تفتيح الموتور لسيراتو 2015

**ahmed hasanin** · 26-08-2014 11:58 PM

السلام عليكم يا وحوش الكيا انا معايا سيراتو 2015 فى السعودية استلمتها من شهر تقريبا وعاملة تقريبا 1400 كيلو دلوقتى كنت عاوز اعرف اعمل تفتيح للموتور ازاى عشان انا خلاص خلصت التليين وعملت صيانة ال 1000 وشكرا مقدما ليكم

**john55** · 27-08-2014 01:17 AM

اي طريق سريع تطلع عليه وتحرق في الغيارات وتحاول توصل السرعه من 160 الي 180 انا عملت كدا

**borio1704** · 27-08-2014 01:28 AM

مفيش حاجة فعلية اسمها تفتيح موتور

واللي بيحصل فعليا إن كمبيوتر العربية بيفهم إنك عايز تشد وبالتالي بيساعدك بإنه يزود كمية البنزين اللي بتتحرق فتحس إن العربية بتشد

ولو رجعت لطريقة السواقة الهادية تاني هتلاقي العربية رجعت استجابتها بطيئة تاني لإن الكمبيوتر بيفهم إنك مش عايز سواقة نشطة

ببساطة.. لو حضرتك عايز العربية تشد معاك هات الوضع اليدوي وانقل بنفسك... هتلاقي العربية بتشد كويس معاك... ولو عايز أقصى عزم.. ارفع الدوران لفوق الـ4000 rpm علشان الكامات تفتح على الوضع الرياضي.

خلي بالك... لو سايق في يوم حر بالنهار... استجابة العربية هتبقى أقل من المعتاد علشان كمية الأكسجين في الهوا بتبقى أقل... وبالتالي الاحتراق بيبقى غير فعال 100%

أنا موجود في جدة ومعايا سيراتو 2014 ... وده اللي بيحصل معايا بالظبط.

...

**Mecha** · 27-08-2014 04:05 AM

يكونشي زي تفتيح المخ و تسليكه

**memo_zezo** · 27-08-2014 09:17 AM

المشاركة الأصلية كتبت بواسطة borio1704

مفيش حاجة فعلية اسمها تفتيح موتور

واللي بيحصل فعليا إن كمبيوتر العربية بيفهم إنك عايز تشد وبالتالي بيساعدك بإنه يزود كمية البنزين اللي بتتحرق فتحس إن العربية بتشد

ولو رجعت لطريقة السواقة الهادية تاني هتلاقي العربية رجعت استجابتها بطيئة تاني لإن الكمبيوتر بيفهم إنك مش عايز سواقة نشطة

ببساطة.. لو حضرتك عايز العربية تشد معاك هات الوضع اليدوي وانقل بنفسك... هتلاقي العربية بتشد كويس معاك... ولو عايز أقصى عزم.. ارفع الدوران لفوق الـ4000 rpm علشان الكامات تفتح على الوضع الرياضي.

خلي بالك... لو سايق في يوم حر بالنهار... استجابة العربية هتبقى أقل من المعتاد علشان كمية الأكسجين في الهوا بتبقى أقل... وبالتالي الاحتراق بيبقى غير فعال 100%

أنا موجود في جدة ومعايا سيراتو 2014 ... وده اللي بيحصل معايا بالظبط.

...

لو سمحت حضرتك معاك اي فئه? وهل فيها abs

**mr.moustafa** · 27-08-2014 07:11 PM

ايه صيانة الألف ديه ؟!!!!!
مافيش صيانة في الألف !! أول صيانة عند 5000 كم
انت جايبها منين و عملت الصيانة ديه فين ؟؟؟؟

**ahmed hasanin** · 27-08-2014 07:55 PM

انا جايبها من كيا الجبر فى الدمام وعملت صيانة الالف مجانى وهى تغيير الزيت والفلتر وفحص العربية والزوايا وعملو تنضيف للموتور من التراب

**ahmed hasanin** · 27-08-2014 07:56 PM

المشاركة الأصلية كتبت بواسطة Mecha

يكونشي زي تفتيح المخ و تسليكه

**ahmed hasanin** · 27-08-2014 08:03 PM

المشاركة الأصلية كتبت بواسطة borio1704

مفيش حاجة فعلية اسمها تفتيح موتور

واللي بيحصل فعليا إن كمبيوتر العربية بيفهم إنك عايز تشد وبالتالي بيساعدك بإنه يزود كمية البنزين اللي بتتحرق فتحس إن العربية بتشد

ولو رجعت لطريقة السواقة الهادية تاني هتلاقي العربية رجعت استجابتها بطيئة تاني لإن الكمبيوتر بيفهم إنك مش عايز سواقة نشطة

ببساطة.. لو حضرتك عايز العربية تشد معاك هات الوضع اليدوي وانقل بنفسك... هتلاقي العربية بتشد كويس معاك... ولو عايز أقصى عزم.. ارفع الدوران لفوق الـ4000 rpm علشان الكامات تفتح على الوضع الرياضي.

خلي بالك... لو سايق في يوم حر بالنهار... استجابة العربية هتبقى أقل من المعتاد علشان كمية الأكسجين في الهوا بتبقى أقل... وبالتالي الاحتراق بيبقى غير فعال 100%

أنا موجود في جدة ومعايا سيراتو 2014 ... وده اللي بيحصل معايا بالظبط.

...

كلام مظبوط جدا وبيحصل معايا بالظبط دا انا حتى لسه كنت جاى من مشوار وعملت كده يعنى لما حبيت اشد طلعت لحد فوق ال 3 او 4 rpm لقيت العربية بتغير بسرعة وبتشد ولما نزلت لقيتها بتهدى فى الغيارات .انا معايا سيراتو 2015 ستاندر الفئة الاولى اتوماتيك 1600 بس فى حاجة عاوز اسألك عليها لما بشد بيها بحس بالغيار التانى بالنقلة وباقى الغيارات بتنقل بسهولة من غير ا احس بيها وفى العادى م بحس بالتانى ده بيحصل معاك ؟