دراسه جدوى لمشروع تفريخ بيض

**prof2013** · 24-08-2014 07:08 PM

طبعا زي ما كلكم عارفين اني عملت حادثه بالاسكوتر
فقررت ابيعه لقيت نفسي هخسر فيه والناس عماله تبخس في سعره
ففكرت في البدل بحاجه تانيه بنفس سعره فعثرت على واحد عارض مكنه تفريخ بيض تمنها 6 الاف جنيه
................................
ودي مواصفاتها ....
ماكينة تفريخ اوتوماتيك بمكونات ايطالية سعة 3000 بيضة
شاشة الحرارة والرطوبة أوتوماتيك
يوجد عدد 2 مروحة جانبية
يوجد عدد 2 سخان 50 سم للواحد
يوجد 1 تروللي 3000 بيضة
يوجد 39 قفص تحضين
يوجد 39 صندوق تفريخ بيض
استعمال 6 شهور فقط وبحالة ممتازة
.................................................. ......
طبعا الماكينه تقدر تحط فيها بيض بط ووز وديك رومي مش فراخ بس

...
عايز اعرف هل فيه حد عمل مشروع زي كده ؟ وهل هو مربح ؟ وايه الحل الامثل لانقطاع الكهرباء ؟ هل يمكن شراء مولد في حدود 700 ج تستخدم فقط للماكينه لا لشيء اخر
ايه المطلوب بالظبط في مشروع زي كده حتى يمكن تفادي الخسائر باكبر قدر ممكن

مع ملاحظه اني محيلتيش غير الاسكوتر والف جنيه في الوقت الحالي بجانب الوظيفه
وبالمناسبه هل 6500 ج سعر مناسب لهذه الماكينه ؟؟؟؟

**prof2013** · 25-08-2014 07:47 AM

للرفع

**islam_lee** · 25-08-2014 08:25 AM

بيض إيه يا باشا .. هي البلد ناقصه بيض ,,
أعمل مشروع "تبن" .. أهو برضو البهايم كتير و مش هتخسر ..
بهرج معاك .. يا ريت ما تئفش ^^! ,,

بص يا باشا ..
المواصفات إل إنته بتحكي فيها ..
هتحتاج تسرق كهربا علشان تشعلها ..
و حسب أعتقادي هتشكلها بشكل دائم ..
و بالنسبه لمولد الـ 700 .. ده ما يشغلش مروحه ستاند ,,
محتاج واحد حلو كده 3500 و انته طالع ,,
و هتصرف عليه بنزين زي الرز ..
------
عايز تعمل مشروع ناجح ,,
شوف انته بتفهم كويس في إيه ..
برمجه . رسم . ديزاين .لغات .غيره ..
ممكن تستسمر في نفسك .. مش لازم مشروعك يبقى على الارض ..
مثلا ً انته راجل غاوي برمجه و ماجالكش منها قرش ..
الـ 6000 .. دول تاخد بيهم الـ mcpd ..
6 شهر .. الدوره تخلص من هنا تلاقي الشركات التقيله طلباك من هناك ,,

لو ما عندكش موهبه ..
شوف ايه الحاجه الي مش موجوده في منطقتك و انته بتطر تروح تجبها من بعيد ..
أو إيه الحاجه الغير متوافره في مدينتك و غيرك بيروح يجبها من بعيد ..
او ايه الحاجه الموجوده في منتقتك و المنافس ليك فيها ضعيف ..

بعد شويه الفتي دول .. أحب أقولك بالتوفيق ,,

**Mido Casper** · 25-08-2014 09:15 AM

..........................................
.....................................
.............. متابع

**prof2013** · 25-08-2014 11:41 AM

المشاركة الأصلية كتبت بواسطة islam_lee

الـ 6000 .. دول تاخد بيهم الـ mcpd ..
6 شهر .. الدوره تخلص من هنا تلاقي الشركات التقيله طلباك من هناك ,,

ايه نظام الكورس ؟؟؟ وعبارة عن ايه المجال ده ؟
وهل فرصه العمل فيه موجوده بنسبه 100 في الميه ؟؟؟
والمرتبات فيها كام ؟؟
غالبا نفسي اسافر الامارات فهل المجال ده مطلوب هناك ؟

**dedi** · 25-08-2014 07:35 PM

يا باشا بيض اية وتفريخ اية حضرتك بتفهم فية
لو موش بتفهم فية يبقى بلاش احسن

**abo_hosni** · 25-08-2014 08:22 PM

رأيي من رأي اللي قالولك اشتغل في اللي تفهم فيه.

أعرف واحد بدأ مشروع تفقيس بيض و أول راس مال له ضاع في إن البيض بدل ما يفقس اتسلق

**بحار** · 25-08-2014 08:26 PM

ربنا يوفقك .. انا مع رأى الناس بلاش حكاية البيض .. كل ماكان المشروع متميز بيبقى صعب حد ينافسك فيه ..
ودى اهم حاجه .. تحياتى

**islam_lee** · 26-08-2014 09:17 AM

المشاركة الأصلية كتبت بواسطة prof2013

ايه نظام الكورس ؟؟؟ وعبارة عن ايه المجال ده ؟
وهل فرصه العمل فيه موجوده بنسبه 100 في الميه ؟؟؟
والمرتبات فيها كام ؟؟
غالبا نفسي اسافر الامارات فهل المجال ده مطلوب هناك ؟

بص يا ريس ..
عارف المثل إلي بيقول .. "هيا كمياء؟؟" ,,
أهو ده كورس في حاجه أصعب شويه من الكمياء ..
ده كورس برمجه .. بس معتمد من قبل مايكروسوفت ..
ترجمه MCPD .. microsoft certified professional developer
مده 6 أشهر .. في مجالين Desktop , Web ..
هتخلصه من هنا .. الشركات هتطلبك من هناك ,,
و البرمجه ميزتها .. و أنته في بيتك ,,
ممكن تبقى شغال عن بعد ..

**prof2013** · 26-08-2014 10:23 AM

المشاركة الأصلية كتبت بواسطة islam_lee

بص يا ريس ..
عارف المثل إلي بيقول .. "هيا كمياء؟؟" ,,
أهو ده كورس في حاجه أصعب شويه من الكمياء ..
ده كورس برمجه .. بس معتمد من قبل مايكروسوفت ..
ترجمه mcpd .. Microsoft certified professional developer
مده 6 أشهر .. في مجالين desktop , web ..
هتخلصه من هنا .. الشركات هتطلبك من هناك ,,
و البرمجه ميزتها .. و أنته في بيتك ,,
ممكن تبقى شغال عن بعد ..

فين المراكز اللي بتقدم الكورس ده ؟ وهل بتدي شهاده بعد انهاء الكورس ؟
ونظام الامتحانات ايه ؟ ولو رسبت مثلا هحتاج ادفع فلوس تاني ؟