الموضوع: ألمانيا مهددة بفقدان السيطرة على سوق السيارات الفاخرة

تعيش شـــركات السيارات الفاخرة الألمانية سلسلة نجاحات منذ فترة وسط طفرة مبيعات تحركها الصادرات وعوائد ضخمة بينما يعـاني صناع السيارات الموجهة للسوق عمــوماً في خضم أزمة أوروبا.

لكن المراقبين يقولون إن سباق المبيعات المحتدم حيث تعهدت كل من صاحبة المركز الثاني أودي ووصيفتها مرسيدس-بنز بإزاحة بي.ام.دبلـــيو عن العرش ما أفسح المجال لتخفـيضات أسعار ضخـــمة، الأمر الذي نال من صورة العلامات الفاخرة وخلق فرصاً للمنافسة المتزايدة.

والآن يبدو أن عدداً من الأسماء الفاخرة الأصغر أو التي أعيد إطلاقها بصدد السير على خطى جاجوار لاندروفر عن طريق طرح عشرات الطرز الجديدة في مواجهة الثلاثة الكبار الذين تفقد مكانتهم بريقها بسبب انتشارهم الواسع. ومن بين الشركات الأخرى التي تقتحم حلبة المنافسة أو تخطط لذلك مازيراتي وألفا روميو المملوكتان لفيات وإنفنيتي التابعة لنيسان ووحدة فولفو المملوكة لشركة جيلي الصينية.

المشاركة الأصلية كتبت بواسطة Adnfalcon

الأخ الكريم borio
انا عارف جوده الياباني كويس جدا واتقناهم فالصناعه ع أعلي مستوي
والمقارنه اللي عملتها صحيحه تماما . . وبعشق النيسان gtr جدا جدا
وعارف اليكزس والانفنتي كويس بس مازالت المرسيدس والأودي وال بي ام يتفوقوا
ودي مش خناقه ولا جدال وخلاص او تحيز ومش تقليل للياباني اطلاقا
بس الحق يقال الألمان فالصداره يعني عايزك تصنف العربيات دي من حيث المتانه والعراقه و ك ركوبه و ثبات :
تويوتا
هوندا
مازدا
ليكزس
انفنيتي
bmw
مرسيدس
اودي
ترتيبك هيكون ازاي ؟

من ناحية الترتيب... فهو كالآتي:

مرسيدس - BMW - أودي - لكزس - إنفنتي ... دول كلهم في مستوى واحد دون ترتيب

تويوتا - هوندا - مازدا ... دول بردو في مستوى واحد دون ترتيب



وأنا قلت في أول مشاركة ليا إن الألماني فعلا على صدارة صناعة السيارات

ولكن...


نحتاج أولا إننا نعرف إيه التصنيفات اللي صناعة السيارات قايمة عليها علشان نقدر نقارن بشكل سليم


أولا.. شكل السيارة

يعني سيدان ولا هاتشباك ولا SUV.... إلخ


ثانيا: حجم السيارة

يعني صغيرة ولا متوسطة ولا كبيرة... وفيه أحجام أخرى في الوسط.. زي تحت المتوسط وفوق المتوسط.


ثالثا: الفئة الاقتصادية للسيارة

ودي عاملة للناس لخبطة كبيرة

لإن في الواقع ممكن تلاقي ماركات معروفة بإنها بتقدم سيارات لزباين أغنياء.. وأخرى معروفة بإنها بتقدم سيارات اقتصادية للزبائن الأقل من الناحية المادية


الماركتين عندهم تنوع من الأشكال والأحجام.. ويكاد يكونوا زي بعض في التنوع ده.

إنما المؤكد إنهم مش زي بعض في الأداء والرفاهية


فالمفترض إني لما أجي أقارن.. أقارن سيارتين من نفس الشكل ونفس الحجم ونفس الفئة الاقتصادية.





نيجي لجزئية تانية


هو ليه السيارات الألمانية ثباتها أعلى من غيرها؟؟؟

فيه سبب وجيه جدا للموضوع ده

ألمانيا هي البلد الوحيد تقريبا في العالم اللي توجد على أرضه طرق مفتوحة دون حد أقصى للسرعة .. ومعروفة باسم "أوتوبان Autobahn"

طيب إيه المشكلة؟؟

ده معناه إن أي واحد في ألمانيا ممكن يسوق سيارته لحد سرعتها القصوى

أي حد؟؟

أيوه أي حد..

يعني مش لازم يكون محترف؟؟

أيوه


في سوق زي ده... تفتكر المصانع اللي بتعمل عربيات ألمانية ممكن تعمل حاجة تخلي الألمان يفكروا في عربيات من بلد تانية؟؟

أنا قصدي إن السيارات الألمانية لازم تكون قد التحدي ده اللي مش موجود في بلد تانية في العالم.


وصدقني... لو فيه حدود قصوى للسرعة في ألمانيا مش هتلاقي السيارات الألمانية بمستوى الثبات العالي ده

وكمان .. السرعات العالية دي بتفرض على الألمان مستوى عالي من السلامة والأمان


على فكرة... لو شلت أجهزة السلامة وأنظمة الثبات من السيارات الألمانية مش هتفرق كتير عن أغلب السيارات العادية


والدليل على الكلام ده واقعة حصلت مع مرسيدس أول ما نزلت الفئة A في التسعينات

ومختصر الواقعة دي إن أحد إحدى مجلات السيارات السويدية عملت تقرير للمرسيدس فئة A أول مانزلت في 1997

ومن ضمن التقرير إن العربية تعمل اختبار اسمه "اختبار الوعل" Elk Test .. والغرض منه هو يشوفوا قدرة العربية على تفادي الغزلان اللي بتعدي الشوارع فجأة عندهم وبتعمل كوارث

دي كانت نتيجة الاختبار


Mercedes A Class - YouTube

فضيحة طبعا.... الكلام ده أتوقعه من ماركة نص كم وكمان تكون عربية 4×4...


مرسيدس ردت وقالت إن الـفئة A مش مصممة للاستخدام المتطرف ده.. وعلشان كده ما نزلناش فيها كل أنظمة السلامة المعتمدة في مرسيدس.


اللي حصل بعدها إن مرسيدس استدعت كل سيارات الفئة A علشان تعدلها وتركب عليها باقي أنظمة السلامة اللي موجودة في عربيات مرسيدس التانية.



ملخص الكلام... السيارات الألمانية مجبرة تكون ثباتها أعلى من غيرها... المسألة مش مجرد تميز في الأداء.


موضوع المتانة أيضا مرتبط بنفس الموضوع... خاصة في الحواذث

إنما على مستوى التشغيل الفعلي واليومي... لا أرى فرقا بين السيارات اليابانية والألمانية من ناحية المتانة والتحمل

الفرق يأتي - من وجهة نظري - من طبيعة مستخدمي السيارات الألمانية واليابانية

اللي شاري عربية ألمانية غالبا بيكون مستريح ماديا أكتر من اليابانية (فرق السعر واضح بين الياباني والألماني).. وبالتالي يقدر يصرف عليها ويحافظ عليها بشكل أفضل.


والدليل قدامي ليل نهار هنا في السعودية

السيارات الألمانية والأوروبية عموما غير محبوبة في السعودية... وبالتالي شوف حالة أي سيارة مرسيدس أو BMW مستعملة وقارنها بأي سيارة لكزس مستعملة

الفرق جاي من ناحية إن السيارة الألمانية المستعملة سعرها منخفض للغاية.. وركابها غالبا من المصريين اللي يدوب قدروا يشتروها وما بيعملولهاش صيانة

في مقابل إن اللكزس سعرها حوالي 3 أضعاف المرسيدس .. واللي راكبها بيعرف يعملها صيانة في مراكز خدمة متوفرة في كل مكان.



...