والدتى أنطوائيه

**abo el naga** · 26-08-2014 03:08 PM

المشاركة الأصلية كتبت بواسطة a7medsh3rawi

الجواز دا حوارات كتير وملهاش اول من آخر وعايز واحد عنيه فى نص راسه
وخلى بالك اوعى تقف بين الطرفين وتعمل حكم بينهم
هتبقى انت العدو والكل هيقف قصادك
انا كنت شويه اقف مع اهلى وشويه اقف مع اهل خطيبتى
يقولولى انت متردد وبتغير كلامك ومش عارف تاخد موقف
وبعد كدا كبرت دماغى لغاية ما المشاكل كبرت وانفصلنا
ويقولولى انت سلبى وما بدافعش عننا قصاد اهلك
الاهل وخصوصا الام لو ما كانتش تاخد وتدى معاهم فى الكلام وتحبهم
هيخافوا على بنتهم وهيتلككوا على اى حاجه ويفركشوا الجواز
لان عندى الاب والام منعزلين عن العالم الخارجى وعلى اد الاقارب وبس
كان الله فى عون العزاب واللى مقبلين على الجواز

شكرا ياباشا عاللرد
طب ده بالنسبه لاهل العروسه
طب لو الوضع مختلف وافترضنا ان اختى اللى هتتخطب وامى انطوائيه مش على اتصال بأهل عريسها هل ده ممكن يتسبب فى مشاكل خصوصا مع ام العريس .؟

**hesham fawzy h** · 26-08-2014 08:55 PM

بص يا ابو النجا بية .. دى امك وانت عارف طبعها من زمان .. و الطبع دة مش هيتغير على حسب كلامك .. فانت لو روحت خطبت واحدة لو بتحبك هتتفهم الموضوع و هتقدر تتعايش معاه .. ولو متفهمتش الموضوع يبقى متلزمكش . و شوووف واحدة غيرها ... وربنا هيكرمك ان شاء الله فى الدنيا و الاخرة

**a7medsh3rawi** · 27-08-2014 10:35 AM

المشاركة الأصلية كتبت بواسطة abo el naga

شكرا ياباشا عاللرد
طب ده بالنسبه لاهل العروسه
طب لو الوضع مختلف وافترضنا ان اختى اللى هتتخطب وامى انطوائيه مش على اتصال بأهل عريسها هل ده ممكن يتسبب فى مشاكل خصوصا مع ام العريس .؟

الوضع هيختلف مع أهل العريس لان كل اللى يهم العريس ان العروسه تكون راضيه عنه
وأهله عايزينه يكون مبسوط ومرتاح وهيبقى الاتصال ما بين الاهل وبعضهم مجرد اتفاقات وطلبات والتجهيزات بتاعت اى فرح ومعروف ان ام العروسه طلباتها كتير وتزن على ودان بنتها ان اشمعنى اخواتك وصحباتك جالهم حاجات اكتر منك وانت ليه مش زيهم والحوارات دى
فطالما والدة حضرتك مالهاش في الكلام دا يبقى ان شاء الله مش هيحصل مشاكل مع اهل العريس

**Abo Yasso** · 27-08-2014 03:39 PM

انت حلم كل فتاه
وكمان يا بختك هتريح دماغك من وجع الدماغ
وعلى فكره اعتبر ده حسد

**S O P H O S** · 28-08-2014 01:22 AM

فرأي متحولش تغير الوضع ده لانه صعب يتغير
اقرب الحلول تخلي والدتك تختار هي العروسة

**abo el naga** · 28-08-2014 03:39 PM

المشاركة الأصلية كتبت بواسطة hesham fawzy h

بص يا ابو النجا بية .. دى امك وانت عارف طبعها من زمان .. و الطبع دة مش هيتغير على حسب كلامك .. فانت لو روحت خطبت واحدة لو بتحبك هتتفهم الموضوع و هتقدر تتعايش معاه .. ولو متفهمتش الموضوع يبقى متلزمكش . و شوووف واحدة غيرها ... وربنا هيكرمك ان شاء الله فى الدنيا و الاخرة

شكرا يا باشا عالرد
وكلامك مظبوط طبعا

**abo el naga** · 28-08-2014 03:39 PM

المشاركة الأصلية كتبت بواسطة a7medsh3rawi

الوضع هيختلف مع أهل العريس لان كل اللى يهم العريس ان العروسه تكون راضيه عنه
وأهله عايزينه يكون مبسوط ومرتاح وهيبقى الاتصال ما بين الاهل وبعضهم مجرد اتفاقات وطلبات والتجهيزات بتاعت اى فرح ومعروف ان ام العروسه طلباتها كتير وتزن على ودان بنتها ان اشمعنى اخواتك وصحباتك جالهم حاجات اكتر منك وانت ليه مش زيهم والحوارات دى
فطالما والدة حضرتك مالهاش في الكلام دا يبقى ان شاء الله مش هيحصل مشاكل مع اهل العريس

شكرا يا باشا عالرد
الحمدلله كده اطمنت بخصوص اختى لان أمرها يهمنى أكتر

**abo el naga** · 28-08-2014 03:40 PM

المشاركة الأصلية كتبت بواسطة abo yasso

انت حلم كل فتاه
وكمان يا بختك هتريح دماغك من وجع الدماغ
وعلى فكره اعتبر ده حسد :copy of new:

هههههه تسلم يا باشا عالرد
انا كده هتغر وهفكر اخطب من بكره ههههههه

**abo el naga** · 28-08-2014 03:42 PM

المشاركة الأصلية كتبت بواسطة s o p h o s

فرأي متحولش تغير الوضع ده لانه صعب يتغير
اقرب الحلول تخلي والدتك تختار هي العروسة

شكرا يا باشا عالرد
أنا مش هحاول أغيره لان ده طبع امى لكن هحاول اخليها تقعد مثلا مره يوم الخطوبه وتحضرلها عزومه مثلا وبعد كده براحتها بقى وابقى انا افهم الطرق الاخر على ان ده طبعها وده لا يقلل منهم او مش معنى كده انها واخده موقف منهم
ووالدتى مينفعش تختار هيا العروسه لان زى ما قولت هيا انطوائيه وملهاش علاقات كتير

**Abo Yasso** · 28-08-2014 04:02 PM

بص يا باشا
انت ان شاء الله لما ربنا يكرمك ببنت الحلال تقعد معاها وتفهمها واحده واحده كده ان ده طبع ولدتك كده واكيد برضو اختك ممكن تلمحلها وانت اصلا كده كده فى فتره خطوبه اللى هى تعارف هتعرفوا طباع بعض ومش انتو بس دى كمان الاسره كلها وتفهمهم
ولازم تفهمهم لآن ده حقهم انهم يكونوا فاهمين ولدتك صح وانهم يطمنوا على بنتهم ان الناس اللى هينسبوهم ناس زى الفل
ربنا يكرمك ان شاء الله