الموضوع: استفسار عن الفوركس

المشاركة الأصلية كتبت بواسطة zorg

هقولك انا
اولا الفوركس ده بحر واسع ومش زى مالناس فاكرة و الاعلانات النصابة بتقول انك ممكن تحول 100 لالف فى ساعتين و الهجص ده كله
الفوركس سوق من الاسواق المالية زى البورصة
هتحتاج من سنة ونص لسنتين عشان تتعلم بس انك تعرف تحافظ على فلوسك وتكسب حاجة بسيطة
اما لو استعجلت فتوقع الخسارة
الفوركس ملهوش قواعد ابدا القواعد هى اللى انتا بس ممكن تحطها وده بيجى من الخبرة و الوقت
عشان كده عمرك ماهتلاقى كتاب يقولك اعمل 1 و 2 و3 لان الفوركس مفيهوش 1+1 =2
الفوركس ممكن تلاقى 1+1=2 او 3-1=2 او 2*1=2
لازم هتلف وسورى فى اللفظ هتنضرب على قفاك كتير وهتتعب جامد فى الاول لانك هتلف وتجرب حاجات كتير جدا وهتلاقى حاجات كتير بتفشل وهتاخد وقت عشان تبنى قوانينك وتعرف امتى تشترى وامتى تبيع
الفوركس مفيهوش ثوابت يعنى على سبيل المثال فى اكتر من طريقة لتحليل السوق وفوق كده انتا ممكن تخترع طريقة تحليل خاصة بيك
نتكلم على الارباح و الفلوس:
1- لو انتا داخل الفوركس عشان تعمل المليون فى شهر او سنة يبقى منصحكش تدخل لانك هتخسر فلوسك
وعلى سبيل المثال:
انا مرة دخلت ب2 دولار كنت بجرب حاجة دبلتهم فى يوم ل4 دولار وتانى يوم خسرتهم
فى ناس كتير بتعمل كده فاكرين الفوركس مطبعة فلوس يدخل ب100 دولار يحولها ل3000 فى صفقة وهوب يخسرها فى تانى صفقة
الفوركس لو عايز تدخله يبقى تدخله استثمار وترضى بالربح البسيط المستمر المتراكم ومتستعجلش فيه لان مصيرك تحترف واحدة واحدة فيه
منكرش ان فيه صفقات بتبقى روعة وممكن تدبل حسابك فيها بس برضه لازم تبقى حذر ومصيرك توصل لدرجة الاحتراف اللى تخليك قادر تدبل فلوسك وتختار الصفقات الصح
-
بالنسبة للفلوس مجال الفوركس انتا ممكن تدخله من اول دولار واحد وانتا طالع بقى
انا شخصيا اثناء الفترة اللى كنت بتمرن فيها اما كنت بطمع واستعجل على فتح حساب حقيقى كنت بروح افتح حساب بدولار او اتنين واجرب فيه وطبعا اما كنت بخسر كنت برجع لقواعدى واتمرن وابحث واجرب تانى
اتمنى اكون افادتك

اولا فى كلام معين فى كلامك كويس جدا ونابع من شخص فاهم لاكن

انا هعلق على الكلام الملون

نفس السؤال اللى سالته قبل كده اشمعنا سنة واو سنة ونصف علشان تتعلم فقط ازاى تحافظ على فلوسك وتكسب حاجة بسيطة ؟؟؟؟؟ على اى اساس حضرتك حددت المده سواء انت او العضو السابق عايز حد يفهمنى

ثانيا لو انتا داخل الفوركس عشان تعمل المليون فى شهر او سنة يبقى منصحكش تدخل لانك هتخسر فلوسك ...
ممكن اعرف ايه العوائق اللى متخليش اللى داخل الفوركس يعمل المليون فى سنة ؟؟؟؟

ثالثا طيب وليه تتعب نفسك وتروح تفتح حساب بدولار ما عندك البونص اشتغل عليه


فى انتظار ردك

المشاركة الأصلية كتبت بواسطة prof2013

fxdd بحد ادنى 250 دولار

المشاركة الأصلية كتبت بواسطة zorg

وبما انك جديد وخايف على راس مالك يبقى انصحك متفكرش فى فتح حساب حقيقى افتح حساب ديمو وخد وقتك وابدء رحلة الكفاح لان المشوار امامك طويل وفى حاجات كتير لازم تفهمها وتعرف انتا هتشتغل ازاى اصلا وفيه حاجات كتير لازم تفهمها فى عمل شركات الفوركس زى الاسبريد والانزلاقات السعرية وغيره


منصحهوش بfxdd الكلام عليها كتر وناس شخصيا اعرفهم الشركة استهبلت عليهم وفيه خيارات كتير افضل
بس عموما هو لسة فى بداية الطريق واحسنله ميفكرش دلوقتى فى حسابات حقيقية

وليه اصلا fxdd فى حد مبتدى لسه تنصحوه بشركة اقل حاجة فيها 250 دولار وليه اصلا يتعامل مع شركات زى دى
هفضل اعلم فيكم لحد امتى ؟ههههههههههه

المشاركة الأصلية كتبت بواسطة zorg

بالضبط من الاخر البنوك افضل وفى الغالب بيفتح فيها اصحاب المبالغ الكبيرة عشان يضمنوا فلوسهم وارباحهم وميبقاش فيه تلاعب
اما الغلابة زييى كده بيقضوها شركات :)
-
بس صدقنى متعقدش نفسك بالمواضيع دى دلوقتى روح شوف اى حاجة افتح فيها حساب ديمو وابدء رحلة الكفاح للشهور القادمة وانتا مع الوقت هتفهم كل حاجة

المبالغ الكبيرة اللى هى كام يعنى بداية من كام ؟

وعلى اى اساس قولت ان البنوك افضل ؟؟

فى انتظار ردك

المشاركة الأصلية كتبت بواسطة 4fun14

انا بقالي 3 سنين محترف فوركس
لا انا بكسب "وحاليا كش بخسر برضه" ولا شفت حد بيكسب
اللي بيقواك انك ممكن تدبل فلوسك ده بيهجس.. اتحداه ينشر حركات حسابه ي'رينا كسبان اصلا ولا خسران
بص طالما الموضوع شعشع ف دماغك فانا هقولك كلمه من الاخر..
لو عرفت ف الديمو تكسب شهرين ورا بعض اتفضل افتح حساب حقيقي والا تباه ناوي تضيع فلوسك زي 95%من المتداولين
احسن شركه هي fxdd

طيب ليه التخبيط ده يا باشا لو عايز تتكلم اتكلم على نفسك او تجربتك ده اولا

ثانيا انت بتقول بقالك 3 سنين وانك محترف فوركس ده حتى عيب عليك انك تقول انك مش بتكسب وانت بتقول انك محترف وحتى لو محترف ما ينفعش تقول كده ومش هقولك ليه

ثالثا اذا كنت ما شوفتش حد بيكسب فده مش معناه ان مفيش حد

رابعا اللي بيقواك انك ممكن تدبل فلوسك ده بيهجس. متهيالى اللى بيهجس اللى يقول انه محترف وفى الاخر يطلع مالوش فيها

ولو عايز تقارير عندى كتير بس انا خايف اصدمك

خامسا لو كسبت شهرين متتلين فى الديمو يبقى انت لسه بردوا بتتعلم

سادسا على اى اساس قولت ان fxdd احسن شركة ممكن افهم ؟


منتظر الرد الملىء بالعصبية

المشاركة الأصلية كتبت بواسطة zorg

تبدء منين : من الانترنت واليوتيوب هتلاقى حاجات بالهبل
بكام فلوس : ولا حاجة علم نفسك بنفسك سيبك من الدورات سمارت فيجن و الهجص ده مش هتستفاد
ايه المطلوب منك: الارادة و تخصيص وقت يومى للفوركس

كلام مظبوط ولاكن الافضل انك ترشده لاكن انت كده سايبه عند نقطة الصفر
اتفضل حضرتك اقرى الكتاب ده على مهلك وركز اوى فيه ولو فى حاجة وقفت معاك ممكن تكتبها هنا

تعليم الفوركس للمبتدئين - تنزيل - 4shared


بالنسبة للمطلوب منك الارادة طبعا ودى اهم حاجة ثانيا تخصيص مش وقت يومى لاء معظم الوقت

المشاركة الأصلية كتبت بواسطة zorg

فعلا كل اللى استعجله خسروا فلوسهم
المجال صعب مش لعبة ومش مغرفة فلوس
خد وقتك وافهم كويس بدل ماتضيع فلوسك

كلام مظبوظ واحب اضيف عليه حاجة كمان

مش الاستعجال بس اللى يضيع فلوسك لاء فى 3 عناصر كمان تحب اقولهم ولا اسيبك تستنتجهم بنفسك لما تشتغل

المشاركة الأصلية كتبت بواسطة zorg

بص يازعيم
الديمو تروح تفتحه فى اى شركة
انتا بتقول تكون مضمونة عشان لو فتحت حقيقى
اصل المشكلة انك انتا لسة مش عارف هتشتغل ازاى اصلا
فالمفروض تعرف هتشتغل ازاى عشان تختار شركة تناسب احتياجاتك
بس عموما عندك حاجات كتير
انضف شركة فوركس معروفة دوكاسكوبى وده اصلا بنك سويسرى واجراءات الفتح فيه معقدة بس ده انضف حاجة واحسن حاجة تضمن فلوسك فيها
home :: Dukascopy bank sa | swiss forex bank | ecn broker | managed accounts | swiss fx trading platform
دوكا سكوبى تحس انها مغسوله ميه و صابون
حاجه فخيمه
بس تفتح حساب كبير فيها تقريبا اقل حاجة 5000 دولار وانتا طالع
وفيه بنوك تانية نضيفة زى مثل بنك دوتشيه الألمانى
وفيه بقى الشركات زى fxcm فرع بريطانيا وغيرها كتير
بس زى ماقولتلك انضف حاجة لاصحاب المبالغ الكبيرة دوكاسكوبى

ههههههههههه دوكاسكوبي ؟ الراجل لسه في اول الطريق
اذا كان احنا مش عارفين نفتح حساب فيها لقله راس المال اعتقد هو من الناس الغلابه زينا بردو ولا هه
انصحك باكسنس في الاول ولما يبقى مستواك متوسط انقل على اف اكس دي دي ولما تبقى محترف ومعاك سبوبه حلوة انقل على دوكاسكوبي بدون تردد

المشاركة الأصلية كتبت بواسطة lolnk

طيب ليه التخبيط ده يا باشا لو عايز تتكلم اتكلم على نفسك او تجربتك ده اولا

ثانيا انت بتقول بقالك 3 سنين وانك محترف فوركس ده حتى عيب عليك انك تقول انك مش بتكسب وانت بتقول انك محترف وحتى لو محترف ما ينفعش تقول كده ومش هقولك ليه

ثالثا اذا كنت ما شوفتش حد بيكسب فده مش معناه ان مفيش حد

رابعا اللي بيقواك انك ممكن تدبل فلوسك ده بيهجس. متهيالى اللى بيهجس اللى يقول انه محترف وفى الاخر يطلع مالوش فيها

ولو عايز تقارير عندى كتير بس انا خايف اصدمك

خامسا لو كسبت شهرين متتلين فى الديمو يبقى انت لسه بردوا بتتعلم
تمام مظبوط كلامك

سادسا على اى اساس قولت ان fxdd احسن شركة ممكن افهم ؟

منتظر الرد الملىء بالعصبية

لانها تعتبر من افضل شركات الماركت ميكر رغم بعض العيوب فيها زي الرافعه الماليه والريكوت والاسبريد احيانا لكن على النقيض حلوة لرؤوس الاموال البسيطه وخاصه لو مسجل تبع وكاله عربيه بحيث يحلولك اي مشكله تواجهك مع الشركه