الموضوع: تجربتي في شراء 4 ساعات من tinydeal ووصولها مصر بعد معاناه

بعد معاناة والانتظار لما يقرب من 50 يوم استلمت 4 ساعات كنت قد قمت بعملية شراء لهم من موقع tinydeal

واليكم تفاصيل العملية من البداية وحتي الاستلام وبعض الملاحظات والنصائح للأخوة الاعضاء

تاريخ الشراء : 29/06/2014
تاريخ الشحن : 4/07/20140

تاريخ الوصول : 20/08/2014

ثمن الشراء لمجموع ال4 ساعات = 34.30 دولار اي مايقرب من 250 جنيه

وهذه تفاصيل عملية الشحن كما وردت في موقع متابعة الشحنة

لكن طبعاً واجهتني بعض العقبات المتوقعة اكتشفتها بعد وصول الطرد لمصر

تم حجز وتعطيل المنتج في مصر من تاريخ 06/08/2014 حتي 20/08/2014 وهو شيء متوقع في بلدنا مصر ام الروتين والتعطيل والتأخير
لكن هناك مشكلة تسبب فيها موقع البيع حيث انه حدد بيانات الباي بال كبيانات الشحن وتم الشحن علي اسم اليوزر في باي بال وهو اسم مستعار ليس اسمي ولكن الحمد لله اني واضع عنواني الصحيح في بيانات الباي بال والا ما كنت هقدر استلم المنتج

وعند الاستلام دفعت مبلغ 150 جنية بفاتورة كمصروفات شحن لهيئة البريد المصري "دون اي تفاصيل يعني تقدير جزافي ليس له اي معني وغير محدد بنسبة معينة"

زي ما بنقول في مصر كدة "هو كده ولو مش عاجبك اشتكي وبرده هتدفع"

المهم دفعت واستلمت

واعتقد انها تجربة مفيدة وراضي بنسبة 80% عن الساعات

وهذه صورتها


واليكم رابط الساعات
1- CURREN Fashion Genuine Leather Band Quartz Watch for Men WMN-247517 - TinyDeal

2- CURREN Male Genuine Leather Quartz Watch with Calendar WMN-221234 - TinyDeal
ارجو ان اكون قد نقلت لكم التجربة بصورة واضحة قدر المستطاع

المشاركة الأصلية كتبت بواسطة qkash.com

الله يبارك ففيك
ومبروك وصول سلعتك و ياتري اخدوا منك كام مصاريف ؟؟؟؟؟؟؟؟؟؟

وهل كنت طالب من البائع تغيير سعر المنتج واللا لأ ؟؟؟؟؟؟؟؟؟؟؟

السعر كان ٨٥ دولار "٦٣٠ جنيه"، البائع كتب السعر من نفسه ٢٥ دولار و صنفها على أساس "used watch parts" بيوجب معايا :-)

مفردات الوصل اللي دفعته في البريد كالتالي:
جمارك. ٨١
إجراءات ١٣
رسوم ١٠ (العشرة جنيه دي انا ملاحظ إنها ثابتة ديما، ممكن يكتبوا قصادها فردة مثلا)
-------------
١٠٣

الحسبة دي أرخص من حسبة ادفعلي ب ١٨٨ جنيه :-)

دي الساعة اللي اشتريتها http://www.nilemotors.net/Nile/43549...post3875724371
و راجع باقي الموضوع هتلاقي في حاجات تفيدك بخصوص الساعات

المشاركة الأصلية كتبت بواسطة dede_dodo88

طب أنا كان عندي سؤال بخصوص حوار الشحن ده لأني كنت مشتري شوية حاجات بقالي حوالي 3 أسابيع و لسة موصلتش,,
في حاجات هتتشحن من الدنمارك عن طريق البريد الدنماركي, و حاجات تانية من أمريكا عن طريق USPS,
فهل الحاجات دي هتوصلي عن طريق البريد المصري ؟, هل ممكن الحاجات تتحجز بسبب موافقات أو لأي سبب ما ؟, و هل بيوصلوا الطرد للعنوان المطلوب و للا لازم أروح بنفسي أستلمه ؟..
للأسف مفيش tracking no. و أنا على طول متعود أجيب عن طريق شركات شحن زي FedEx أو UPS فالموضوع معاهم بيبقى أريح و أسرع بكتير..

الحاجات اللي ممكن تتحجز هي أجهزة الاتصالات، المستلزمات الطبية، الأدوية و الأغذية، المصنفات الفنية، الطابعات و غيرها. و كلها ليها إجراءات بتخلص و هتلاقي كلام عن الموضوع ده في مدونتي
البريد المصري مضمون جدا على فكرة. الطرود مافيش ساعي بريد بيشيلها و لازم تروح تستلمها من مكتب البريد بعد ما تستلم إخطار بوصول الطرد عن طريق الساعي أو بعد ما يتصل بيك موظف مكتب البريد يقول لك تروح تستلم على طول و من هنا تعرف أهمية كتابة موبايلك في العنوان.
الحاجات الرفيعة اللي بتيجي في ظرف مسطح "مش مبقلظ يعني" هتوصل بيتك عن طريق ساعي البريد