السلام عليكم
اخوكم مسافر من القاهرة لمدينة فارسكور . عايز وصف الطريق من الصحراوي بالتفصيل .. انا مش ميال اني اروح زراعي علشان كله مطبات وزحمة
عرض للطباعة
السلام عليكم
اخوكم مسافر من القاهرة لمدينة فارسكور . عايز وصف الطريق من الصحراوي بالتفصيل .. انا مش ميال اني اروح زراعي علشان كله مطبات وزحمة
وعليكم السلام ورحمه الله وبركاته..
مبدئيا كده انت هتدخل دمياط وترجع تطلع منها علي فاراسكور حوالي 11 كيلو .
هتمشي في الصحراوي للاخر كانك رايح بورسعيد , وقبل ماتوصل ب 6 كيلو هتلاقي
يافطه دمياط تدخل تلف شمال في يمين وعلطول باذن الله تمشي مع اليفط لغايه ماتوصل بالسلامه
دمياط . بعد مدخل دمياط بشويه حوالي 3 كيلو هتلاقي بنزينه كالتكس . عديها . هتلاقي مطب وبعده
علطول يوترن شمال , لف وادخل يمين وعلطول لغايه ماتلاقي الطريق اجباري يمين , اوعي تتوه مني !
خد يمين ولف اول شمال وعلطول 11 كيلو تبقي في فاراسكور .
- صور البوست ده وخليه معاك او شغل الجي بي اس . توصل بالسلامه
شكرا يا استاذ فادي .... استفسار صغير انا حاخد طريق الاسماعيلية الصحراوي ? صح كدا
المسافة علي الطريق قد ايه .... عليه ردارات والسرعة القصوي 120 ولا 100
و عليكم السلام ورحمة الله وبركاته .
حضرتك هو طريق الإسماعيلية الصحراوي تمام , و هاتكمل بعد الإسماعيلية لحد قبل بوابة بورسعيد بحوالي 6 كم , زي ما أستاذ فادي وصف الطريق .
المسافة من القاهرة إلى دمياط حوالي 220 كم , و أقصى سرعة على الطريق 100 كم/ساعة .
بصراحة بالنسبة للرادارات أنا بقالي فترة ما سافرتش و مش عارف لسه موجوده ولا لاء .
و توصل بالسلامة إن شاء الله .