الموضوع: احذر حساسيه اللبن عن الاطفال الرجاء الاطلاع لكل اب

عشان اطفالنا واولادنا اغلى حاجه عندنا حبيت انقل لكم هذا الموضوع من منتدى اخر تحياتى

ياجماعه ارجوكم احذروا حساسية اللبن عند الأطفال حديثي الولاده انا هحكيلكم حكاية ابني مع حساسية اللبن علشان كل ام تاخد بالها لأن مش اي حد هيعرف يشخصها

انا ابني لما كان عنده شهرين لاحظت انه بيعمل حمام فيه مخاط دم الوقت ده انا كنت برضع صناعي دوخت على كل الدكاتره اللي يقولي ده عنده مروب في معدته واللي يقولي ده عنده قرحه كل واحد ألف انا روحت عند دكاتره كبار جدا جدا وكل شويه اعمله تحليل علشان نشوف الميكروب وروحت لمعمل عملت عنده 5 تحليلات سألوني هو في ايه قولتلهم الدكتور مصمم ان عنده حاجه
في يوم لاقيتهم بيكلموني قالولي يا مدام فعلا لاقينه عنده مكروب طبعا ده كان تأليف لأني قعدت شهرين اديله مطهرات
بكلم ناس بالصدفه وباحكيلهم قالولي احنا قريبنا دكتور اطفال في لندن كلميه حكيتله قالي ده عنده حساسية لبن قولتله يعني ايه قالي يعني ماينفعش ياخد اي لبن غير لبن صويا وفعلا اديتهوله الدم وقف قالي الدكتور ده انه مسافر وان الوحيد اللي هيعرف يشخص حالة ابني هو دكتور اسمه مصطفى هدهد ده بتاع الحالات الصعبه المعقده
روحتله قالي مش هقولك اعملي التحليل بتاع حساسية اللبن لأن الحاله واضحه وشه فيه حساسيه وبينزل دم في البراز دي حساسية لبن اكيد وقالي امشي على لبن الصويا بس ربنا يستر ليه بقى ؟؟؟؟؟؟؟؟؟؟؟؟؟؟؟؟؟؟
علشان كل 10 حالات حساسية لبن في حالتين عندهم حساسيه من الصويا كمان ولو ده حصل اللبن بتاعه مش موجود غير في صيدليه واحده في مصر والعلبه ب 200 جنيه بتقعد 4 ايام بس
وفعلا شهرين ولاقيت جسمه كل حساسيه روحت للدكتور قالي دي حساسية صويا بقيت اجيبله العلبه اللي ب 200 جنيه وممنوع ياكل اي حاجه داخل فيها لبن او بيض
لحد لما جيت هنا بلجيكا وعملتله تحليل الحمد لله خف من حساسية الصويا فاضل اللبن قالولي بتروح لما يتم 4 سنين لكن هنا في بلجيكا الحياه سهله شويه الأطفال اللي عندهم حساسيه ليهم ذبادي وبسكوت وايس كريم وكل حاجه لكن طبعا في مصر مافيش اي حاجه
ربنا يحمي كل اولادكم بس خلي بالكم علشان ممكن يبقى الطفل تعبان وماحدش عارف يشخصه
وللعلم صحبتي بترضع طبيعي وابنها عنده نفس الموضوع وكان كل لما يرضع يرجع وماحدش عارف يشخصه راحت لدكتور مصطفى قالها دي حساسيه هي اتمنعت تشرب لبن او ذبادي او منتجات الألبان