كنت ماشى على طريق مارينا 120 تقريبآ وهو الطريق حلو وانوار ومفتوح وزي الفل
فجأه الاقى عربيه لانوس قدام على شمالى قامت كاسره مره واحده عجل وقاطعه الشارع يعنى بقت بالعرض ما شاء الله
كنت هلبس فيها لبسه غبيه لولا انى كسرت دركسيون وعديت من ورا جمب الشنطه
وهوب الاقى صوت فرامل ودب
ابص فى المرايا الاقى الطريق وقف قولت عمل كارثه اكيد
الحمد لله ربنا سترها عشان خاطر الاطفال اللى كانو معايا فى العربيه
انا مش عارف ايه الغباء بتاع البشر دى
يعنى واحد عايز يروح يمين المفروض يمشى بسرعه معقوله ويدى اشاره ويكسر واحده بواحده
ده مش اول موقف اتعرضله بصراحه
حصل معايا كذا موقف مشابه وفى الاخر ربنا هو اللى بيسترها