الموضوع: نتشة فى الفتيس ولمبة الهولد ولمبة التشيك انجن ... ودماغى اتلحست

مشكلة متكررة ولكننى تهت بين الاجابات على المنتدى ..... انا عربيتى افيو 2009 اتوماتيك ( وياريتها كانت مانيوال ) مشكلتى نتشة فى الفتيس طلعتلى فى جميع السرعات مرة بعد الاربعين مرة بعد العشرين مرة بعد التمانين وكانت فى البداية بتظهر هذه النتشة على فترات متباعدة يعنى كل شهر مرة واحيانا كل شهرين او تلاته مع النتشه بتنور لمبة الهولد فى التابلوه وبالتبعية لمبة التشيكن انجن او العكس ظل هذا الحال معى فترة طويلة ما يقرب السنة والنصف ولكنها ازدادت ووصلت الى تلات او اربع مرات فى الشهر... غيرت الزيت والفلتر ومازالت المشكلة قائمة ... الى ان وصلت الى قمة المشكلة الان وهى اننى كنت اتصفح الموقع فوجدت موضوع عن تنظيف البوابة والحساسات والايدل فقمت بالفعل بفك وتنظيف البوابه والحساسات ومن بعدها ولم تتمالك السيارة نفسها.... كل ما ادور العربية واطلع بيها مشوار لمبة الهولد والتشيك انجن تطلع والنتشة تشتغل ولا تتوقف الا بتبطيل السيارة والمحرك او ايقاف عصا الفتيس على الوضع النورمال مفيش مشوار الا ولازم تعمل كده .... ذهبت الى الميكانيكى كشف عليها بجهاز الاعطال فقال لى الجهاز لا يعطى مشكلة الا فى حساس العمة فقط وهذا لا يؤثر على شىء ونصحنى بالذهاب الى مركز متخصص فى تصليح الفتيس الاتوماتيك والكشف بجهاز اعطال الفتيس الاتوماتيك وبالفعل حدث وذهبت بالسيارة من 6 اكتوبر الى جسر السويس وطول الطريق تنور اللمبتين وأبطل ...واتحرك ووصلت بحمد الله ولكن السيارة حلفت ميت يمين عند مركز الصيانة ان اللمبتين فى التابلوه والمشكلة متظهرش ابدا... بعد عناء ساعتين اظطررنا للكشف عليها على حالتها ... وكانت المفاجأة ...الكمبيوتر طلع خطأين الاول U0001 والثانى U0100 وقال لى المهندس ان الكنترول يونيت به خلل ولابد من تغييره
غيرت زيت الفتيس فقط بعد الكشف بالجهاز ورجعت بالسيارة ومازالت المشكلة قائمة وانا فى طريق عودتى ظليت اراقب عداد الار بى ام وعداد الكيلومتر فوجدت ان السيارة عند ال 70 كيلو او ما قبل 80 يهبط الار بى ام فجأة تقريبا وليس جازما من معدل 2500 لفة الى 1800 لفة دون ان ارفع قدمى من على الدواسة ولاحظت ذلك فى اليوم التالى ايضا..... اسف جدا على الاطالة وارجوا ان تفيدونى فى مشكلتى هذه وهل فعلا الكنترول عايز يتغير ولا ايه... ده سعره غالى اوى ...... اسف مرة اخرى على الإطالة

انصحك تروح التوكيل تشوف العطل فين و بعدين تصلح بره