heart rate watch رايكم في الاختراع ده !!

**MRBEBO** · 25-08-2014 03:11 PM

حد عنده فكرة عن ال

Heart rate monitor watch

حاجه كده ممتازة انها تشجعك على الرياضه

بتقولك معدل النبض بتاع القلب والسعرات اللي تم حرقها

وبتنبهك ان التمارين اللي بتعمله بيحرق الدهون او لا وده بيبقى نتيجة معلومات بتدخلها من عمرك وطولك ووزنك

وهل معدل ضربات القلب بتاعك اثناء التدريب كويس ولا لا وطبعا ده بتتحكم فيه من قوة التمرين

وكمان بينبهك علشان متوصلش لمعدل خطر من نبض القلب وبيديلك ملخص عن افضل يوم اتمرنت فيه وحرقت اد ايه وكده

على فكرة هي بتبقى وحدتين وحدة الساعة والوحدة التانيه باند كده بيتلبس اثناء التمرين تحت الصدر لقياس ضربات القلب

ايه رايكم في الاختراع ده

انا شوفت على جوميا لقيت موديلات كتيررررر

https://www.jumia.com.eg/sports/polar/

بس من امازون افضل واحد سعر مقابل اداء كان

Polar ft4m

Polar FT4 Heart Rate Monitor Watch (Silver / Black):Amazon:Sports & Outdoors

وده على جوميا ب 800 جنيه وسئلت عليه في توكيل بولار في مصر لقيته ب 855 ج !!

ايه رايكم وهل فيه حاجه افضل من كده بسعر احسن وهل حد ليه تجربه مع الموضوع ده

اه صحيح حد يعرف الساعة دي ممكن تستخدم كساعة عاديه اولا

يعني ممكن استخدمها علطول ولا دي اثناء التمرين فقط وبطاريتها مش مهيئة للاستخدام 24/7 ؟؟

**MRBEBO** · 25-08-2014 06:41 PM

وفيه كمان احدث حاجة

Polar loop

ودي ستايلش اكتر و بتقيس عدد ساعات النوم واي نشاط بتقوم بيه وكمان ممكن تستخدم في السباحة بالاضافة للوظائف الاعتيادية وليها ابلكيشن بتتربط بيه في اندرويد او ابل ستور

**MRBEBO** · 25-08-2014 07:04 PM

ده ابلكيشن الاندرويد

https://play.google.com/store/apps/d...olar.polarflow

**MRBEBO** · 25-08-2014 07:06 PM

الواضح كده ان مفيش حد مهتم بالحاجات دي .... :)

**darkangel345** · 25-08-2014 07:43 PM

هو مفيد اكيد انا اشتريت واحد Beurer بس الصراحة مبقتش بستعمله لان شكله كده ذي الساعات الرجالي

**MRBEBO** · 25-08-2014 08:00 PM

المشاركة الأصلية كتبت بواسطة darkangel345

هو مفيد اكيد انا اشتريت واحد Beurer بس الصراحة مبقتش بستعمله لان شكله كده ذي الساعات الرجالي

اشترتيها بكام ومنين وهل هو الموديل ده

وبعد كده كنتي اشتريتي حاجه بناتي زي polar كده فيها موديلات بناتي وموديلات رجالي و موديلات تانيه بتبقى unisex صحيح انتي استفدتي منها ولا لا

**MTAK** · 25-08-2014 08:01 PM

و الله يا باشا مش حكايه الاهتمام

بس بصراحه الثمن غالى شويه على انى اعمل عد لضربات الاكل و السعرات و خلافه

دا انا ممكن اشترى الراجل بتاع الصيدليه و اخليه كل 5 دقائق يشوف ضربات قلبى بالالف و نصف بتاعه الجهاز

**darkangel345** · 25-08-2014 08:14 PM

المشاركة الأصلية كتبت بواسطة MRBEBO

اشترتيها بكام ومنين وهل هو الموديل ده

وبعد كده كنتي اشتريتي حاجه بناتي زي polar كده فيها موديلات بناتي وموديلات رجالي و موديلات تانيه بتبقى unisex صحيح انتي استفدتي منها ولا لا

اشترتها من مركز للتجهيزات الطبية عند كلية طب جامعة عين شمس الموديل ده
PM 45
وكانت ب 250 جنيه انما إللي كنت عايزاها كانت ب700 وللاسف وقتها مكانش فيه إلا الموديل ده المتواجد قلت اجرب دي الاول لو استفدت منها ابقي اشتري التانيه من الامازون
وبصراحة لقتها ملهاش لازمة

**MRBEBO** · 25-08-2014 08:28 PM

بصي هو انا بصيت على الموديل ده من بيورير وفعلا ملهاش شعبيه بالمقارنه ب polar او garmin حتى ملقتش ريفيوهات مشجعه عنها

المهم ممكن تكون مش عمليه او مش دقيقه acurate او انتي مش ملتزمه ب لايف ستايل فيه رياضه فعلشان كده حسيتي انها ملهاش لازمه

انا اساسا وزني زيادة حوالي 12 كيلو ومحتاج حاجة تشجعني