باركولى تم الترخيص واثبات الموتور الجديد
السلام عليكم ورحمة الله وبركاته
الحمد لله تم اليوم استلام الرخصة الجديدة وتم اثبات الموتور الجديد وهذا بعد عناء وسفر الى مرور المنصورة لثلاثة مرات اول مره سافرت كنت اعمى معرفش حاجة روحت قابلت موظف الشباك قال الملف غير موجود ارجع الاسماعيلية هات رقم الصادر وتعالى رجعت الاسماعيلية جبت رقم الصادر ورقم الطرد وكان فى 2014/4/8 وروحت لموظف قال انزل البوستة تحت شوف الملف وصل ولا لاء نزلت بالبحث قال الموظف الملف وصل واستلمة الاستاذ محمود فرحت وجريت ابحث عن محمود لاقيته هو الشخص اللى رجعنى اول مرة مكنتش اعرف اسمة قللة انا نزلت قال محمود اللى استلم الملف مين بقى محمود قال انا محمود هات الورق وطبعا لازم يتغمس
قعد يدخل ويخرج قال فيه شوية ملفات كدا حدور فيها لو ملقتهوش حنروج للاستاذ صبرى فى الشباك بس شوفه قلت ماشى دفعت 40 جنية اتراضو مع بعض ركنى الاستاذ حتى الساعة 2.20 وفى النهاية اعطانى مطابقة البصمة وشهادة بيانات للشهر العقارى وقلق من شهادة بيانات الموتور قلت يعنى البصمة مش كفايه على اساس ان هما اهل اختصاص قالو اه تمشى وروحت مرور فايد افحص مشيت ومشيت الى ان وصل الملف الى صمام الآمان فى مرور فايد الاستاذ ابو العباس فعلا دا صمام امان مرور فايد قال لا زم شهادة بيانات موتور من المنصورة مع انى زعلت بس فعلا لاقيته صمام آمان فعلا ربنا يكتر منه فى البلد دى رجعت المنصور قلت هات من الآخر وضحى ب50 جنيه وروحت للموظف قلت ليه عاوز كذا كذا قال ماشى كنت بامليه وهو بيكتب وروحت طبعت الشهادة وغلفتها وروحت النهاردا خلصت ونصف ساعة كنت مستلم الرخصة والحمد لله **
احب اشكر الاستاذ: احمد (secondhand) الراجل المحترم اللى بعث الروح فى موضوع اثبات الموتور حيث ساعدنى فى التوصل الى المرور التابع لها السيارة له منى جزيل الشكر وخالص العرفان بالجميل**
اشكر الاستاد وليد الراجل المحترم كنت حاسس ان قلبى معايا وبيتابع موضوعتى فى حال البحث عن الموتور جزاه الله كل الخير
كما اشكر كلا من :حسن الشيخ (حسن محمود) استاذ ابانوب سامى استاذ ايمن 616 الناس دى كانت بتسال عليا فى محنتى جزاهم الله عنى خير الجزاء**