تقرير مبدئى عن سيات توليدو 2014

**eraser** · 26-08-2014 05:57 PM

انا بقالى فترة عايز اجيب عربية سيات عموما والحمد لله ربنا كرمنى وجبت التوليدو الجديدة
جبتها مانيوال الفئة الاولى (الفئة التانية مش موجودة )
العربية ما بقالهاش كتير معايا عشان احكم عليها كويس بس مبدئيا انا مبسوط منها

عيوبها موضوع تزييق كاوتش الابواب وكمان عندى الطلعة وحشة والعربية ممكن تبطل لو مش واخد بالى ودا مش عيب سواق انا بقالى 7 سنين راكب فولكس مانيوال (عايز اروحلهم التوكيل بيصوا عليها لما افضا ان شاء الله)
وكمان مفتقد شوية حاجات بسيطة بس مهمة زى الازاز الاتوماتيك ووحدات الرفع (دايما بنزل واسيب الازاز مفتوع ولازم ارجع تانى وافتح الكونتاكت واقفل الازاز) وكمان مش بتقفل السنتر لوحدها مع السرعة وكمان اعتقد مفيهاش انذار
الموتور صوته عالى ومسموع وكمان صوت احتكاك الكاوتش مع الارض بس بحس ان عزل صوت الهوا والدوشة كويس (معرفش ازاى )
كمان العدادات مش عاجبانى اوي الصبح بس بليل حلوة جدا وكمبيوتر الرحلات كويس وقايم بالواجب

مميزاتها واسعة وعملية (اماكن تخزين كتير) والكراسى مريحة بالنسبالى وزوايا الرؤية كويسة والشنطة واسعة والاهم من كل دا الامان والثبات
عوامل الامان انا معجب بيها جدا والثبات بردو كويس بس مش تحفة (اعتقد جزء من دا بسبب ان الكاوتش مش حلو اوى)

فى الاخر انا مبسوط منها وحاسس انها احسن اختيار بالنسبالى وتستاهل تمنها وزيادة

**Karim Ibiza** · 26-08-2014 07:13 PM

مليون مبروك العربية وانضمامك لعائلة سيات وربنا يباركلك فيها

انا هعلق بس على نقطة صوت الموتور وصوت الكاوتش

اى عربية زيرو صوت موتورها بيبقى عالى لغاية ما تخلص فترة التليين الصوت بيهدى شوية ومع اول غيار زيت الصوت بيهدى اكتر
اهم حاجة متقرصش عليها الفترة دى وخلى دايما كل نقلاتك على 2500 rpm ومتحاولش تزود عن كده وده لغاية ما تعمل بيها 1600 كيلو بعد كده عيش حياتك

الألمان بيتعمدوا انهم يظهروا صوت الكاوتش عشان يخليك دايما طوول ما انت سايق حاسس بالطريق والسرعة اللى ماشى بيها وهى بتبقى 5% بس

عزل الهواء والدوشة والكاوتش الـ 3 مختلفين عن بعض ومنفصلين عن بعض

عزل الهواء ده راجع لأنسيابية العربية والبروز اللى فيها زى المرايات و أوكر الابواب

عزل الصوت الخارجى ده راجع لكاوتش الابواب وسمك الزجاج وفرش الابواب

مبروك مرة تانية ومتنساش تغير التوقيع بتاعك

**hossamalsadik** · 26-08-2014 07:39 PM

ألف مبروك يا مهندس شريف
متنساش وعدك لى بتقرير كامل عنها هنا فى القسم ان شاء الله
بصراحه كتير مستنى التقرير ده ومن أحد ملكها
أتكلم عن كل حاجه زى التقفيل وخامات الصالون ... ألخ
أنتا عارف ان موضوع تركيب بعض الكماليات خارج التوكيل ممكن يخرجها برا الضمان بيعتبروه لعب فى الضفيره الاساسية للعربيه عمتا أسأل عن تواجد و اسعار الحجات ديه فى التوكيل
موضوع الطلعه ال rpm واطى ولا ايه
بس كلامك المبدئى عن العربيه مبشر ومشجع جداً وده المنظر توقعه من التوليدو 2014

**eraser** · 27-08-2014 02:44 PM

المشاركة الأصلية كتبت بواسطة hossamalsadik

ألف مبروك يا مهندس شريف
متنساش وعدك لى بتقرير كامل عنها هنا فى القسم ان شاء الله
بصراحه كتير مستنى التقرير ده ومن أحد ملكها
أتكلم عن كل حاجه زى التقفيل وخامات الصالون ... ألخ
أنتا عارف ان موضوع تركيب بعض الكماليات خارج التوكيل ممكن يخرجها برا الضمان بيعتبروه لعب فى الضفيره الاساسية للعربيه عمتا أسأل عن تواجد و اسعار الحجات ديه فى التوكيل
موضوع الطلعه ال rpm واطى ولا ايه
بس كلامك المبدئى عن العربيه مبشر ومشجع جداً وده المنظر توقعه من التوليدو 2014

الله يبارك فيك يا باشا وعقبالك ولا انت عايز الليون ؟؟
التقرير فى دماغى بس امشى بيها شوية
التوكيل بيستهبلوا اوى فى الكماليات مثلا مسند الايد ب 3500 ج !!!!
لكن قطع غيار الصيانات معقولة
موضوع الطلعة هشوفه معاهم غالبت هروح قريب بس افضى

**eraser** · 27-08-2014 02:50 PM

المشاركة الأصلية كتبت بواسطة ibizaman

الف الف مبروووك
ومستنيين تفاصيل اكتر
الفرامل
العفشه
العلو
السحب
صوت الكاسيت
الخامات
متعه القياده
وسع الصالون

وربنا يبارك لحضرتك فيهااا ان شاء الله

الله يخليك عقبالك
لو بتحب سيات دوس ومش هتندم
الفرامل كويسة جدا حتى لو هديت جامد فى ملف العربية ثباتها مش بيتاثر
العفشة ناشفة شوية بس الكراسى مريحة (انا بحب العفشة الناشفة عشان الثبات ولاحساس بالطريق)
السحب كويس الناس كلها مبسوطة منه بس انا لسه فى الاول
العلو كويس بالنسبالى انا مبشيلش حاجات كتير
صوت الكاسيت حلو
الخامات ال touch points حلوة والباقى معقول بس بلاستيك
سواقتها وقعدتها حلوة (سيات) بس مش سبور زى الليون مثلا
الصالون واسع بالنسبالى بردو
روح احسن اعمل تست درايف فى العبور الناس هناك محترمين اوى

**ibizaman** · 27-08-2014 03:08 PM

المشاركة الأصلية كتبت بواسطة eraser

الله يخليك عقبالك
لو بتحب سيات دوس ومش هتندم
الفرامل كويسة جدا حتى لو هديت جامد فى ملف العربية ثباتها مش بيتاثر
العفشة ناشفة شوية بس الكراسى مريحة (انا بحب العفشة الناشفة عشان الثبات ولاحساس بالطريق)
السحب كويس الناس كلها مبسوطة منه بس انا لسه فى الاول
العلو كويس بالنسبالى انا مبشيلش حاجات كتير
صوت الكاسيت حلو
الخامات ال touch points حلوة والباقى معقول بس بلاستيك
سواقتها وقعدتها حلوة (سيات) بس مش سبور زى الليون مثلا
الصالون واسع بالنسبالى بردو
روح احسن اعمل تست درايف فى العبور الناس هناك محترمين اوى

متشكر جداااا لردك واهتمامك
وربنا يباركلك فيها ياارب

**movado** · 28-08-2014 12:41 AM

المشاركة الأصلية كتبت بواسطة eraser

انا بقالى فترة عايز اجيب عربية سيات عموما والحمد لله ربنا كرمنى وجبت التوليدو الجديدة
جبتها مانيوال الفئة الاولى (الفئة التانية مش موجودة )
العربية ما بقالهاش كتير معايا عشان احكم عليها كويس بس مبدئيا انا مبسوط منها

عيوبها موضوع تزييق كاوتش الابواب وكمان عندى الطلعة وحشة والعربية ممكن تبطل لو مش واخد بالى ودا مش عيب سواق انا بقالى 7 سنين راكب فولكس مانيوال (عايز اروحلهم التوكيل بيصوا عليها لما افضا ان شاء الله)
وكمان مفتقد شوية حاجات بسيطة بس مهمة زى الازاز الاتوماتيك ووحدات الرفع (دايما بنزل واسيب الازاز مفتوع ولازم ارجع تانى وافتح الكونتاكت واقفل الازاز) وكمان مش بتقفل السنتر لوحدها مع السرعة وكمان اعتقد مفيهاش انذار
الموتور صوته عالى ومسموع وكمان صوت احتكاك الكاوتش مع الارض بس بحس ان عزل صوت الهوا والدوشة كويس (معرفش ازاى )
كمان العدادات مش عاجبانى اوي الصبح بس بليل حلوة جدا وكمبيوتر الرحلات كويس وقايم بالواجب

مميزاتها واسعة وعملية (اماكن تخزين كتير) والكراسى مريحة بالنسبالى وزوايا الرؤية كويسة والشنطة واسعة والاهم من كل دا الامان والثبات
عوامل الامان انا معجب بيها جدا والثبات بردو كويس بس مش تحفة (اعتقد جزء من دا بسبب ان الكاوتش مش حلو اوى)

فى الاخر انا مبسوط منها وحاسس انها احسن اختيار بالنسبالى وتستاهل تمنها وزيادة

الف مبروك بس هو استفسار انا كمان عاوز اشترى مانيوال بس الفئة التانية هى ناقصة ولا مش بتنزل؟

**ehab_mansour** · 28-08-2014 10:17 AM

الف مبروك يا شريف و ربنا يباركلك فيها و يرزقك خيرها يارب و يبعد عنك الشر و العين
طب مش تقلي يا راجل !!!! تصدق انا زعلان
بالتوفيق ان شاء الله

-

-

الموضوع: تقرير مبدئى عن سيات توليدو 2014

LinkBack

أدوات الموضوع

عرض

تقرير مبدئى عن سيات توليدو 2014 - انشر الموضوع فى :

-

-

-

-

-

-

المواضيع المتشابهه

تقرير كامل سيات توليدو 2014

مقبل على شراء سيات توليدو 2014

بولو سيدان 2014 ولا سيات توليدو 2014 ؟!

رابطة حاجزي ومستلمي السيارة سيات توليدو 2014

محتاج تقرير مفصل عن سيات توليدو 2014

الكلمات الدلالية لهذا الموضوع

المفضلات

المفضلات

ضوابط المشاركة