الموضوع: مشورتكم..محتار انزل بعرييه من السعوديه ولا اشتري من مصر وخلاص

المشاركة الأصلية كتبت بواسطة minicooper20

قبل كل ده شوف التوكيل الهيقسطلك و يديك مالك اول شان تعرف تنزلها رسمى
مفيش حد فى السعوديه بيعملها الا حسين على رضا بتاع بيجو و ماذدا

كل الشركات بتديك مالك اول، ادفع الف ريال زياده بس، ولو ماعرفتش اي واحد تعرف شغال في مكتب ايجار سيارات اديله ٥٠٠ ريال يغيرهالك في اي وقت

مع كاااامل احترامي لراي صاحب الموضوع واغلبية المصريين المغتربين.

كفاية بقي فكر اجيب عربية وتبقي بمواصفات معينة محدودة عشان لو حبيت انزلها مصر متزعلنيش جامد فالجمارك والبنزين وقطع الغيار.

رايي الشخصي. اركب في الغربة العربيات اللي نفسي فيها وتعتبر من الاحلام اني اركبها في مصر ولما انزل مصر يحلها حلال . واجيب عربية تمشي الحال في مصر.

وعربيات الخليج لو فئات عالية مش هتنفع في مصر حتي لو عرفت تجمركها لو السعة اقل من 2000 . لان اغلب الشركات العالمية توجهت لتكنولوجيا تطلع من السعات اللترية القليلة عزم وهورس باور عالي. فلاسباب كتيرة منها البنزين المغشوش والطرق المكسرة وقطع الغيار الغالية او المضروبة مش هتخليك تستمتع بعربيتك الجامدة حتي لو ربنا وقدرك وعرفت تجمركها وتنزلها مصر.

اركبووووووو واستمتعو بعربيات اسعارها في مصر معدي الربع والنص مليون في مصر وفالخليج بسعر لانسر او تويوتا.

مشكورين عالردو وجزاكم الله خير

انا عندي نفس المشكلة تقريباً
انا عايش في السعودية وناوي انزل مصر بعد ثلاث سنوات نهائي
فعاوز اشتري عربية من هنا تكون كويسة
الكتير اقترحوا علي بيجو 508 وكما الفورد فوكس
انا اكتر عربية لا اكرهها الكورولا والسيراتو باحس ان التوكيل هنا في السعودية نصاب كبير جداً في سعرها المبالغ فيه مقارنة بالفئة بتاعتها في نفس السي سي 1600
ولكني خايف جداً من شيء جداااااااااااااااا وهو الطريق البري من نوبيع إلى القاهرة خايف يكون فيه سطو مسلح أو عصابات مسلحة زي الواحد ما بيسمع
فارجو الافادة لمن جرب هذا الطريق من ميناء ضبا الى ميناء نوبيع الى القاهرة
ولكم جزيل الشكر والتقدير

انا عندي نفس المشكلة تقريباً
انا عايش في السعودية وناوي انزل مصر بعد ثلاث سنوات نهائي
فعاوز اشتري عربية من هنا تكون كويسة
الكتير اقترحوا علي بيجو 508 وكما الفورد فوكس
انا اكتر عربية اكرهها الكورولا والسيراتو باحس ان التوكيل هنا في السعودية نصاب كبير جداً في سعرهم المبالغ جدا فيه مقارنة بالفئة بتاعتها في نفس السي سي 1600 يعني مثلاً الكورولا 2015 الهاي لاين هنا عاملة 72 ألف ريال وتجد الفورد فوكاس الهاي لاين وكماليات اعلى منها عاملة 65 الف ريال وتجد الرينو الفلوينس الهاي لاين عاملة 66 الف ريال ومعاها خدمة ما بعد البيع مجاناً لغاية 10000 كيلو
ولكني خايف جداً من شيء جداااااااااااااااا وهو الطريق البري من نوبيع إلى القاهرة خايف يكون فيه سطو مسلح أو عصابات مسلحة زي الواحد ما بيسمع
فارجو الافادة لمن جرب هذا الطريق من ميناء ضبا الى ميناء نوبيع الى القاهرة
ولكم جزيل الشكر والتقدير

سامحني اخي
الغريب أعمى حتى لو كان بصير
ولا تنسى انه معي اسرتي كامله زوجة وثلاث بنات صغار في العمر
ولكن ما اقوله هو ما سمعته عن هذا الطريق في الوقت الحالي
وعلى العموم اشكرك جزيل الشكر على تعاونك والله يكرمك
تقبل مني كل التقدير والود