الفلوانس 2015 نزلت ولا لسه
و كمان الفئه اللي 178 فيها فتحت سقف و فتحات تكييف في الخلف ولا لا؟؟
عرض للطباعة
الفلوانس 2015 نزلت ولا لسه
و كمان الفئه اللي 178 فيها فتحت سقف و فتحات تكييف في الخلف ولا لا؟؟
كل العربيات الان ترخيص ٢٠١٥
و الفئه المذكوره بها فتحه سقف ... و فتحات التكييف الخلفيه موجوده من الفئه الى ب ١٧٠
تحياتى ...
الشكر ليك ...
العربيه اجمالا ممتازه جدا ...
اداء و تسارع قوى ... و موضوع انها مش بتاعه جرى ده اى كلام و ليس عن تجربه ... او يمكن الكلام على الشكل القديم موتور اخر ١١٠ حصان و جير عادى مش cvt ...
العزل ممتاز ... لسه صديق لى جايب سيراتو ٢٠١٥ وملاحظاته المبدئيه صوت الهواء ملحوظ جدا فى الصالون ... جربت العربيه و لقيت فعلا العزل غير جيد و مقارنه بالفلوانس ان عزلها ممتاز ...ايضا كنت متصور ان موتور السيراتو اقوى بحكم انه ١٢٦ حصان مقابل لل ١١٥ للفلوانس .. فلقيت ان اداء الفلوانس اجمالا لا يقل عنها و يمكن افضل كمان :)
التكييف ممتاز و مش مؤثر على الاداء ... العفشه ناعمه و القعده مريحه جدا ...
اجمالا عربيه بعد ١٠ شهور و ٧ الاف كم ... ممتازه جدا فى الفئه بتاعتها ... مع الاخز فى الاعتبار ان معى جنبها الصنى ٢٠٠٧ و السى ٢٠٠ ...
لو عاجباك شكلا و موضوعا ... لا تتردد ...
تحياتى ...
شكرا على مداخلتك ...
انا طبعا بسمع كل الكلام ده ... لكن الحقيقه فين .. الله اعلم :)
و انا شخصيا اعتقد ان كل الارقام سواء اوروبى او اسيوى مفترض تكون و الموتور خارج اى عربيه ...
لكن خير دليل التجربه العمليه ... لان اغلب الردود فى الموقع مبنيه عن فقط السمع و كلام الناس و اغلبه غير دقيق !!!
تقبل تحياتى ...
بشمهندس صفوت،
أسمحلى برده أضيف تعليق بسيط....بغض النظر أن مكتوب أن موتور السيراتو 130 حصان عند 6300 لفة فى الدقيقة و موتور الفلوانس 115 حصان فقط ....لو ركزنا كويس فى العزم وده مقياس أدق.. هنلاقى عزم موتور الفلوانس 155 نيوتن متر عند 4000 لفة فى الدقيقةو عزم موتور السيراتو برده 155 نيوتن متر عند 4850 لفة فى الدقيقة!!! و ده بيوضح ليه حضرتك محستش أن فيه أى فرق فى المواتير بين العربيتين.....
الكلام ده ينطبق على غالبية المواتير ال 1.6 لتر اللى موجودة فى السوق زى الألنترا و الأسترا و الكورولا و باقى فئة العربيات ال C segment بغض النظر هما كاتبين كام حصان...ما عدا طبعاً المواتير التربو.....
باقى فرق إحساس السرعة بتاخده من الaerodynamics بتاع العربية....نوعية الجيربوكس و مدا تناغمه مع الموتور...ال drag coefficient بتاعها....وزنها...أرتفاعها عن الأرض....عرض مداس العجلات و خلافه...
تحياتى