الالمان من كوكب تانى
رقم العضوية : 159290
تاريخ التسجيل : 24Apr2014
المشاركات : 1,938
النوع : ذكر
الاقامة : luxor
السيارة: لا يوجد
السيارة[2]: Octavia A5
الحالة :
اتفق مع كلامك جدا جدا
وانا مش عايز غير ثبات عالي جدا و متانه وأمان . . وده الألمان لعبه بالنسبالهم عشان افضل شبكه طرق فالعالم بتفرض عليهم كده و ياما شفت ناس بتشد ع الاوتوبان حاجه فظيعه يعني
خلينا نتفق ان الالمان "ما زالوا" متربعين علي عرش صناعه السيارات .
D R . A D N F A L C O N
رقم العضوية : 74446
تاريخ التسجيل : 03Jul2010
المشاركات : 1,738
النوع : ذكر
الاقامة : Hurghada
السيارة: رينو فلوانس 2015 E3
السيارة[2]: ACCENT RB 2012
دراجة بخارية: no
الحالة :
الالمان من كوكب تانى
رقم العضوية : 150464
تاريخ التسجيل : 23Oct2013
المشاركات : 1,878
النوع : ذكر
الاقامة : القاهرة
السيارة: بيجو 406
السيارة[2]: فيات128 - بيجو504
الحالة :
مين قال ان ميزة العربيات الألمانى فى الثبات فقط ؟ أبسط شىء الثبات مرتبط بالسرعة الكبيرة و السرعة الكبيرة يعنى مواتير
طريق الاوتوبان معمول سنة 1932 و هى سنة تأسيس تويوتا تقريبا
وزى ما فى حاجة اسمها مواصفات خليجى ممكن برضه الشركات الالمانى تكتفى داخل ألمانيا بمواصفات ألمانى لأنظمة الثبات و تشيلها خارج ألمانيا لبقية الدول علشان الدول دى ما عندهاش أوتوبان و لتوفير النفقات
طب نشيل الثبات من الالمانى و التكييف من اليابانى و نشوف يتبقى ايه من كل عربية
سر إنتشار اليابانى فى الخليج التكييييييييييييييييف لشدة الحرارة هو و الامريكانى
لو فى دولة تانية مش محتاجة التكييف الأولوية هتكون لحاجات تانية
رقم العضوية : 105306
تاريخ التسجيل : 26Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
الأوتوبان أول ما ابتدى كان في سنة 1929... وتويوتا انتجت أول سيارة سنة 1937
دي حقائق لا يمكن إنكارها
ده مش معناه إن اللي ابتدى الأول هو دايما الأحسن... ياريت نسيبنا من فكرة حضارة 7000 سنة والكلام اللي ما بينفعش في الحياة إلا إذا اتعلمنا إننا نستفيد من التجارب ونحسنها.. مش مجرد نفخر بيها
الياباني كان فعلا أول انتشاره في الخليج بسبب جودة التكييف + التوفير في المصاريف مقارنة بالأمريكاني
بس الياباني بيثبت نفسه دايما إنه سيارة جودتها عالية ومش معقدة ويعتمد عليها... وهو ده سبب انتشارها في العالم حتى الآن.
مع العلم بإن الياباني مش منتشر في الخليج بس .. أمريكا أكبر سوق للسيارات اليابانية في العالم...
وما تنساش إن تويوتا هي أكثر "ماركة" منتشرة في العالم بدون منازع... مع إنها ما بقتش رخيصة زي زمان.
كون إن حضرتك مش مطلع على الدنيا بره فيها إيه مش معناه إن اللي حضرتك شايفه في مصر هو الصح... للأسف قناعات السوق المصري ماشية عكس التوجهات العالمية عموما.
أدعوك إنك تدخل على موقع لكزس وتتفرج على سياراتهم والتكنولوجيا اللي فيها
Lexus - Luxury Sedans, SUVs, Hybrids, and Performance Cars (موقع لكزس أمريكا)
LEXUS (الموقع لكزس اليابان ويفضل إن حضرتك تشوفه على جوجل كروم علشان يترجم)
Lexus Deutschland (موقع لكزس ألمانيا)
وهما بكل جرءة بيقارنوا نفسهم بالثلاثة الكبار في ألمانيا
Compare Your Lexus
وياريت كمان تعدي على الموضوع ده بالمرة كمثال على تكنولوجيا موجودة في السيارات اليابانية من زمان:
http://www.nilemotors.net/Nile/353943-a.html
لتاني مرة بقولها.. أنا مش عايز حد ياخد الموضوع بحماسة لإننا ماحناش ألمانيا ولا اليابان.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 60618
تاريخ التسجيل : 01Feb2010
المشاركات : 5,992
النوع : ذكر
الاقامة : Cairo
السيارة: Renault Duster E2
السيارة[2]: Nissan Sunny EX 2010 Auto
دراجة بخارية: No
الحالة :
المستهلك بيدفع فلوس كتير سعيا وراء الجوده و الرفاهيه و الاعتماديه و ده اللي بياخده من السيارات الالمانيه الفارهه فهي الي حد كبير مضمونه و بتحافظ علي اسمها و سمعتها حتي و لو كلفها ذلك فلوس زياده في التطوير او معالجه بعض العيوب الطفيفه ان ظهرت و المرسيدس تحديدا معروفه انها سعر اعاده البيع بتاعها ممتاز طالما صاحبها محافظ عليها و بالتالي الكلام ده بيخليها دائما في المقدمه او من ضمن الأوائل علي اسوأ الفروض طالما محافظه علي سر النجاح و معاها منافسين طبعا اللي هيعرف يلتزم بمعايير النجاح دي هيقدر يثبت نفسه و ينافس و بعدين الفئات كثيره يعني مثلا يجوز يبقي في تفوق لماركه عن ماركه في فئه معينه و ابسط دليل علي ده فئه الكروس اوفر مثلا في مرسيدس مش علي الخريطه خالص و صعب تنافس الياباني مثلا اللي في الفئه دي و هكذا وبعدين مرسيدس كان لها الموديل 190 و ده لم ينجح النجاح المعتاد لمرسيدس و بالتالي مش اي حاجه بيعملوها تبقي ممتازه انما ممكن تبقي عاديه و حاجه تانيه تتفوق عليها و علي المستهلك انه يستخدم عقله في الاختيار لما هو انسب لاحتياجاته
رقم العضوية : 150464
تاريخ التسجيل : 23Oct2013
المشاركات : 1,878
النوع : ذكر
الاقامة : القاهرة
السيارة: بيجو 406
السيارة[2]: فيات128 - بيجو504
الحالة :
دا كان برضه رد فى مناقشة سابقة حول اكثر عربية اعتمادية فى حدود ال 190 الف
ودا رد حضرتك على المشاركة رقم 7 فى الوضوع دا
السؤال : لماذا تفترض عدم الإطلاع و عدم المعرفة فى المخالف لك فى الرأى ؟
أنا مش كاتب فى البروفايل بتاعى تحيزى لماركة دون الأخرى.... و إن تحمست لماركة فلى و لك ولأى شخص الحق فى ذلك طالما كان فى اطار منضبط و لولا اختلاف الاذواق لبارت السلع
تقبل سلامى وتحياتى
رقم العضوية : 105306
تاريخ التسجيل : 26Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
في الحقيقة أنا لا أفترض... ولكن ما يظهر لي بوضوح من النقاش أن هناك بعض المعلومات الأساسية مفقودة في الحوار
عفوا... أنا لا أدعي المعرفة بكل شيء... ولكن اسمحلي أن أوضح لك بعض الخلفيات التي تجعلني أثق فيما أقول :
* أنا شغوف بالسيارات منذ نعومة أظفاري (منذ أن كنت في الثالثة من العمر) ... ومتابع لصناعة السيارات منذ أن كنت في المرحلة الثانوية... ولم تنقطع مجلات السيارات في بيتي منذ عام 1989 (يعني من حوالي 25 سنة).
* قضيت طفولتي (حتى سن الـ13) في الكويت... وحاليا أعمل بالسعودية منذ 2013... وبالتالي أدرك جيدا أن السيارات ليست مجرد ما نرى في شوارع مصر.
* دخلت كلية الهندسة لحبي للسيارات - ليس إلا - وكان حلمي أن ألتحق بأحد مدارس تصميم السيارات في إيطاليا... ولكن لم يحدث طبعا نظرا لضيق ذات اليد... ومع ذلك كان لي بعض التصميمات التي أعتبرها متميزة وعلى مستوى عالٍ من الحرفية.
* تدربت في صيف 1995 في أحد مراكز الصيانة التابعة لمرسيدس.. ورأيت على الطبيعة أسلوب العمل المختلف للتعامل مع السيارات الفارهة.
* تخرجت من كلية الهندسة - قسم هندسة الإنتاج - وعملت لبعض الوقت في أحد المصانع المغذية لصناعة السيارات (على أمل أن ألتحق بأحد مصانع التجميع).. ولكن لم يحدث توفيق من الله.
* عملت في إحدى شركات الـFMCG ، ومنها تعرفت على مدى المنافسة الشرسة في الأسواق وكيف تنعكس على جودة المنتج.
* أعمل منذ حوالي 8 سنوات في مجال الجودة وأنظمتها... مما حسن كثيرا من قدرتي على التحليل وحل المشاكل.. كما اطلعت على أساليب تطوير الإنتاج والجودة وما يرافقها من مواصفات وتوصيات وأساليب عمل..
كما أن لي اطلاع قوي على مدى تطور صناعة السيارات منذ بداية إنشاء خطوط الإنتاج على يد هنري فورد ومرورا بأساليب تطوير الجودة التي طبقها الأمريكي جوزيف جوران في اليابان.. وانتهاء بنظام إنتاج تويوتا الذي يجمع ما بين أساليب الإنتاج المرنة والتي لا تنتج هوالك (Lean Manufacutring) وأساليب التطوير المستمر على الطريقة اليابانية (Kaizen)
* لي أيضا معرفة بأساليب تصنيف فئات السيارات من الناحية التسويقية (بحكم خبرة 25 سنة قراءة في مجلات السيارات والإنترنت)
* أيضا.. بحكم قراءاتي في مجال السيارات الذي أحبه بشدة.. فأنا متابع للجديد في عالم السيارات وخاصة من اللاعبين الكبار
* تابعت أخبار مبيعات السيارات حول العالم... وكيف أن الاتحاد الأوروبي وضع "كوتة" لمبيعات السيارات اليابانية في التسعينات (في ما لا يزيد عن 15% من إجمالي المبيعات السنوية) لحماية صناعة السيارات الأوروبية
* تابعت أيضا الإحصائيات السنوية لمبيعات السيارات العالمية... وكيف هوت مجموعة فيات من عرش مبيعات السيارات في أوروبا.. وكيف احتلت فولزفاجن عرش المبيعات الأوروبية
* تابعت بالتفصيل في التسعينات نزول سيارات مهمة مثل مرسيدس الفئة S وBMW الفئة 7 وكذلك سيارة أودي A8 التي كانت أول سيارة في العالم تصنع بالكامل من الألومنيوم..
وكذلك تابعت بالتفصيل نزول أول سيارة لكزس إلى الأسواق العالمية منذ أن كانت مجرد أخبار عن أن تويوتا ستصنع سيارة فاخرة... وتبعتها في ذلك نيسان مع إنفنتي.. بالإضافة إلى محاولات هوندا ومازدا إنتاج سيارات فخمة
* أتابع منذ التسعينات وعلى فترات إحصائيات الجودة للسيارات والصادرة من مؤسسة J.D. Power.. وكيف تتربع السيارات اليابانية على عرش الجودة في صناعة السيارات
ومنها أدرك جيدا الفرق بين كلمات: "جودة" - "رفاهية" - "أداء" - "اعتمادية"
* أعلم جيدا أين مواطن القوة والضعف في كل الدول الرئيسية الصانعة للسيارات.. وأدرك جيدا أن لكل سوق خصائص معينة يجب أن يدركها الصانع ليستطيع أن يحصل على حصة مرضية في السوق...
أرجو أن لا تأخذ هذا الكلام على أنه استعراض للقدرات... ولكنك طلبت معرفة الأساس الذي أبني حكمي عليه.
تحياتي لك
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 99843
تاريخ التسجيل : 20May2011
المشاركات : 1,244
النوع : ذكر
الاقامة : Shoubra Masr - 6 October
السيارة: VW Passat B5
السيارة[2]: VW Passat B5
دراجة بخارية: no
الحالة :
بسم الله ماشاء الله يا استاذ احمد البرعي Borio 1704 ربنا يزيدك من المعلومات بس معلش مجرد سؤال قوللي على براءة اختراع لليابانيين في صناعه السيارات زي مثلا الألمان اخترعوا السيارات نفسها اخترعوا نظام فرامل ال abs وأنظمة الأمان والثبات عموما واخترعوا المواتير البوكسر) بتاعت السوبارو) والمواتير ال Tsi وعندك الفيات اخترعت ال128 كأول سياره في العالم دفع أمامي وكل سيارات الدفع الامامي كلها متصممه على فكره ال 128 في الدفع الامامي ووضع الموتور العرضي وعندك السيتروين اخترعوا الكبالن كل دول برائات اختراع لصانعي السيارات الاوربيه وده اللي فاكره حاليا ده غير السوبر كارز وعلى فكره انا بحب السيارات اليابانية السوبارو فقط والتويوتا السوبرا بس لو حضرتك تذكر براءة اختراع لليابانيين في مجال السيارات اذكرهلنا بس المقصد من اللي بقوله انه لولا الألمان والايطاليين ووالأمريكان لما كان السيارات تطورت بهذا الشكل وده غير أحدث اختراع جاي للالمان قريب نظام ثبات للعربية أثناء السير بسرعه عاليه وعدت على نقره أو طلعت مطب مايأثرش على الثبات والنظام ده اخترعوا مهندس مصري من هندسه المنيا وشركات السيارات الالمانيه بتتسابق على اللي يخده الأول علشان ينزل في سيارته وياريت مكونش طولت على حضرتك وشكرا ليك
hitmangate سابقا
رقم العضوية : 105306
تاريخ التسجيل : 26Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
هو بصراحة مش عارف إزاي اليابان اللي بتطلع أكبر عدد من براءات الاختراع في العالم ممكن ما تكونش ساهمت باختراعات في العربيات
مش منطقي ... مش كده
بس معظم الاختراعات اللي حضرتك قلت عليها اتعملت في بداية القرن العشرين.. وغالبا قبل ما اليابان تفكر في الصناعة أساسا.
عموما.. اللي فاكره دلوقتي مش كتير
سوبارو أنتجت أول سيارة سيدان في العالم تندفع بعجلاتها الأربع
هوندا أنتجت أول سيارة في العالم تنعطف بعجلاتها الأربع
متسوبيشي نزلت في سيارتها باجيرو أول نظام في العالم يعمل على توزيع الحركة بين العجلات الأمامية والخلفية حسب احتياج السيارة وحسب الطريق (اسمه Super Select)
لكزس LS400 (أول سيارة من لكزس على الإطلاق) كانت تحتوي على حوالي 50 براءة اختراع لما نزلت... منها على سبيل المثال
1- دركسيون تلسكوبي يبعد آليا عند إطفاء المحرك
2- عدادات Analog تظهر بشكل طبيعي دون أن يكون هناك مؤشرات فعلا (عبارة عن شاشة)
3- حساسات للضوء تعمل على إنارة الأضواء الأمامية والخلفية عند حلول الظلام أوتوماتيكيا
4- حساسات للمطر تشغل المساحات أوتوماتيكيا
عموما... معرض طوكيو للسيارات أكتر معرض في العالم بتنزل فيه براءات اختراع في السيارات.. وبيتعمل كل سنتين مرة.. وموعده الجاي في أول أسبوع من نوفمبر 2015.
بس عندي تصحيح لبعض المعلومات عند حضرتك
اختراع السيارة التي تندفع بالعجلات الأمامية كان سنة 1904... وأول سيارة يتحط الموتور فيها بالعرض وتندفع بالعجلات الأمامية كانت "الميني" سنة 1959.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 150464
تاريخ التسجيل : 23Oct2013
المشاركات : 1,878
النوع : ذكر
الاقامة : القاهرة
السيارة: بيجو 406
السيارة[2]: فيات128 - بيجو504
الحالة :
أنا ما طلبتش أشوف ال cv بتاعة حضرتك المختلط فيها المقاس بغير المقاس و لا طلبت أعرف الأساس اللى بتبنى عليه حكمك زى ما انت كاتب
كل ما هنالك مش عايز تطلب من حد عدم التحيز و انت كاتب فى البروفايل بتاعك أفضل الماركة الفلانية و لا أفضل و بعدين تطالب الناس بعدم التحمس للماركات و لو الحوار مش عاجبك ، تأكد مرة تانية أن الأراء مش حكر على أحد
المفضلات