عندى جهاز 1500 وات بس 110 فولت اعمل ايه عشان اشغله فى مصر برجاء الافاده ضرورى
عرض للطباعة
عندى جهاز 1500 وات بس 110 فولت اعمل ايه عشان اشغله فى مصر برجاء الافاده ضرورى
زمان كان عندى تسجيل كان جيلى من السعودية و بيشتغل 110 فولت جربت ترانسات كتير من220الى 110و مستحملتش و افتكر النوع الوحيد ال قعد معايا فترة كبيرة تعدى 3 سنوات اسمة ( جينرال ) صناعة مصري تخيل كنت مندهش افتكر فى محل بيبيع ترنسات فى باب اللوق على الشمال وانت داخل من التحرير شوف يمكن يكون عندة و الله الموفق
1500 وات كتير .... الترانس اللى يشغله هيبقى غالى ....
راديو شاك هتلاقى عنده بس غالى حبتين ... او تنزل باب اللوق عند النخيلى و تشوف الاسعار عامله ايه
هو ايه الجهاز ؟
في حل ان لو عندك منه 2 ممكن تشغلهم مع بعض على التوالى بالـ 220 عادى ، كدة كل جهاز هياخد 110 :d
بس بشرط ان الحمل بتاعهم يكون ثابت طول الوقت على 1500 وات او الاتنين بيتغيروا مع بعض بالظبط
لازم تشتري محول 220/110 من النخيلي مثلا أو طلعت في العتبة و ممكن تلاقيه عند أي كهربائي محترم. و لازم يكون مناسب ل 1500 وات يعني حوالي 2kva.
متابع
باب اللوق هتلاقى حاجتك
El Mosky , beginning of Azhar st as well
انت عايز محول ......بس لازم تقوله ينفع مع الجهاز بتاعك .....لانى مره شوفت محول 1500 وات ولكن لا يستخدم مع الحاجات اللى فىها سخانات زى السيشوار والمكوه
سألت على الـ ستيبليزر ؟؟
تقريبا بتاخد الـ 220 و تحولهم 110 .
شكرا ياجماعه على اهتمامكم الجامد ده وفعلا انا نزلت النهارده باب اللوق وروحت عند النخيلى قالى هيبقى ترانسفورمر كيلو ونص وهيتصنع بالطلب وهيبقى بحوالى 1300 وبعد اسبوعين روحت عند المأمون قالى استبليزر 2 كيلو 550 وهييجى يوم السبت بس الاستبليزر فى النخيلى قالى مش هيظبط لو الجهاز فيه تايمر او سخان بيفصل بعد وقت معين فلازم ترانسفورمر سألت تانى عند مين الاقى قالولى على محل اسمه القومى روحت لاقيت عنده ترانسفورمر كيلو ونص 375 و2كيلو 575 جبت الاتنين كيلو بيتحمل لغاية 2000 وات وبيشغل مايكروويف وسخان ومكواه واى حاجه تقيله وهو وزنه تقيل وحجمه مناسب جدا ومش كبير زى الاستبليزر وجربناه وخرجه 109 فولت