انا قدامى و احدة يا جماعة للبيع و مقلق منها من موضوع الفتيس ده ... بيتحرق حقيقى و لا اشعة و الناس بيستخدموه غلط ؟؟؟
ارجو الافادة يا جماعة لانى محتار فى شراء العربية ديه
عرض للطباعة
انا قدامى و احدة يا جماعة للبيع و مقلق منها من موضوع الفتيس ده ... بيتحرق حقيقى و لا اشعة و الناس بيستخدموه غلط ؟؟؟
ارجو الافادة يا جماعة لانى محتار فى شراء العربية ديه
لا مش بيتحرق واكتر الكلام هجس .... جيبها واتكل علي الله واستخدم الفتيس في الزحمه علي s مود و لما تبقي الدنيا فاضيه جيب d و في الاشارات جيب n لو قلقان يبقي بلاش تشتري
عربيه حلوه وفتيس إلى حد ما كويس لو عاملته معامله خاصه يعني لو مشيت بيه استبترونيك بس يعيش معاك كتير اوى وبالذات في الزحمه وتجيب n وانت واقف في زحمه غير كدا مش هيحصل حاجه إن شاء الله
يعنى يا شباب مقلقش من الموضوع ده ؟؟
و ليه امشى على s فى الزحمة و العادى d ؟؟؟
لا في الزحمه خليها استبترونيك وامشي اول ولما تقف حطها على n وعلى فكره موضوع مشاكل ال DSG قلت اوى موديلات 2013 وإلى بعده
معلش أضيف حاجه كمان نقطه نجاح وطول عمر ال dsg أن انت اللى تتحكم في نقلاته ومتخاليهوش هوا يتحكم في نفسه وان شاء الله يعيش معاك بس أهم حاجه صيانتك تكون في التوكيل لأن هما اكتر ناس فاهمين الفتيس ده من كتر مامر عليهم وربنا يكرمك بحاجه محترمة
طب و بالنسبة لل 2012 فيها مشاكل ولا ايه ؟؟؟؟
معلش يا جماعة بطول عليكم
يعنى ايه الواحد يمشى بالعربية ف الزحمة بالستب ترونك ؟!!!!!
(استفهام مجازى عشان محدش يتفزلك و يعمل نفسه فاهم و يقعد يشرحلى )
الواحد بيشترى العربيه عشان هى تريحه و لا عشان هو اللى يريحها
الفكرة مرفوضه شكلا و موضوعا بالنسبة لواحد لسه هيشترى
عامة موضوع ال dsg اتفحت مناقشه ف المنتدى هنا و بكلام علمى محترم ,, مش كلام مصاطب
بالنسبة للعضو الفاضل صاحب الموضوع ,,
اشترى دماغك من دلوقتى و انت على البر و المخاطرة مش مستاهلة
للعضو الفاضل اللي داخل يعلق للأسف كلام المصاطب اللي انت بتتهكم عليه هوا اللي بيخلي الفتيس عمره أطول واسأل ملاكها اللي معاهم وماشيين علىالمصاطب والفتيس شغال هوا دا عيب الفتيس تمشي بيه مانيوال بس هتاخد في المقابل اأداء وسرعة وعذرا على كلام المصاطب
لا ياباشا ,, واضح انك فهمتنى غلط
انا مقصدش خالص بكلامك انه كلام مصاطب
انا اقصد ان النقاش قبل كدا ف كذا موضوع كان علمى و بالادله
و شددت على جزئية انه كان علمى بانى قلت انه مكانش مجرد كلام مصاطب
مش عارف وصلك قصدى و لا لأ ,, بس انا بعتذر لحضرتك لو حصل سوء تفاهم