مسائ الخير عليكم


دلوقتي انا كل فتره الاقي لمبه بتطفي في الطابلوه يعني ايه


يعني اولا لما اشتريت العربيه كانت لمبه الانتظار اللي بتنور وراه المفتاح محروقه قولنا مش مشكله و كمان لمبهاللي وراه العداد الديجيتال يعني الارقام الديجيتال تشوفها الصبح بس بليل لا

ومن فتره غسلت العربيه لاقيت اللبمه بتاعت الحزام فصلت كلمت واحد معرفه في التوكيل قالي ياعم مش مشكله مش هاتعمل بيها حاجة و شيك علي الفيشه اللي في الحزام
المهم شيكت وبرضوا مارجعتش تاني و سكت و نفضت

دلوقتي بقي انا كان عندي لمبة srs بتاع الاير باج منوره علي طول عشان الايرباج كان فاصل و و انا عارف كده المهم بقي دلوقتي لاقيتها مابقيتش تنور يعني خالص

يعني انا دلوقتي عندي نص اللمض مش شغالين مافيش غير بتاعت فرامل اليد و بتاعت الباب و كمان خايف لاحسن يطيروا هما كمان مع الوقت


هل في حل لموضوع اللمض ده ؟


حاجة كمان ماعلش حد عنده فكره العتب اللي حوالين العربيه بكام و الاسبويلر بتاعها بكام ؟؟ عشان انا عربيتي كلاسيك و عايز اركبلها العتب و الاسبوييلر

وكمان فوانيس الضباب الجديده اللي بتركب في ال 2013 و 2014 اللي بتاخد المكان كله تحت ديه بكام حد يعرف ؟؟

شكرا