الموضوع: إكــتــشـــاف!

كنت باشوف برنامج حبة عسيلي على أو تي في و كان احمد العسيلي مقدم البرنامج عامل زي ريبورتاج كده عن علاقة الشباب بأهلهم و كان سؤاله في الأول عن تفتكر ممكن والديك يعملوا ايه عشان يقربوا منك؟ طبعا ساعتها اللسان بينطلق باقتراحات من نوع: يقعدوا معايا اكتر.. يحاولوا يفهموني اكتر.. يشاركوني اهتماماتي.. الخ الخ الخ

السؤال بأه اللي بيكون بعده على طول هو: طيب و انت شايف انك ممكن تعمل ايه عشان تقلل الفجوة اللي بينكوا؟.. هنا بأه تبدأ التهتهة.. و التلعثم.. و أأأأأأ.. و يفضل الشاب من دول او الفتاه يجيبوا كلام من الشرق و من الغرب و مش عارفين يجمعوا اقتراحين على بعضهم يقدروا بيهم يقربوا من أهاليهم.. و ده ليه؟ عشان احنا اتعودنا نوزع الاتهامات بكل سهولة على الناس و نحملهم مسؤولية تدهور علاقتنا بيهم ايا كانوا هؤلاء الناس.. بس نسينا اننا لما بنشاور على حد بإصبع الاتهام فإحنا بنشاور بصباع واحد ناحية الطرف الآخر، بينما تلات أصابع بتشاور ناحيتنا احنا.. جربوها كده و هتلاقوها صح، و كمان هنلاحظ ان الخطأ ممكن يقع فيه الزوجين مع بعضهم أو الصديقين أو حتى زملاء العمل.. يعني شامل جميع العلاقات الإنسانية.

اما بأه الاكتشاف اللي انا اكتشفته اني ظبطت نفسي باقع في نفس الخطأ ده في مرة من المرات.. بس المهم اننا نتعلم

السلام عليكم ..
يا اخت علا .. سوف اقص عليكم تجربتي الشخصية مع والدي ووالدتي
فانا كنت اسافر كثيرا بحكم عملي حيث كانت تمر الشهور الطويلة دون اراهما, و لاتنسي ان طبيعة الحياة و الجري ورا لقمة العيش لكل منا انساه اهله و اقاربه

لكني بعد ان من الله علي بالاستقرار اخيرا في ارض الوطن ووفقت الي عمل دائم هنا و رغم كثرة اشغالي و ضيق الوقت الا انني لابد ان اقضي معهم يوم الخميس مساء عند جدتي اطال الله في عمرها حيث تجتمع العائلة كلها خالاتي و خيلاني و ابنائهم لنتحدث و نتبادل الاراء و يتعرف كل منا علي وجهة نظر الاخر و مشاكله الخ....

و في يوم الاجازة(الجمعة أو السبت) اصطحب زوجتي و ابني الي والدتي أو حماتي بالتبادل كي نقضي مع ايهما اليوم و في احيان اخري ندعوهم لزيارتنا

اما الاهل و الاقارب خارج القاهرة فعلي الاقل لابد من زيارتهم في الاعياد , منها صلة للرحم و فسحة و ترفيه و تغيير جو بعيدا عن القاهرة

بذلك نجحت في كسر جمود الحياة و روتينها و اذابة الجليد الذي قد ينشأ بيني و بين اهلي بسبب فوارق السن و المسافة و مشاغل الحياة

أرجو الا اكون قد اطلت عليكم
مع خالص تقديري و تحياتي لكل السادة الاعضاء