عرض للطباعة
السلام عليكم ورحمة الله وبركاته
انا عايز اشتري عربيه جديدة من الزيرو ومحتار بين لوجان او انفى او ايمجراند
انا بسافر كل يوم 250 كيلو ومحتاج عربيه تستحملنى فى حدود 80 الف بس
ياريت قطع الغيار تكون رخيصة ومنشرة علشان ملفش عليها وكويسه فى السفر وثابتة فيدونى افادكم الله
فكر فى byd
ايمجراند
اي حاجة هتكون افضل من الصيني
أكيد لوجان
اكيد لوجان
ولا واحدة من التلاتة تنفع للسفر فكر هيونداى النترا ممتازة فى السفر
اللوجان معايا بقالها 5 سنين وكل يوم بمشي بيها اكتر من 100 كيلو وزي الفل لسه على 90% من حالتها وهي زيرو
الان اكتر من 136 الف كيلو ولسه زي ما هي
اللوجان الجديدة هي القديمة في كل حاجه ماعدا الشكل الجديد والكماليات الاعلى والامان الاعلى
الايمجراند منصحش بيها لمشاكل في العزل وظهور الصدأ في بعض العربيات موديل 2014
لو عايز في دماغك بديل كويس واعتقد زي اللوجان في الاعتمادية يبقى ال byd f3 التاكسيات عامله عليها 200 الف كيلو زي الفل وقطع غيارها رخيصة
راي لوجان او بي واي دي
لو الايموجراند اللي بتزل في مصر هيه هيه نفس النسخه اللي بتنزل اوروبا كنت هقولك هاتها
بس في مثل عندنا بيقولك تغور من وش غبور
سيبك من وجع القلب عربية لسه جديدة في السوق والصيني عمتا مش بتاع شغل كتيير وضغط
اللوجان متجربه بقالها فوق ال 5 سنين وناس معديه بيها ال 300 الف كيلو وماشيه زي الفل
كفايا انك بتركب نفس النسخه اللي بتنزل في اوروبا امان اوبشن وسع داخلي عاليه عن الارض ثبات ممتاز عربية ممتازة بالنسبة لسعرها