عداد السرعة في الألنترا

**Salah_sr** · 20-07-2007 08:57 PM

هل يوجد من عدت عليه المشكله ده وهي إن عداد السرعة يعطي قراءة غير السرعة الحقيقية يعني لو أنا ماشي علي 100 كيلو يعطي 110 كيلو و كيفية ضبط هذه المشكلة حد عنده فكرة أنا تأكدت من الموضوع ده بالمقارنة بيني وبين عربيات أخري و أيضا في الردارات الموجودة في الطريق الصحراوي مصر إسكندرية و شكرا

**mina_ramsis** · 20-07-2007 10:09 PM

عرفت ازاى الموضوع ده و هل انت مغير الجنوط و لا لأ
بعدين لو هيا بتدين قراية انك ماشى على 110 و هى ماشية على 100 بس يبقى الرادار مش هيجيبك اتأكد الاول قبل ماتخلى حد يلعب فى العربية :) :)

**Salah_sr** · 20-07-2007 10:16 PM

أولا أنا مش مغير الجنوط ثانيا يوجد علي طريق مصر إسكندرية رادارت تابعة لشركة تأمين عندما تمر عليها تعطيك سرعتك علي الشاشة وهي موجودة كل 20 كيلو تقريبا و كما قلت سابقا قارنت عربيتي بعربية أصدقاء وكان في داثما 10 كيلو فرق مع العلم العربية جديدة يعني حوالي 20 يوم فقط و انا كنت ملاحظ أن سرعة العربية غير طبيعية و فكرت إنها بسبب عزل الصوت في العربية و الثبات الممتاز ولكن عند سفري إلي الأسكندرية لاحظت الفرق مع الآخرينثم مع الردارات

**Hossam Mounir** · 21-07-2007 01:37 PM

صديقى العزيز ... مع أحترامي لكل ما قلت أنا مش مقتنع بالموضوع ده ... تأكد أولاً ...

أما عن الشاشات ال Digital اللي متركبة كنوع من الدعاية لبعض الشركات ... على جانبي طريق القاهرة - الأسكندرية الصحراوى ... أحب أقول لسيادتك ... أنا كل قرايتها غلط ... وبالتجربة ... وهيا مجرد بتديلك فقط Indication ... عن سرعتك حتى تنتبه ... ولكنها تقريبية طبعاً ... المهم أنا مش عارف سيادتك أزاى قارنت سرعتك مع أصدقائك ... ولكن نصيحتى ليك متخليش حد يفتح التابلوة ... حتى التوكيل ... إلا لو أنك متأكد من الموضوع ده بنسبة 300% ...

تحياتي للجميع ...

م / حسام منير

**Salah_sr** · 21-07-2007 02:58 PM

صباح الخير ياحسام أنا رحت هذا الصباح للمهندس بهاء في كارتك و هو شخص مهذب جدا المهم أخذ العربية بالداخل وكشف بالكمبيوتر علي العربية و السوفت وير أكد لي إن العربية مظبوطة و مفيهاش أي مشكلة وكرر الكشف مرة أخري بعد أن عمل update للبرنامج علي الكومبيوترو الحمدلله طلع كله تمام أما عن سؤالك عن كيف تأكدت من قبل فأنا مشيت بجانب عربية أحدي الأصدقاء وكان فعلا في فرق 10 كيلو أي كان سرعة العربية و طبعا أنا مازلت مش فاهم أزاي و لكن مقدرش أكذب الكومبيوتر :roll:

**Hossam Mounir** · 21-07-2007 03:21 PM

وكان فعلا في فرق 10 كيلو أي كان سرعة العربية و طبعا أنا مازلت مش فاهم أزاي و لكن مقدرش أكذب الكومبيوتر

بسيطة يبقى صديقك ... عدادة هوه اللى مش مظبوط ... :) :)
طبعاً أكيد ممكن يكون هوه مركب جنوط ... أو عربيته قديمة شوية ... وعدادها مخرف ... وممكن طبعاً ...نتيجة للسرعة النسبية بين عربيتين بيتحركوا مع بعض مش هتدى نفس القرأة فى العدادين ... يا عم خضيتنا على العربية ...

على العموم ... الحمد لله أنك أطمنت على العربية ... بس صدقني معرفش ليه :!: :!: أن كنت متأكد أن العربية ما فيهاش أى حاجة ... ربنا يباركلك فيها ...

تحياتي للجميع ...

م / حسام منير

**Salah_sr** · 23-07-2007 04:48 PM

شكرا علي ردك الجميل دائما بس أنا عايز أقول كلام في سرك (أنا مازال عندي شك وعلي فكرة أنا سافرت إلي إسكندرية تاني أمس و كنت ماشي علي 110 بالضبط و عديت علي لجنة رادار و لم يسألني عن أي شيئ المهم أنا رايح بكرة إن شاء الله مرسي مطروح و مسافر معي قريب لي بعربية أوبترا جديدة و حنجرب مرة أخري بعيد عنك الشك شئ فظيع و لكن بجميع الأحوال أنا لن أدع أي شخص بلعب في العربية وشكرا لك مرة أخري

**roffa1** · 31-07-2007 07:14 PM

أنا كان عندى نفس المشكلة بس العكس يعنى كانت سرعتى تكون 100 و عند غيرى 110 وكانت العربية سيينا 1400 و كانت فى الضمان راحو غيرولى لوحة العداد كلها على حساب الضمان و رجعت على الزيرو من جديد بعد ما عملت بيها 30000 كم