الموضوع: ألمانيا مهددة بفقدان السيطرة على سوق السيارات الفاخرة

المشاركة الأصلية كتبت بواسطة amr_650

متابع .. و يا رجاله مش عايزين حد يزعل من التانى و النبى :))..

و على فكره انا من عشاق الالمانى من الطفوله فى كل حاجه وقمه التشدد ليهم :) و كمان كل العربيات اللى اشتريتها كانت المانى :) .. اللهم دمها نعمه

و بالنسبه للاستاذ احمد .. انا مقيم فى جدة ,, و من المصريين اللى اشتريت الالمانى فى السعوديه زى منت بتقول كده يا دوب :)) انا اشتريت بى ام من 4 شهور .. بس الحمد لله مع انها موديل 2001 بس بحالة جيدة جدا و لحد دلوقتى مطلبتش حاجة الحمد لله .

بالنسبة للصيانه انت عارف ان السعودية صياناتها غاليا من الاساس و العمالة بتبقى وافدة زيينا فالحاجة اللى بتتعمل فى مصر ب 50 جنية انت بتعملها هنا ب 300 ريال و انت طالع .!!!

عندك مثلا ظبط الزوايا ,, اقل واحد سالت عندو كان ب 150 ريال!!!! و مانيوال مش كمبيوتر ,, لو كمبيوتر ب 300 ريال !!!,, حلفت مظابط زوايا اصلا ..

قيس على كدة بقى الصيانات العادية .. المصنعية هنا اغلى كتييييييييير من قطع الغيار .. غير كدة اللى بيفهمو فى اللامانى معدودين على الصوابع بجد ..

غير اليابانى مع احترامى - اربع كاوتشات و دراكسيون و امشى ,, تبوظ ليية اصلا !! ( استثنى اللكزس و الانفنتى ) , غير كدة اى حد بيفهم فيها لان اليابانى موجود قبل السعودية اصلا :))

من وجهه نظرى بالنسبة للسعودية , فكره السوق هو اللى بيحكم.. لو معاك اى عربيه و عدى عليها سنه بتنزل جامد حتى لو ايه ،،، الفرق فى سرعه البيع يمكن البى ام بياخد وقتة فى البيع و تقيل شوية ,, قدام للكزس بتتباع اسرع ..

استثنى برضو المرسيدس , لانها محبوبة و توكيلها محترم عن البى ام و الاودى و الفولكس .. و بياعه حلو ..

بس بامانة انا ركبت الكاميرى و الهوندا الاكورد و الماكسيما ,, و اقدر اقولك دلوقتى عن تجربة ... الركوبة فعلا تختلف اختلاف كبير ,,الالمانى فرق فعلا .

يا راجل لكزس اية ,, طيب انت شفت اليخت ( كما يسميها الاخوه السعوديين ) اللى هى ال s الجديدة !! . وهمممم وهممممممممممممممممم ما فيش عربية تقارن بيها و لا حتى الفئة السابعة نفسها .. :))))))

الكلام اللي حضرتك قلته ده دليل على إن لسه موضوع الفئة الاقتصادية للسيارات مش داخل في اعتبارنا واحنا بنقارن

يعني حضرتك اتكلمت على مرسيدس وبي إم وأودي... وفي المقابل قارنتها بتويوتا وهوندا ونيسان

والمفروض تقارنهم بلكزس وإنفنتي بس

فين الأوبل مثلا؟؟

يمكن لو ركبت اللكزس والإنفنتي يمكن تقتنع إن فيه شوية فرق

أنا شخصيا عندي مثال في العيلة عندنا...

خالي مقيم في الكويت من فترة طويلة.. وكان زيك كده .. متحمس بشدة للألماني.. واشترى أغلب عربياته مرسيدس ( مستعمل بردو ) .. ودلوقتي معاه لكزس ومش عايز أقوللك بيقول إيه على الألماني.. فعلا مش عايز اقوللك علشان هتزعل.. منه :)


خلي بالك إن ألمانيا فيها 6 ماركات مشهورة ( مرسيدس - bmw - بورشه - أودي - فولزفاجن - أوبل ) منهم 4 فاخرين ولشريحة اقتصادية غنية.
واليابان فيها 11 ماركة مشهورة ( لكزس - إنفنتي - تويوتا - هوندا - نيسان - مازدا - متسوبيشي - سوبارو - سوزوكي - دايهاتسو - إيسوزو ) مفيش منهم غير 2 بس هما اللي مخصصين للشريحة الاقتصادية الغنية... بل بالعكس.. فيها ماركتين مخصصين للسيارات الصغيرة... وده مش موجود في ألمانيا ( إلا إذا أضفنا "سمارت" ).

عايز تقارن.. قارن صح وحط كل حاجة في مكانها علشان تقدر تحكم مظبوط.



وبالنسبة للصيانة الغالية... فده أنا عارفه كويس ولامسه... وده أحد الحاجات اللي أنا شايفها تصب في مصلحة الياباني بشكل أساسي. . وأحد أسباب انتشارها

بس ليا سؤال صغير...

لو حضرتك جبت عربية ( أيا كانت ) وكنت شايف إنها مريحاك ومحققالك كل اللي حضرتك طالبه... تشتري حاجة تانية ليه؟؟


هو ده معنى الجودة الحقيقي... ولو فهمنا كويس هنعرف إن مفيش حاجة مطلقة .. ﻹن الموضوع كله نسبي.. وده اللي بيلعب عليه كل الصانعين المحترمين في العالم.



...