الموضوع: العمل الحكومي و لا العمل الخاص

المشاركة الأصلية كتبت بواسطة اسماء محمد

bekatcho
انا مذكر العضويه بتاعت حد من البيت

هيا الفكره كلها
انا ليا شغلي الخاص و الحمدلله ربحي منه زي ما قولت لحضرتك بيوقل في حدود 30 الف جنيه شهري خالص
في مقابل لو لو لو لقيت شغل حكومي اقصي مرتب ده بعد عقد 3 سنين هيبقي 1500 جنيه

انا تفكيري بقول ان لو شغلي بس استمر سنه واحد وقدرت احوش 360 جنيه الف جنيه انا بقولك تقريبي يعني
مقابل الحكومه الي هحتاج 20 سنه شغل علشان اعمل مبلع 360 الف جنيه
وده طبعا مستحيل ده الواحد بيصرف فطار في الشغل و مواصلات و شاي و جرايد يجي نصف المرتب

فهل طريقه تفكيري صحيحه ؟ وهل انا حاسبها صح ولا في معايير اخري

اولا متاسف جدا لحضرتك على وصفك بالمونث
انت تفكيرك عمليا صح جدا جدا وانا لو مكانك و90% من الاعضاء هكمل فى الخاص طبعا
وتحويشة سنة زى ما قلت عمرك ما هتعرف تعملها فى حكومة
انا فى دايما كلمة كنت بقولها لوالدتى لما كانت بتكلمنى على شغل حكومى
كنت بقولها معلش انا اسف انتى ما عرفتيش تعيشينا كويس ونحوش فلوس الا فى اخر 5 سنين من شغلك لما وصلتى لمكانه محترمة فى الشغل بدخل محترم
لكن قبل كدة كانت اية؟
الحال دلوقتى غير زمان
دلوقتى اقل بيت عيشة طبيعية فى الزمن دة عايز 2500 فى الشهر
طيب بعد سنة او اتنين او 5 مع تفاقم الاسعار
فنصيحة ركز فى شغلك الخاص واجتهد فية وطور فية
وربنا يكرمك فى كل خطوة
صدقنى دا الافضل ليك فى الزمن الى احنا فية وفى مصر

هيا النقطة الوحيدة الى فى صالح الحكومى والتوظيف ان على المعاش بتاخد مبلغ كويس
يعنى والدتى على المعاش اخدت حوالى ربع مليون
وحكومى
خالى مثلا فى شركة خاص وهيسوى معاشة قريب هياخد حوالى 500 الف
بس فى حالتك انت بتكلم فى شغل خاص ودخله 30 الف ربنا يزيد ويبارك قبل كل شى
يعنى فى سنتين تقدر تحوش مبلغ محترم جدا جدا ولو حصل اى ظروف
وحطيتة فى البنك يجبلك فوائد شهرية كويسة جدا

مبرمج وويب ديزاين ؟؟ طيب ما كده اشطا تقدر تشتغل حكومي من الصبح للساعه 2.00
وباقي اليوم تكمل شغلك في الفري لانسر
مش ع النت بردو ؟؟؟؟

من رأي المتواضع
اشتغل الاتنين
وبكده هتكون مسكت العصا من النص
اشتغل في الحكومة ودي مواعيدها اخرك الساعة 3 ايا كان الجهة اللي انت فيها
واشتغل براحتك في البيت فري لانسر
دايما بقول اشتغل شغل مضمون حتى ولو بمرتب ضعيف واجتهد في دخل اضافي
انما اشتغل شغل يوم فيه وعشرة لا .. كده هخاف افتح بيت واتجوز

امسك الاتنين احسنلك

جزاكم الله خيرا
بجد الواحد بيحس انه وسط اخواته الكبار هنا لما بيطلب معلومه او نصيحه
ربنا يبارك فيكم

أنا متفق تماماً مع الأخوة اللي نصحوك بالإثنين. الشغل في الحكومة مع الاستمرار في شغلك الحر بعد الظهر للأسباب التالية:


أولاً: شغل الـ freelance غير مضمون استمراره، ولو قصّرت مرة في الجودة أو الميعاد ممكن تخسر الشركة التي تتعامل معها في غمضة عين، وبالتالي تخسر مصدر دخلك بعد أن حصرته في العمل عبر الانترنت.. أنا أتحدث عن معرفة وتجارب لأصدقاء..


ثانياً: شغل الـ freelance سهل يطير منك لو منافس آخر قدم عرض أسعار أقل أو الشركة التي تتعامل معها نفسها قررت شيء آخر بعد فترة من العمل معها لأسباب تتعلق بأعمالها..


ثالثاً: الجمع بين الاثنين تأمين وفائدة لك. شغل الحكومة ساعات عمله قليلة وغير مجهد. فالأفضل وظيفة حكومية ثم الاستمرار في شغل الـ freelance باقي اليوم


وبالمناسبة، لي صديق كان يعمل في إحدى الشركات الحكومية المهمة في مدينة نصر وكان يحصل على مرتب 1000 جنيه سنة 2007، وكان شغله بيخلص بعد الظهر. تركه وبدأ شغل freelance وبالفعل حقق أرباح كبيرة بمتوسط ربح شهري 2000 دولار، لكنه الآن نادم بعدم جمعه بين الاثنين


لماذا؟ لأنه تزوج وأنجب وانشغل وبدأ يتخلف عن مواعيد تسليم الأعمال ففقد شركة بعد أخرى، والآن بدأ يستلف من هذا وذاك