-
التكيف هيجنني
السلام عليكم ورحمة الله ازيك يا بشوات اعضاء المنتدي الكرام
المشكلة باختصار ان عندي التكيف حرارة التسقيع بتاعته بتفضل تقل تقل واحتاج ازود له شحن بخمسين جنية تقريبا كل 3 شهور ومافيش حد عارف يحدد مكان التسريب فين اعمل اية
اغير السربنتينة ؟؟ ولا اغير الصباع اللي بيكون راكب فالكباس ؟؟ ولا اعمل اية افدوني ارجوكم
ولكم مني جزيل الشكر والتقدير
-
انا هقولك على حاجة حصلت معايا
التسريب البسيط كان من الجوانين اللى فوق الكمبورسر تحت الخراطيم
لو السربتينة كويسة راجع على الخراطيم
-
اكبس دورة الفريون عن حد بيفهم وهيقولك التسريب منين
-
انت محتاج تروح لصنايعى نضيف و بيفهم و عندة ضمير... متغيرش حاجة الا لما تتاكد المشكلة فين
MMamdouh
-
ده غالبا الاكسبنشن اللى جوه العربية وانا لسه مغيره بعد مادوخت وكل شوية شحن ومش لاقى مكان التسريب والحمد لله روحت لمحمد خليفة اللى عند محطة سانت تريز واتحلت المشكلة وعرفنا مكان التسريب وغيرت الاكسبنشن والتكييف رجع ثلاجة تانى
-
باشا مينفعش حد هنا يدلك علي حاجه لانه مش شايف التسريب منين لازم ترجع لصنايعي محترم يبص علي التسريب من جوه الكبوت ولو مفيش تسريب هيذطر يفك التابلوه بالكامل ويشوف التسريب من جوه من عند التلاجه وغاليا هيكون الموضوع كده لان ده اللي حصل معايا
-
الف شكر لكل من اهتم ورد على موضوع بس اروج لمين يكون فاهم ومش حراق في مصنعيته وامينن ويعتمد علية في نطاق مناطق الحرفيين حسر السويس مدينة نصر كده يعني ولكم جزيل الشكر والتقدير
-
روح للمراكبى فى جسر السويس
MMamdouh
-
-
الف شكر ياباشا يا كبير بس سعره اية ؟؟
-
السعر على قد الصنعة
على فكرة هما فتحوا فى محل جديد فى جسر السويس برضة بس قدام شوية قصاد مصنع قطونيل الناحية التانية (صف محطة كالتكس النزهة الجديدة) و اسال عن المهندس حسين
MMamdouh
-
-
الحمد لله المشكلة اتحلت كان فيه اورنج كوتش بينفس من عند الفلتر اللي راكب امام السربنتينه خلف الاكصدام واتغيرت وشكبست وشحن فريون والحمد لله مافيش اي تسريب تاني والموضوع اتكلف 200جنية حبيت انقل لكم تجربتي عشان الكل يستفيد والف الف شكر لكل من عاوني في حل المشكلة
Content Relevant URLs by
vBSEO 3.6.0 PL2