الموضوع: الحمد لله المكنه انكسرت

المشاركة الأصلية كتبت بواسطة mido_more

تسلمولى يارجاله الحمد لله على كل شئ...انا شوفت الكسر النهارده بوضوح ومكنش مجرد شرخ .دى حفره فى الموتور..اه والله حفره فى الموتور..وياترى ياكيمو اى مكنه من دول مش هتفرق ولا تأثر على الكومبيوتر؟!!

لأ يا ميدو مش هتفرق فى الكمبيوتر لأن كلهم واحد واختلاف الكود ده بس عشان اختلاف الموديل والعربيات اللى كانت المواتير دى بتنزل فيهم

الحفرة دى سببها ان البييل اتكسر وفضل يرزع فى الشميز لغاية ما خرم البلوكة
وده سببه ان مفيش زيت كان بيوصل فوق

والسبب فى كده ان طرمبة الزيت ( مصفة الزيت ) مسدودة
من الواضح انك مبصتش عليها او نضفتها من ساعة ما جبت المكنة

المكن الاستيراد بيكون واقف سنيين من غير شغل وبواقى الزيت اللى جواه والترسبات بتجلمط جواه وبتبقى كتل وده اللى بيسد المصفة

وعشان كده لازم بعد تسقيط الموتور الاستيراد وبعد غيار الزيت بتاع التنضيف لازم تفك كرتيرة الزيت وتطلع المصفاة وتنضفها

ربنا يعوض عليك