السلام عليكم ورحمة الله وبركاته
دورت كتير على خطوات تجديد تصريح (مش رخصة) تسيير السيارة ولما مالقتش روحت جددت التصريح وقولت اكتب الخطوات علشان اللى محتاجها يستفيد
كنت ناقل العربيه بإسمى من 6 شهور واخدت تصريح 6 شهور لحين ورود الملف
التصريح انتهى روحت المرور جبت ايصال كمبيوتر ب 10 جنيه واديت الموظف التصريح المنتهى وصورة منه والايصال وبعت جاب الملف وكان لسه برضه ماجاش وكتب استماره فيها البيانات ودبس فيها الوصل والتصريح وصورته وقاللى استلم التصريح بعد ربع ساعه
وفعلا بعد ساعتين روحت استنيت ربع ساعه وخدت التصريح :)
التصريح الجديد 6 شهور برضه