العمل الحكومي و لا العمل الخاص

**Mecha** · 26-08-2014 11:38 AM

المشاركة الأصلية كتبت بواسطة اسماء محمد

bekatcho
انا مذكر العضويه بتاعت حد من البيت

هيا الفكره كلها
انا ليا شغلي الخاص و الحمدلله ربحي منه زي ما قولت لحضرتك بيوقل في حدود 30 الف جنيه شهري خالص
في مقابل لو لو لو لقيت شغل حكومي اقصي مرتب ده بعد عقد 3 سنين هيبقي 1500 جنيه

انا تفكيري بقول ان لو شغلي بس استمر سنه واحد وقدرت احوش 360 جنيه الف جنيه انا بقولك تقريبي يعني
مقابل الحكومه الي هحتاج 20 سنه شغل علشان اعمل مبلع 360 الف جنيه
وده طبعا مستحيل ده الواحد بيصرف فطار في الشغل و مواصلات و شاي و جرايد يجي نصف المرتب

فهل طريقه تفكيري صحيحه ؟ وهل انا حاسبها صح ولا في معايير اخري

ممكن اعرف ايه هو الشغل بتاع 30,000 شهري؟؟
ودا دخل قبل المصروفات اوبعدها
وشكرا مسبقا للرد

**omar101970** · 26-08-2014 12:05 PM

زى ما الزملاء ردو لو ممكن تشتغل فى الأتنين يكون حل وسط وتكون اخذت من كل اختيار الجوانب الكويسه وربنا يوفقك

**drcobra** · 26-08-2014 01:52 PM

انا مش هارد

**abohend** · 26-08-2014 03:24 PM

لو بتقارن بين 10 آلاف و 30 ألف كنت قلت ماشي
لكن 1500 و 30000!!!!!!!!!!!!!!!!!!!!!!!!!!!!!!!!!!!!!

الشغل الحكومي كان ميزة زمان
دلوقتي خلاص
حتى المخصصات اللي كانت مضمونة بقى فيها كلام
أرباح أتأثرت
ضم العلاوات إتلغى
حقوق عمال......مفيش أساسا
كادر مفيش
بدل تخصص...ملاليم

يبقى لزمته ايه البهدلة و ضياع الوقت و العمر

free lancer طبعاً

**bekatcho** · 27-08-2014 12:34 AM

طالما شغلك مبرمج وويب ديزاين يبقى حاول تظبط الاتنين مع بعض
انا اعرف ناس فى مجالك وكان شغالين فى نفس الوقت مصورين وكان وقتهم كله سفريات لان انت المصور بدون مواعيد
وكان مظبط شغله حلو اوى وناجح فى الاتنين
وعموما انا ممكن احتاجك قريب
لو امكن سيب وصيلة تواصل بيك علشان استفسر منك على حاجات

**eng wael** · 27-08-2014 12:52 AM

وفى السماء رزقكم وما توعدون " صدق الله العظيم
اعلم ان كل هذا اسباب ومسببات وفى الاخر محدش بياخد غير رزقه المكتوب فعليك العمل والاجتهاد وبعد ذلك الرزق كله بيدى الله
فيه ناس كتير بتحسبها بالورقه والقلم هتاخد كام وتوفر كام بس ده لا ينفع فى شئ لان فى لحظه ممكن تخسر كل شئ وفى لحظه ممكن ربنا يفتح عليك من حيث لا تدرى
اشتغل فى الحاجه اللى بتحبها واجتهد فيها واقولك على نصيحه لو عايز تثبت دخلك الخاص طلع كل شهر مبلغ ثابت لله هتلاقى ربنا رزقك 10 اضعافه بالتمام والكمال
وربنا يوفقك

**micromoud** · 27-08-2014 01:25 PM

خليك مع الحكومه أضمن و
أبرك

**اسماء محمد** · 27-08-2014 01:42 PM

جزاكم الله كل خير و اكثر من امثالكم
بارك الله لكم في علمكم

انا قررت ان اتبع الرائ في امساك العصاه من النصف

هحاول البحث عن وظيفه حكوميه و هشتغل فيها نصف وقت 3-4 ايام في الاسبوع
واستمر في شغلي كما هو و المفروض ان بجهز ليا مكتب حاليا
فيبقي 3 ايام حكومي و باقي الاسبوع في مكتبي
بحيث ابقي ضمنت مستقبلي وفي نفس الوقت لا ادعي الدنيا تتقلب عليا في اي وقت

بجد ربنا يبارك فيكم

**Karim Alaa** · 27-08-2014 02:19 PM

بص يا مان انا اكتر حد حاسس بيك و برضه شغال فرى لانسر و الحمد لله الفلوس مريحانى اوى و برضه كل الناس بتقولى مش مضمونة شوفلك شغل حكومه بس انا اصلا مقتنع انى احاول اجمع بين الاتنين لان الحكومه عدد ساعات العمل قليله و هتقدر تشوف شغلك بعد متخلص و بكده لو الشغل قصر معايا ولا لا قدر الله راح منى يبقى فى شغل تانى مش يبقى عندى 30 35 سنه و معرفش اعمل اى حاجه تانيه فهمنى ؟؟

متسيبش لا ده ولا ده مش محتاجه مقارنه لو انت شغال فرى لانسر يا برنس اشتغل الاتنين بجد و احمد ربنا انا بقى 28 سنه و المفروض اروح الجيش الاول عشان الاقى شغل حكومه يعنى مطلوب منى اضيع شغلى فعلا مقابل انى الاقى شغل حكومه لكن انت مش محتاج تعمل مقارنه من الاساس اشتغل الاتنين طبعا كل كلامى ده لو انت فرى لانسر