تكلفة عيب الميكانيكا عندك يعالج باقل تكلفة واسرع وقت من خلال الإستيراد يبقى تعمله وأنتا وحظك وكده كده بيبقى الى جبته أستيراد على التجربة بس كل الى بتخسره مصنعية التركيب وشيل وحط
أنا عارف ان ماتورك صغير عمتا عالجه مؤقته بأقل تكلفة وعمل حسابك مستقبلياً أنك تجيب أحلى ماتور 1400cc راكب على نص ويكون كيلومترات قليل هيكون غالى شويه وهدور عليه بس هتريح دماغك فتره طويله جدا لان المواتير الالمانى معمره جدا وخدمه شاقه ولو قلتلى امال ده عمل معيا كده ليه ده قدرك الماتور 1000cc الأستيراد نادر جدا فالمرجح انه خلع للاسف
اسف على الاطله وربنا معاك
واى استفسار اسأل والناس كلها هنا فى القسم معاك
بص ياباشا ..فيه حاجه إتأكد منها الأول ..وبعدين هتقدر تاخد قرار وإنت مرتاح
السؤال ..الموتور اللي راكب عندك ده ..إستيراد ..ولا خليع
لو خليع ..يبقى ما تصرفش عليه شلن ..وشيل ..وحط غيره ...ومؤقتا ..ممكن تلجأ للمسكنات ..زي زيت الشنبر وتحط زيت تقيل ..لغاية ما تجيب أجله خالص ..وبعدين إرمي ..وسقط
أما بقى لو إستيراد ..فأنا بقولك إصرف وإنت مطمئن ..مع ضمانة إن المصاريف مش هتتخطى الألف جنيه بإذن الله
ليه بقى لو إستيراد التكلفة مش هتتخطى الألف جنيه
لإن لو إستيراد يبقى إحنا بنتكلم في مكنه إستاندرد ..من الألف إلى الياء ..يعني مفيش عندك لا شغل فوق ولا شغل تحت ولا شمايز فيها مشاكل ولا كرنك مش عارف ماله ..هي مكنه بلغة العوام كده ..فبريكه على أبوها ..يعني كل اللي هتعمله طقم شنبر فقط ..وعلى فكره ..في ناس أول لما تجيب مكنه إستيراد ..يقوم فاتح ..وعامل طقم شنبر ...ويقولك 400 جنيه فوق تمن المكنه وهي مفكوكه كده كده وأبقى إشتريت بجد حاجه فبريكه صح
أما بقى لو خليع ..فيبقى زي الميكانيكيه اللي شافوها ما قالولك ..دي بطيخه ..هنفتح ..ونشوف ..ونفتح ونشوف دي بصراحه أنا مش بحبها خالص ..عشان كده لو تقدر تتأكد المكنه دي إستيراد ولا خليع ..بجد ..هتفرق معاك
حاجه أخيره بقى ..ما تزعلش نفسك خالص ..إنت آخرك مكنه بأربع تلاف جنيه ..هتقولي الأربع تلاف جنيه مش موجودين هقولك مش مشكله ..لما يبقوا موجودين إبقى غير المكنه ..قضيها زيت شنبر وزيت تقيل لغاية ربنا ما يفرجها ..وياسيدي قدر الأربع تلاف جنيه دول بقيت تمن العربية ..كأنك إشتريت ولسه عليك فلوس
وحاجه كمان ..أنا شايف إن اللي باعلك العربية ملوش ذنب ..وإنت كمان ملكش ذنب ..العربيه ماشيه بقالها شهر زي الحلاوه ..وأي مكنه إستعمال بيبقى ضمانها على التاجر شهر ..يعني هو نفسه اللي باعلك لو كان خلى العربيه دي معاه كانت عملت زي ما عملتها معاك ..إنت نفسك لو دي عربيتك من الأول ..أو لو مكان صاحبها اللي باعلك وروحت إشتريت لها مكنه وقعدت معاك الشهر كانت هتعمل نفس العمله ..وكنت ساعتها هتدفع مرتين ..مره في ثمن المكنه ..ومره في عمرة المكنه ..ده بفرض إنها كانت بتاعتك وإنت اللي مسقطلها المكنه اللي فيها دي
فكر كده ..وإتأكد من موضوع المكنه خليع ولا إستيراد
ما هيا المشكلة ان اللى بعلى العربية بياكد ان المكنة جديدة وكان الشكمان بيعرق مياة يعنى المكنة المفروض استاندر وكمان العربية دخلت فحص علشان البصمة بتاعت الماتور طيب ازاى تفوت دة اللى هيجننا وكمان هو قالى انو مرحش مع الميكانيكى هو دفع الفلوس لية لما ركبها لانو عارف الميكانيكى والمفروض انو ثقة بالنسبة لية
-------- فانا دلوقتى بصراحة مبقتش عارف اى حاجة
لانى مش بجرى بالعربية مش بيظهر حاجة لكن لو العربية واقفة وانا زوت بنزين جامد تطلع دخنة بيضة وواضحة