السلام عليكم ، الحمد لله تم قبولي في كلية هندسة اتصالات و الكترونيات في جامعة مصر الدولية ، فدي اول سنة ليا بعد الحياة المدرسية و الثانوية العامة فمحتاج نصائح ازاي اتعايش مع الجو اللي هناك و ازاي اوصل لدرجات عالية و ميوصلش بيا الامر اني عايز انجح و بس و الحياة الاجتماعية برضو مهمة و ازاي اقدر اوفق بين دراستي و حياتي
معلش اسئلة كثير بس قلقان جو جديد عليا برضه ، و الناس اللي خريجين القسم ده ايه فرص الشغل من المجالده بعد كده ؟
تحياتي.....
ألف مبروك، كل اللي عليك تعمله إنك تبعد عن آي حد تحس إنه لُعبي او بتاع مشاكل، لإن هما دول اللي فعلا بيضيعوا اي حد داخل الجامعة ونفسه فعلا يتعلم ويتفوق. خلي بالك هندسة كلية مش سهلة، ومش صعبة قوي في نفس الوقت، يعني تذاكر اول باول وربنا يوفقك. وعيش حياتك برضوا واتفسح واخرج واعمل كل اللي نفسك فيه. انا كنت سمعت ان حتى في رحلات طلبة بتلطع لاوروبا، لو لقيت حاجة ذي كدة ما تترددش تسافر، منها فسحة ومنها تعمل تاريخ سفريات (بينفع قوي في المستقبل لو حبيت تسافر تاني خصوصا اوروبا وامريكا)
شد حيلك وربنا يوفقك
ألف مبروك، كل اللي عليك تعمله إنك تبعد عن آي حد تحس إنه لُعبي او بتاع مشاكل، لإن هما دول اللي فعلا بيضيعوا اي حد داخل الجامعة ونفسه فعلا يتعلم ويتفوق. خلي بالك هندسة كلية مش سهلة، ومش صعبة قوي في نفس الوقت، يعني تذاكر اول باول وربنا يوفقك. وعيش حياتك برضوا واتفسح واخرج واعمل كل اللي نفسك فيه. انا كنت سمعت ان حتى في رحلات طلبة بتلطع لاوروبا، لو لقيت حاجة ذي كدة ما تترددش تسافر، منها فسحة ومنها تعمل تاريخ سفريات (بينفع قوي في المستقبل لو حبيت تسافر تاني خصوصا اوروبا وامريكا)
شد حيلك وربنا يوفقك
خلاص رسيت واستقريت علي miu يبقي ربنا يكون فعونك
هقولك سر بسيط يضمنلك مش النجاح وبس . . دا يضمنلك التفوق وشويه تركيز هتبقي من الأوائل . . بإذن الله . . ودا مفروض يكون هدفك
لو عوزت حاجه ف miu ابعتلي ع الخاص ليا ناس هناك
بالتوفيق يابشمهندس
ذاكر كل يوم و أول بأول . . هتلاقي نفسك من الأوائل لو عملت دا بتركيز وبدون ملل أو كلل
تقديرك لو عالي جدا هيساعدك تلاقي وظيفه محترمه بسهوله
الله يبارك فيك و انا مبحبش الناس اللعبية من و انا صغير بحس انهم هيودوني في داهية ، عموما انا المذاكرة مفيش منها مشاكل ادام حاسس ان في تقدماقتباس:
المشاركة الأصلية كتبت بواسطة mcomics
بس سمعت انك مش بتبقى بتاخد منهج زي الدراسة كده لا بيبقى المعظم بيعتمد على ان الواحد يبحث و يدور من المراجع و الكلام ده مش عارف بقى ايه الموضوعانا بس اللي قالقني من هندسة الرياضيات مبحبهاش و بخاف منها جدا معرفش الوضع هيختلف في الكلية و لا لأ لأن المدرسين عقدوني في المادة دي اصلا و ربنا يسترها و كمان مصر الدولية صعبة و النظام عندهم صعب بس اللي عرفته ان المتخرج من هناك بيبقى فعلا كويس و كفاءة
شكرا لنصيحتك و ربنا يجعله في ميزان حسناتك
شكرا على النصائح و ان شاء الله هبعتلك قبل ما ادخل الكلية استفسر منك ، في ناس كثير قالت لوالدي ان هندسة تقيلة و هلاقي نفسي غير بتوع الكليات التانية زي البزنس و الالسن و الكلام ده و هبقى هلكان ، انا اللي خايف منه اول سنة لأن برضه بتبقى اول انطباع للواحد و بيبان الطالب الكفء من الطالب العادي و كمان اول سنة مش بندرس فيها اي تخصص زي ما سمعت كلها كيمياء و فيزياء و رياضيات اللي بكرها من و انا صغير و سبحان الله دخلت علمي رياضة و هندسة ازاي معرفش ، ربنا يستراقتباس:
المشاركة الأصلية كتبت بواسطة adnfalcon
طالب كفؤ وطالب عادي دي بتتحدد حسب انت بتذاكر أو لأ
علي فكره دفعتنا كانت مليانه ناس جايبين فوق ال 95 % ومحصلوش صيدله ودخلوا miu
تخيل واحد صاحبي هو اللي طلع أول الدفعه . . كان جايب كام ف ثانويه عامه ؟ ؟ ؟ 88% !!!!
معني كلامي ان ثانويه حاجه و جامعه حاجه تانيه خاااالص
جمد قلبك يابشمهندس كده وادخل الجامعه بكل ثقه محدش أحسن منك لأن الدفعه كلها بتبدأ من "الصفر"
يا باشا متخفش
انتا بس امسك سلم ابجامعه و هتلاقى الحياه ظبطط لوحدها
ذاكر اول باول واجتهد فى الكليه
بس طالما مش بتحب الرياضيات ليه مدخلتش قسم مدنى او معمارى
واللى اعرفه ان التخصص بعد اول سنه اعدادى
الا بقى لو الجامعات الخاصه ليها نظام مختلف
ما هو انا حابب الحاجات التكنولوجية اكثر و اول سنة بتبقى اعدادي فعلا لأن عرفت اني بدرس فيزياء و كيمياء و رياضيات و برمجة و التخصص من ثاني سنة بس بتختار تخصصك من السنة دي لأن اظن ان في بعض المواد بتتحط بيبقى ليها علاقة بالتخصص دهاقتباس:
المشاركة الأصلية كتبت بواسطة amr011111
بلاش اتصالات ملهاش مستقبل فى مصر ولا فى الدول العربية . صحابى خريجين اتصالات و شغالين فى شركات اوت سورس لفودافون ب 800 جنية . مدنى احسن 100 مرة
متسيبش محاضرة او سكشن الا في ظروف قاهرة حتى لو مش فاهم منهم حاجة
الف مبروك على الكلية ..متقلقش خالص من اى حاجة هو طبعا فيه فرق بين المدرسة و الثانوية العامة و الجامعة بس متقلقش هتتعود بسرعة وهتخش في الجو
انا على فكرة لسه متخرج السنادي من كهربا باور وكنت زيك كده مش عارف حاجة :d .... اهم حاجة بس تشد شوية ف اول سنة عشان انت طبعا خارج قرفان و زهقان من الثانوية والدروس وكدة ف هتلاقي نفسك ملكش نفس تذاكر لكن السنين اللي بعد كدة هتلاقي نفسك بتذاكر لوحدك .... وحاول متأخرش حاجة عليك عشان فجأة بتلاقي الميد تيرم بعد ما السنة
تبدأ ب شهر او شهرين و طبعا ده مهم و ب يلم درجات كتيير ..وتحاول تحضر محاضرات على قد ما تقدر لو مش هتقدر تحضر كله ...لكن السكاشن لااااااازم تحضرها كلها عشان بتكون تطبيق على المحاضرة و كمان فيها الغياب واعمال السنة
....بس كدة :d
و متقلقش ربنا معاااك ان شاء الله :)