heart rate watch رايكم في الاختراع ده !!

**darkangel345** · 25-08-2014 08:42 PM

المشاركة الأصلية كتبت بواسطة MRBEBO

بصي هو انا بصيت على الموديل ده من بيورير وفعلا ملهاش شعبيه بالمقارنه ب polar او garmin حتى ملقتش ريفيوهات مشجعه عنها

المهم ممكن تكون مش عمليه او مش دقيقه acurate او انتي مش ملتزمه ب لايف ستايل فيه رياضه فعلشان كده حسيتي انها ملهاش لازمه

انا اساسا وزني زيادة حوالي 12 كيلو ومحتاج حاجة تشجعني

ربنا معاك ان شاء الله توصل للوزن إللي انت عايزه
بس انا كنت جيباها تجربة وعلي فكره اللايف ستايل الرياضي مش بيبقي للناس اللي عندها overweight بس دي بقت حاجه ضرورية لكل الناس عشان يحافظوا علي صحتهم
وانا حسيت انها ملهاش لازمة لان مقابض الاجهزة الرياضية عندي فيها حساسات بتقيس ضربات القلب و السعرات الحرارية المفقوده والمسافة .....ألخ

**MRBEBO** · 25-08-2014 09:01 PM

عندك حق لازم الرياضه تبقى من أساسيات الحياة وانا بحب اي حاجه فيها حته تكنولوجي فقولت ممكن تبقى سبب لتشجيعي + انا محتاج ساعة فلو هتفع تستخدم كساعة عادية بالإضافة لوظيفتها الاساسيه تبقى هايله بتمن ساعة محترمه جبت حاجتين بس طبعا عاوزها تبقى دقيقه مش منظر وخلاص

صحيح لو فكرتي تبيعي هتبعيها بكام ؟

**darkangel345** · 25-08-2014 10:09 PM

المشاركة الأصلية كتبت بواسطة mrbebo

عندك حق لازم الرياضه تبقى من أساسيات الحياة وانا بحب اي حاجه فيها حته تكنولوجي فقولت ممكن تبقى سبب لتشجيعي + انا محتاج ساعة فلو هتفع تستخدم كساعة عادية بالإضافة لوظيفتها الاساسيه تبقى هايله بتمن ساعة محترمه جبت حاجتين بس طبعا عاوزها تبقى دقيقه مش منظر وخلاص

صحيح لو فكرتي تبيعي هتبعيها بكام ؟

والله ما تغلي عليك من غير فلوس خالص انا مش محتجاها , بس المشكلة بقالي فترة طووووووويلة مش بستخدمها ومعرفش فين اراضيها دلوقتي

**MRBEBO** · 25-08-2014 10:24 PM

ربنا يكرمك :d وانتي ادتيني فكرة اني لو مثلا نزلت المحلات اللي في القصر العيني ممكن القيها ارخص من النت لان اكيد جوميا مش ارخص حاجة في مصر

**darkangel345** · 25-08-2014 10:35 PM

المشاركة الأصلية كتبت بواسطة MRBEBO

ربنا يكرمك :d وانتي ادتيني فكرة اني لو مثلا نزلت المحلات اللي في القصر العيني ممكن القيها ارخص من النت لان اكيد جوميا مش ارخص حاجة في مصر

لا والله انا بتكلم جد انا بحس ان احنا هنا في المنتدي كلنا اخوات وحدور عليها يارب القاها

وفعلا اسعار السوق بتبقي اقل من جوميا وعن تجربة شخصية

**MRBEBO** · 26-08-2014 12:29 AM

عندك حق انا فعلا بحس اننا هنا كلنا عيله ولما بكون متردد في اي حاجه لازم بستشير واسمع النصيحة :)

ده موضوع اتكعبلت فيه ممكن يفيد حد

Five Reasons You Should Be Using a Heart Rate Monitor

Gold's Gym

**S O P H O S** · 28-08-2014 01:11 AM

المشاركة الأصلية كتبت بواسطة mrbebo

وفيه كمان احدث حاجة

polar loop

ودي ستايلش اكتر و بتقيس عدد ساعات النوم واي نشاط بتقوم بيه وكمان ممكن تستخدم في السباحة بالاضافة للوظائف الاعتيادية وليها ابلكيشن بتتربط بيه في اندرويد او ابل ستور

دي كانت مع زميل وشوفتها وعجباه
وقالي تقريبا ب 900 وحاجة

**MRBEBO** · 28-08-2014 02:54 AM

المشاركة الأصلية كتبت بواسطة S O P H O S

دي كانت مع زميل وشوفتها وعجباه
وقالي تقريبا ب 900 وحاجة

اه هي جميله قوي وبتدي زي تصور كده عن حياتك ونومك ونشاطك وحرقك للدهون ومميزات كتيررررر وكفايه انه معاها ابلكيشن على الموبيل تشوف الداتا دي علشان لو محتاج تغير ال lifestyle بتاعك

بس لازم تشتري معاها السينسور لانها بتنزل من غيره والسينسور ليه اكتر من موديل واوبشنز مختلفه

هي ب 900 والسينسور تقريبا ب 700

**MRBEBO** · 28-08-2014 03:00 AM

موضوع قيم جدا من واحد خبرة في المجال ده

حقائق يجب معرفتها قبل شراء او استخدام مراقب نبضات القلب وعلاقتها بحرق السعرات

The Real Facts about HRMs and Calories -- What you need to know before purchasing an HRM (or using one)

Azdak's Blog - Get a Free Diet Blog at MyFitnessPal.com